Malaꞌbih to tolino apa laꞌbi malaꞌbih to Puang Allataala
8
Dipatuju lako tomangpalunna tomakkelong. Nturuꞌ kelong Gitit. Kelongna Raja Daud.2 Oo Puang Allataala to kisompa,
manassa malaꞌbih-Kiꞌ, na kaissenan to sangan-Taꞌ llan sininna lino.
Kamalaꞌbiran-Taꞌ to njaoanni langiꞌ,
3 a napukelong sininna pea, moi to maneꞌ jajinna.
Mangkami-Kiꞌ ngkabuaꞌ benteng to tangnakulle ewa ntamaii,
arannai sininna ewataꞌ teꞌdamo nasumu.
4 Ia ke kukitai to langiꞌ panggaragan-Taꞌ,
na bulan sola bintuin to Tapajao langiꞌ,
5 bjangngahnaꞌ kumekutana kumua,
“Ciapari Taingaranni tee tolino?
Inda todari ia an-Taparinawai?”
6 Apa Tabenni kuasa to tolino naciꞌdiꞌmora na pada kakuasan-Taꞌ.
Tapupenjajii tomalaꞌbih to dikasiriꞌ.
7 cTabenni to sininna apa Tapaden nakuasaii,
Tapabarakkannii sininna panggaragan-Taꞌ,
8 susinna beke, domba, sapin
sola sininna olok-olok lampung,
9 manuk-manuk mentiaꞌ, bale,
sola sininna to apa tuo jiong tasik.
10 Oo Puang Allataala to kisompa,
manassa malaꞌbih-Kiꞌ na kaissenan to sangan-Taꞌ llan sininna lino.