Sura'
Rut
Kada dipajolo
Ia tee curitanna Rut, jaji tonna mperasai kamaparrisan la'da' to bangsa Israel, sanga pebarranganni gaja sain, nakannai karorian liwa' pa'dik, to dicurita lan Sura' Hakim-Hakim. Naden mesa' baine to-Moab disanga Rut, sibali mesa' muane bangsa Israel. Moi namatemo joo muanena, apa tatta' bang unapi Rut mpangpekitan pangpakamoja'na lako indo matuanna, to bangsa Israel bang una, natuli ssompa Puang Allataala, Puang to nasompa umma' Israel.
Ia to cappa'na tee curita, sibali pole'i mesa' muane to Rut, rapunna bang una tomate muane jolona. Pole jiomo mai tee muane mangpenduanna Rut nanii jaji anakkana to menjaji nenena Raja Daud, rajana bangsa Israel to liwa' makuasa.
Ia to curita lan sura' Hakim-Hakim mpangpeissenanni to kamasussan jaji, nasaba' ia to umma'-Na Puang Allataala cia'mi matappa' lako Puang-Na. Sibalikanna, ia to curitanna Rut, mpangpekitan barakka' to Napangbengan Puang Allataala lako Rut mesa' toratu mpatorro agamanna anna matappa' lako Puang Allataala to nasompa to-Israel.
Issinna
Naomi pole lako Betlehem nasolanni to Rut 1:1-22
Rut sitammu Boas 2:1–3:18
Boas sibali Rut 4:1-22