Puang Allataala Tomangrewa majampang
23
Kelongna Raja Daud.Puang Allataala susi tomangrewa mparakainaꞌ,
Nabennaꞌ sininna to kuparalluinna.
2 a Nasolannaꞌ lako ngenan reu malompo
kunii mpasau boꞌjoꞌkuꞌ.
Napatujunaꞌ mangnguju
lako to nanii wai malino.
3 Napamasumangaꞌ poleꞌnaꞌ,
Napatujunaꞌ lako lalan katonganan,
dikua nadipakalaꞌbih to sangan-Na.
4 Moi kunnola jio lombok malillin,
teꞌda kumalajaꞌ abalaꞌ,
sabaꞌ Kitaꞌ ssolannaꞌ.
Talendungnginaꞌ,
susi mesaꞌ tomangrewa njagai pangrewana
mpake tekkenna sola kaju perambi.
5 Tapasadiannaꞌ kande
jio olona ewakuꞌ.
Tabolloi minynyak busarungnguꞌ to ulungkuꞌ,
tandana ditaratteꞌ toratunaꞌ.
Tapalennarannaꞌ liwaꞌ buda to la kuisoꞌna.
6 Nang kameloan manda to Tapugauk lako akuꞌ
natuli Tapakamojaꞌnaꞌ,
iamo kuwaꞌding torro llan bola-Taꞌ
angge tuokuꞌ.