Tomamaliꞌ lako Puang Allataala
(Sitarruhna Zabur 42)
43
Oo Puang Allataala, pamanassai kumua teꞌda kusala.Pangkadannaꞌ ke napasalanaꞌ to bangsa maduraka.
Laꞌparannaꞌ jio mai tomajekkong na pangnguraga.
2 Kitaꞌmo Puang Allataala to kunii mentilendung.
Ciapari Tasalainaꞌ?
Ciapari kumapaꞌdik tarruh,
napandasa ewakuꞌ.
3 Pakitannaꞌ kumua tattaꞌ-Kiꞌ mpugauk janjin-Taꞌ,
Taarrangngii lalankuꞌ,
to mpatujunaꞌ pole deꞌ Buntu Sion
ngenan malaꞌbih-Taꞌ to Tanii torro,
4 kumangngolo lako Kitaꞌ jio ngenan pangkaroban-Taꞌ,
Kitaꞌmo kupumasannang sola kupumario.
Oo Puang Allataala to kusompa, la makkelongnaꞌ kumangcuꞌbekan
mangsukkuruꞌ lako Kitaꞌ.
5 Ciapari kumasse bang natangrapaꞌ penawangkuꞌ?
La rannuanraꞌ Puang Allataala!
La mangsukkuruꞌ omoꞌ lako Puang Allataala to kusompa.
Iamo Puang Allataala to mpasalamaꞌnaꞌ.