Kota Yerusalem kota-Na Puang Allataala
48
Kelongna batiꞌ Korah.2 Liwaꞌ makuasa to Puang Allataala,
na gaja dipakalaꞌbih jio kota-Na jao Sion.
3 aIa joo Buntu Sion buntu matande na maballo,
napumario sininna tolino.
Iamo kotana Raja to makuasa na malaꞌbih.
4 Llan benteng-Na to Nanii torro mpangpeissenan kale-Na kumua,
Ia bang una buntu batu pentilendungan.
5 Kitami sininna raja, sirempunmi
ratu la rrarii.
6 Apa ia tonna kitai joo benteng kota, sijangngaranmi,
na simalajatan sumpalingan sipalaian.
7 Pada malajaꞌmi nasimbeꞌberan jio ntuu joo,
susi mesaꞌ baine kapaꞌdikan la keanak,
8 Taancuruꞌi susi kappalaꞌ to-Tarsis
ancuruꞌ nakanna angin baraꞌ jio mai kadellekan.
9 Susi to puramo tasaꞌding takita toomo
to mangka Napugauk jio kota-Na, Puang Allataala to makuasa.
Ia joo kota, kota-Na Puang Allataala to tasompa,
Nalendungngii teꞌda anggena.
10 Oo Puang Allataala, llan Bola-Taꞌ
kinii mpikkiriꞌ mandalan tonganni to pangpakamojaꞌ-Taꞌ.
11 Oo Puang Allataala, kaissenan to sangan-Taꞌ,
susi toomi joo dipakalaꞌbih-Kiꞌ llan sininna lino.
Maruruh-Kiꞌ mangparenta.
12 Melo ke ia to tojao Buntu Sion mario,
melo ke ia to totorro jio Yehuda masannang,
sabaꞌ Kitaꞌmo tomangraꞌtah maruruh.
13 Ee ummaꞌ-Na Puang Allataala, lingkai mengguririkki to kota Sion,
mirekenni to potok menaranna.
14 Pemakitaii to temboꞌna, mikanassaii to bentengna
miwaꞌding ncuritanni batiꞌmi kumua,
15 “Ia to Puang Allataala to tasompa teꞌda anggena,
Iamo mpatuju tarruhkiꞌ.”