Raja to Napilei Puang Allataala
2
Ciapari namarontaꞌ to sininna bangsa?Anna akkattairi to teꞌda buaꞌna?
2 aSadiai to raja llan lino,
na mesaꞌ kada to sininna tomangparenta,
la nnewa Puang Allataala,
la nnewa too raja mangka Napilei Puang Allataala.
3 Mangkadai nakua,
“Tararii to kaparentan-Na Puang Allataala sola raja to mangka Napilei,
talaꞌpah jio mai kakuasan-Na.”
4 Jao mai kadera malaꞌbih-Na jao suruga,
Puang Allataala mpetawa-tawai
sola ncapaꞌi joo sininna tomangparenta.
5 Nakabirihhi Puang Allataala, Nagarraꞌi,
Napasabakanni kamagallian-Na.
6 Nakua Puang Allataala ngkuanni,
“Akuꞌmo to mangka mpileii to raja
jao Sion, buntu malaꞌbih-Kuꞌ.”b
7 c Mangkadai joo raja Napilei nakua,
“La kupangpeissenan to mangka Napattantu Puang Allataala.
Nakua lako akuꞌ, ‘Ikomo anak-Kuꞌ.
Kupangpeissenan tee allo kumua ikomo anak-Kuꞌ.
8 Metaꞌdako lako Akuꞌ, ang-Kubenko to sininna bangsa menjaji manahmu,
na la mupunnai ratu lako cappaꞌ lino.
9 dLa muteꞌtek mpake tekken bassi,
la musolanganni susi to kurin litak maicak.’ ”
10 Iamo joo, ee kamuꞌ sininna raja llan lino, pugaukki to sipatoꞌna napugauk tomacca,
ee kamuꞌ to makuasa, tarimai tee pangpangngajah.
11 Pangjaman rampaꞌ-I Puang Allataala,
misompa-I,
12 taratteꞌ-I misujuꞌ jio olo-Na,
danggiꞌ Namabirih, mitaꞌpa masolang,
sabaꞌ waꞌding-Ngi taꞌpa magalli.
Masannang to sininna tau
tomangrannuan lako Puang Allataala.