Pangsessa lako togajaꞌ
64
Dipatuju lako tomangpalunna tomakkelong. Kelongna Raja Daud.2 Oo Puang Allataala, Tapesaꞌdingngii ke mangpeasanaꞌ,
pasalamaꞌi sungaꞌkuꞌ jio mai ewa to melajatan.
3 Lendungnginaꞌ jio mai tomesaꞌ penawa la mpugauk kagajatan,
jagainaꞌ jio mai akkatta gajaꞌna tomasaꞌgaꞌ.
4 Gaja taran to lilana susi paꞌdang,
mpasun kada mepaꞌdikan penawa
butung mata pana dipempatteran.
5 Ncuritai kada tangtongan llan mai ngenan pembunianna,
na teꞌda namalajaꞌ nnanggaran kada to toteꞌda salana.
6 Napukuliꞌmo to mpugauk kagajatan,
namesaꞌ penawa la ntanan poja to teꞌda naissenni tau laen,
namangkada nakua, “Indara la ngkitakiꞌ?”
7 Mangngattai la mpugauk kagajatan nakua,
“Sadiamokan, marappimi to akkattakiꞌ.”
Nang tangdideteꞌ mpahangngi to akkatta llan penawanna tau.
8 Apa Puang Allataala mpakannaii sessa, susi pana mataran ngkannai
nataꞌpa songka.
9 Natumangngi kadanna namasolang,
na sininna tau to ngkitai nniling-iling napangpissikanni.
10 Iamo namemmalajaꞌ to sininna tau,
napikkiriꞌi, naakuii, napakarebai to Napugauk Puang Allataala.
11 La marioi to tomelo sipaꞌna,
ssaꞌdingngi joo Napugauk Puang Allataala.
Mentilendung lakoi Puang Allataala to tomaruruh,
namario masannang mpakalaꞌbih-Hi.