Kelong ssukkuruꞌi barakkaꞌ-Na Puang Allataala
67
Dipatuju lako tomangpalunna tomakkelong dipannonian cuꞌbekan. Kelong.2 Dennaa upaꞌ Nakamaseikiꞌ, Nabarakkaꞌkiꞌ Puang Allataala.
Dennaa upaꞌ Natattaꞌ mpakamojaꞌkiꞌ.
3 Oo Puang Allataala, dennaa upaꞌ naissen ngasanni tau to pakkaeloran-Taꞌ,
na dipangpeissenan to kasalamatan pole jio mai Kitaꞌ lako sininna bangsa.
4 Oo Puang Allataala, dennaa upaꞌ na sininna tolino mangsukkuruꞌ lako Kitaꞌ.
Dennaa upaꞌ na sininna bangsa mangsukkuruꞌ lako Kitaꞌ.
5 Dennaa upaꞌ na sininna bangsa mario,
na masannang-sannang mpuji-Kiꞌ,
sabaꞌ maruruh-Kiꞌ mangparenta,
Tapatujui to bangsa llan lino.
6 Oo Puang Allataala, dennaa upaꞌ na sininna tolino mangsukkuruꞌ lako Kitaꞌ.
Dennaa upaꞌ na sininna bangsa mangsukkuruꞌ lako Kitaꞌ.
7 Endekmi asseleꞌna to padang,
Nabarakkaꞌimikiꞌ Puang Allataala to tasompa.
8 Nabarakkaꞌimikiꞌ Puang Allataala,
dennaa upaꞌ na sininna tolino ngkalajaꞌ-ngkasiriꞌ-I.