Kelong
Zabur
Kada dipajolo
Ia tee Zabur bagian jio mai unapa Suraꞌ Allataala to dinii nnukiꞌ buda kelong sola passambajang. Liwaꞌ masain to wattu napake pira-pira tomacca nnukiꞌ kelong, nnukiꞌi tee suraꞌ. Ia to kelong sola passambajang, narempun to-Israel napakei ke massompai, namaneꞌ dipatama Suraꞌ Allataala.
Ia to kelong mangrupa-rupa susinna: den kelong pangpujian, na den too kelong la ssompa Puang Allataala, den passambajang metaꞌda pangtulung sola pellendungan na kasalamatan, na passambajang metaꞌda tobaꞌ. Sitarruhna, den kelong mangkurru sumangaꞌ, ssukkuruꞌi pangbarakkaꞌ-Na Puang Allataala sola metaꞌda nadisessa to ewa. Ia to passambajang, den to passambajangna simesaꞌ tau, apa den too to passambajangna buda tau, iarika passambajang dipatuju lako karajaan. Den baꞌtu pira-pira passambajang to mpangpekitan to gaja mandalan naperasai simesaꞌ-mesaꞌ tau, na ia to laennapa mpamanassai to kaparalluanna sola apa to naperasai sininna ummaꞌ-Na Puang Allataala.
Ia to kelong napake Puang Isa, naukiꞌ tooi to nnukiꞌ Injil undi na menjaji Suraꞌ Passompan to gaja naanggaꞌ tosarani, mellao jiona mai, ratu lako too allo.
Issinna
Ia tee Zabur saratuh limang pulo kelong, den limang tawan.
Suraꞌ bungahna: Zabur 1:1–41:14
Suraꞌ mangpenduan: Zabur 42:1–72:20
Suraꞌ mangpentallunna: Zabur 73:1–89:53
Suraꞌ mangpennappaꞌ: Zabur 90:1–106:48
Suraꞌ mangpellimanna: Zabur 107:1–150:6