Passambajang metaꞌda kamalagaran
41
Dipatuju lako tomangpalunna tomakkelong. Kelongna Raja Daud.2 Masannang to tomparinawa totangpakulle,
sabaꞌ la Natulung Puang Allataala ke masussai.
3 Nalendungngii, Naparakaii,
namasannang llan tana manahna,
na teꞌda Naeloranni to ewana ntaloii.
4 Puang Allataala la ntulungngi ke masakii,
Napamalagahhi.
5 Kukua mangkada, “Oo Puang Allataala, madosamoꞌ lako Kitaꞌ,
kamaseinaꞌ Tapamalagahnaꞌ.”
6 Liwaꞌ mataran timunna ewakuꞌ ngkuannaꞌ,
“Piranra ia nalamate na teꞌdamo nadiingaran to sanganna.”
7 Ratui mpellingiꞌnaꞌ,
apa teꞌda nalantuk penawanna,
raturi nnangah curita tangmelo kupugauk,
namale mpaui lako tau.
8 Ia to tongkabaꞌcinaꞌ sibisik-bisik,
nanawa-nawannaꞌ kagajatan.
9 Nakua, “Masakii nagaja mandongmo,
na tangnakullemi miꞌcok.”
10 a Moi to toliwaꞌ kusipakamojatan,
na gaja kukatappaꞌi too,
to tuli kusolan kumande, naewamoꞌ.
11 Oo Puang Allataala, kamaseinaꞌ Tapamalagahnaꞌ kumawatang,
kuwaꞌding mbalahhi to kagajatanna ewakuꞌ.
12 Ia ke teꞌda natalonaꞌ ewakuꞌ,
kuissenmi kumua Tapumasannangnaꞌ.
13 Tatulungnaꞌ, sabaꞌ teꞌda caccakuꞌ,
iamo joo kuwaꞌding torro tarruh sola Kitaꞌ teꞌda anggena.
14 bDipakalaꞌbih to Puang Allataala to nasompa to-Israel.
Pakalaꞌbih tarruh-Hi teꞌda anggena.
Jajimi susi joo. Amin.