Zabur 3

Passambajang ke makaleꞌ

Kelongna Raja Daud tonna palai jio mai Absalom, anakkana.

2 Oo Puang Allataala, liwaꞌ buda to ewakuꞌ

gaja buda to tonnewanaꞌ.

3 Buda tau mangkada mpaunaꞌ kumua,

“Teꞌda Nalantulungngi Puang Allataala.”

4 Apa Kitaꞌmo Puang Allataala,

susi perisai llendungnginaꞌ.

Tapapatalonaꞌ,

Tapamasumangaꞌnaꞌ.

5 Metambanaꞌ lako Puang Allataala metaꞌda tulung,

Napebalinaꞌ jao mai buntu malaꞌbih-Na.

6 Ia ke mbambangannaꞌ kalekuꞌ kuarannai leppeng,

miꞌcok onaꞌ ke makaleꞌi, sabaꞌ Naampainaꞌ Puang Allataala.

7 Na teꞌda kumalajaꞌ lako massaꞌbu-saꞌbu ewakuꞌ

to ntalimbungnaꞌ.

8 Oo Puang Allataala to kusompa, pasalamaꞌnaꞌ jio mai ewakuꞌ to ntalimbungnaꞌ.

Kitaꞌ mangka ntambongai to parangka angaꞌna to sininna ewakuꞌ,

Kitaꞌ ssimpo-simpo isinna to togajaꞌ.

9 Oo Puang Allataala, pole jio mai Kitaꞌ to kasalamatan.

Barakkaꞌi to ummaꞌ-Taꞌ.