Raja Malaꞌbih
24
aKelongna Raja Daud.Apan-Na Puang Allataala tee lino sola sininna issinna.
2 Puang Allataala mpattantui to garontoꞌ lino jiong tasik,
Napamawatangngi keꞌdeh jiong wai to liwaꞌ mandalan.
3 Indara to dieloran endek deꞌ buntun-Na Puang Allataala,
nawaꞌding mentama Bola malaꞌbih-Na?
4 b Iamo to tomelo penawanna sola panggaukanna,
to mangkada tongan ke massapahhi nateꞌda too nasompa dewata.
5 Iamo la ntarima barakkaꞌ-Na Puang Allataala
nadireken to tangkasalan jio mai Puang Allataala,
to mpasalamaꞌi.
6 Susimi joo to tomadoang mangngolo lako Puang Allataala,
naratu ssompa Puang Allataala to nasompa Yakub tojolotaꞌ.
7 Pemaluahhi timbakan to babangan kota nang denmo tempon jiona mai
namentama to Raja Malaꞌbih.
8 Indara to Raja Malaꞌbih?
Iamo to Puang Allataala to makuasa,
to tuli patalo ke parari-I.
9 Pemaluahhi timbakan to babangan kota nang denmo tempon jiona mai
namentama to Raja Malaꞌbih.
10 Indara ia joo Raja Malaꞌbih?
Puang Allataala to makuasa,
Iamo Raja Malaꞌbih!