Kelong dipukelong ke bottingngi to raja
45
Dipatuju lako tomangpalunna tomakkelong. Nturuꞌ kelong “Bunga Bakung.” Kelongna batiꞌ Korah. Kelong pangpangngajah. Kelong pangpakamojaꞌ.2 Ia to kada-kada makassing ponno llan penawangkuꞌ,
la kupukelong mpakkelongan raja.
Ia to lilakuꞌ butung peukiꞌna mesaꞌ tomacca mangngukiꞌ,
sadia la mpau kada maballo.
3 Kitaꞌmo kaminang magantaꞌ jio mai allaꞌna sininna tau,
melona manda to napau timuntaꞌ.
Nang pajan kumua,
Nabarakkaꞌikiꞌ Puang Allataala teꞌda anggena.
4 Ee raja, pangbarani, takinmi to paꞌdangtaꞌ,
kitaꞌmo raja gaja malaꞌbih.
5 Malemikiꞌ parari tataloi to ewataꞌ mpake kamalaꞌbirantaꞌ.
Tapangngewan katonganan, kamamasean sola kamarurusan,
na kuasantaꞌ tawaꞌding mpugauk panggaukan mejangngaran.
6 Ia to panataꞌ gaja taran, ntarruh babaraꞌna ewataꞌ,
na sininna bangsa tataloi.
7 Puang Allataala mbenkiꞌ kuasa mangparenta,
tamaruruh mangparenta,
na ia to kaparentantaꞌ teꞌda anggena.
8 a Takabudai to kamakassingan na takabaꞌci to kagajatan,
iamo Naangkaꞌkiꞌ Puang Allataala menjaji raja nadiminynyakki to uluntaꞌ mpaassahkiꞌb,
talaꞌbih masannang sola malaꞌbih na raja laenna.
9 Ia to pakeantaꞌ busarungnguꞌ,
dipalakoi minynyaꞌ-minynyaꞌ mur, gaharu na cendanac,
na jio istana to diballoi parewa masuliꞌd
nanii to tomangcuꞌbekan mpamariokiꞌ.
10 Llan allaꞌna baine llan istana,
den baꞌtu pira-pira anak raja baine,
na jio saꞌde kanan kadera malaꞌbihtaꞌ,
nanii keꞌdeh tobotting baine,
mangpakean diballo-balloi bulawan dibawa jio mai tana Ofir.e
11 Ee tobotting baine, pesaꞌdingngii kadangkuꞌ,
pabokoꞌimi penawa to adaꞌna sileꞌtomu sola bangsamu.
12 Ia to kamaloloanmu mpamacinna raja,
iamo puangmu, pesaꞌdingngii.
13 Ia to to-Tirus ratu mbawanko kasugiran,
ia to tosugih ssedeko dikua mukabudaii.
14 Ia joo tobotting baine mentama istana raja,
mangpakean malaꞌbih cumbiaꞌ-biaꞌ
diballo-balloi bulawan.
15 Mangrupa-rupa warna pakeanna namangngolo lako raja,
naundi to anaꞌdara sangbaraꞌ-baraꞌna,
ssolanni mangngolo lako raja.
16 Ia tonna disolanmo mentama istana raja,
mario-rio ngasan to tau namasannang.
17 Kitaꞌmo rajakuꞌ, dennaa upaꞌ tajajian buda anak muane,
la sullekiꞌ ncadokkoi kadera kaparentanna tojolotaꞌ,
la ngkuasai sininna bangsa llan lino.
18 Iamo tee kelongkuꞌ, la kupake mpakaissenan tarruhhi to sangantaꞌ ratu lako batiꞌtaꞌ.
Iamo na la mangsukkuruꞌ lako kitaꞌ to sininna bangsa teꞌda anggena.