Passambajangna todipaꞌdikki
13
Dipatuju lako tomangpalunna tomakkelong. Kelongna Raja Daud.2 Oo Puang Allataala, pirapara masainna Tanii ssalainaꞌ?
Pirapara masainna Tanii mpembuniannaꞌ?
3 Pirapara masainna kunii mperasai kamasussan
sola masse penawa allo-bongi?
Pirapara masainna nanii ewakuꞌ ngkuasainaꞌ?
4 Oo Puang Allataala to kusompa, parinawanaꞌ,
pebalii passambajangkuꞌ.
Pemawatangnginaꞌ,
danggiꞌ elorannaꞌ mate.
5 Danggiꞌ eloranni to ewakuꞌ mangkada kumua, “Kutalomi.”
Danggiꞌ napumasannangngi ngkita kamasussankuꞌ.
6 Kukatappaꞌi kumua tattaꞌ-Kiꞌ mangpakamojaꞌ.
Kupumario, sabaꞌ Kitaꞌmo mpasalamaꞌnaꞌ.
Jaji la makkelongnaꞌ mpakalaꞌbih Puang Allataala,
sabaꞌ mangka-Mi mpugauk kameloan lako akuꞌ.