Passambajang metaꞌda tulung
12
Dipatuju lako tomangpalunna tomakkelong. Nturuꞌ Kelong Mangpengkarua. Kelongna Raja Daud.2 Oo Puang Allataala, tulungkan,
sabaꞌ mallamo tau melo sipaꞌna,
ciꞌdiꞌmora tau tattaꞌ mpugauk pakkaeloran-Taꞌ.
3 Siuragai to totangmelo sipaꞌna.
Melo jio timunna, apa gajaꞌ llan penawanna.
4 Oo Puang Allataala, papajami kadanna to tomelo jio bangra timunna,
suai kammaꞌ to tomangkada matampo,
5 nakua mangkada,
“Makuasakan mangkada,
teꞌda tau ngkullei nnanggaikan mpau kada to madoang kipau.”
6 Apa mangkada-I Puang Allataala Nakua,
“Ia to tokaasi-asi dipandasa tongan na sumarro.
Iamo joo Kuratu mbenni kamanyamanan,
susi to nakadoangngi.”
7 Tongan to kadan-Na Puang Allataala,
susi peraꞌ pembuda ditunu teꞌda lalo carepana.
8-9 Ia to togajaꞌ umbo-umbo ngenan nanii,
sabaꞌ nakabudai tau to kagajatan napugauk.
Apa Kitaꞌ, Puang Allataala llendungngikan,
Tajagaikan jio mai tomangpanggaukan gajaꞌ.