Batiqna Sem, Ham na Yafet
10:1-32
10
Iamo tee to batiqna Sem, Ham na Yafet, anakkana Nuh. Ia tonna mangkamo nasamboi wai to lino, pada denmi anakkana sola tallu.2 Ia to batiqna Yafet, iamo to Gomer, Magog, Madai, Yawan, Tubal, Mesekh na Tiras. 3 Ia to batiqna Gomer, iamo to to-Askenas, to-Rifat na to-Togarma. 4 Ia to batiqna Yawan, iamo to to-Elisa, to-Tarsis, to-Kitim na to-Dodanim. 5 Iamo tojolona to tontorroi randan tasik.
Ia ngasanmo joo batiqna Yafet. Napada torro simesaq kaum keluarga llan kampongna, llan bangsana napada mpake basana.
6 Ia to batiqna Ham, iamo to Kus, Misraim, Put na Kanaan. 7 Ia to batiqna Kus, iamo to Seba, Hawila, Sabta, Raema na Sabtekha. Ia to batiqna Raema iamo to Syeba sola Dedan. 8 Kus ambeqna Nimrod, na Nimrodmo to pamulanna mawatang mangparenta llan lino. 9 Natulungngi PUANG Allataala to Nimrod namacca rumangngan, iamo naden kadanna tau kumua, <<Dennaa upaq Napamaccako PUANG Allataala rumangngan susi Nimrod.>> 10 Ia to kota pamula naparenta, iamo to Babel, Erekh na Akad. Jio ngasan tana Babilonia tee tallu kota.a 11 Jio mai tana Babilonia, namale lako tana Asyur mpakeqdeh kota Niniwe, Rehobot-Ir na Kalah, 12 sola kota Resen to naparallaq kota Niniwe na kota Kalah. Ia joo kota Resen mesaq kota matonggo.b 13 Ia to batiqna Misraim, iamo to to-Ludim, to-Anamim, to-Lehabim, to-Naftuhim, 14 to-Patrusim, to-Kasluhim na to-Kaftorim. Ia to bangsa Kasluhim, iamo tojolona to-Filistin. 15 Ia to anakkana Kanaan disanga Sidon, iamo anak pamungah namaneq Het. 16 Ia tee Kanaan, iamo tojolona to-Yebus, to-Amori, to-Girgasi, 17 to-Hewi, to-Arki, to-Sini, 18 to-Arwadi, to-Semari na to-Hamati. Ia to batiqna Kanaan titaleh male mabela. 19 Ia to tanana memmaluah, mangpamula jio mai kota Sidon male sauq mangnguju lako kota Gerar, ratu lako siandah kota Gaza, na mangnguju lako kadellekan kota Sodom, Gomora, Adma na Zeboim, ratu lako siandah kota Lasa.
20 Ia ngasanmo joo to batiqna Ham. Napada torro simesaq kaum keluarga llan kampongna, llan bangsana napada mpake basana.
21 Ia to Sem, kakanna Yafet, iamo tojolona Eber sola batiqna.c 22 Ia to anakkana Sem, iamo to Elam, Asyur, Arpakhsad, Lud na Aram. 23 Ia to batiqna Aram, iamo to to-Us, to-Hul, to-Geter, na to-Mas. 24 Arpakhsad iamo ambeqna Selah. Na Selah iamo ambeqna Eber. 25 Dua muane anakkana Eber. Ia to pamungahna disanga Pelegd, sabaq iamo joo wattu natitawa-tawa to bangsa llan lino. Ia to anak mangpenduanna, disanga Yoktan. 26 Ia to batiqna Yoktan, iamo to Almodad, Selef, Hazar-Mawet na Yerah, 27 Hadoram, Uzal, Dikla, 28 Obal, Abimael, Syeba, 29 Ofir, Hawila, na Yobab. Ia ngasanmo joo batiqna Yoktan. 30 Ia to tanana, memmaluah mangpamula jio mai Mesa, ratu lako Sefar, iamo padang membuntu jio kadellekan.
31 Ia ngasanmo joo to batiqna Sem. Napada torro simesaq kaum keluarga llan kampongna, llan bangsana napada mpake basana.
32 Ia ngasanmo joo to batiqna anakkana Nuh, pada mpusanga kaum keluargana llan bangsana situruq nunnungan sisangpapaq. Iamo joo batiqna Nuh to titaleh llan lino tonna mangkamo nasamboi wai to lino.