Kelong
Zabur
Suraꞌ bungahna:
Zabur 1–41
Katuoanna tomakassing na togajaꞌ
1
Liwaꞌ masannang to tociaꞌ nturuꞌ pangngajahna togajaꞌ,to teꞌda naala palelean mata lako tompugauk dosa,
na teꞌda too nasiamaꞌ toncapaꞌ Puang Allataala.
2 Apa ia to pangkabudaianna,
iamo to mpugauk atoran-Na Puang Allataala
to nabaca, napikkiriꞌi allo-bongi.
3 Ia joo tau keasseleꞌ melo ngasan to jamanna.
Dipasusii garontoꞌ kaju, to ditanan jio randan salu,
na membua ke wattunnami,
nateꞌda too namalaju daunna.a
4 Apa teꞌda nasusi to togajaꞌ,
susiri sowok sisarambuan, nairiꞌ angin.
5 Iamo joo na ia to togajaꞌ la mperasai pangsessa-Na Puang Allataala,
nateꞌda too nadireken ummaꞌ-Na Puang Allataala to tomadosa sirau tomakassing.
6 Nasabaꞌ Naparakai tarruh Puang Allataala to tomakassing.
Na ia to togajaꞌ, katampakanna la Nalanynyaꞌi Puang Allataala.