ايشوَر رو شُڪر ڪرڻ
اُستاد ھانَ گاوڻ آݪون رَي ݾارُو ھدايت، اَي ”موت لبين“ ݾُر ۾ گايو جاوَي ھَي ھانَ اَي دائُود رَي ڀجنون ۾ شامل ھَي۔
9
اي مھارا پرميشوَر، ھُون آپرَي پُورَي من ݾون ٿارِي بڏائي ڪرين،ھُون ٿارَي ݾجَي چمتڪارون را گُڻ گاوتو رئين۔
2 ٿارَي ڪري ھُون ݾُرو ھوئين
ھانَ ھُون خُوشِي ڪرين۔
اي مھارا مھانَ ايشوَر، ھُون ٿارَي نون رِي بڏائي ڪرتو رئين۔
3 جڏي تُو ظاھر ھووَي ھَي،
تو مھارا دُشمن لاري ناݾي جاوَي ھَي
ھانَ ٿنَي ڏيکي ڦيري کائي ھيٺا کِرَي مري جاوَي ھَي۔
4 ݾاچيلي ٿَي آپرَي تخت تي ٻيݾي حق ݾون اِنصاف ڪيئو ھَي،
ݾاچيلي ٿَي مھارو ݾچائي ݾون اِنصاف ڪيئو ھَي۔
5 ٿَي قومون نَي ڇينڀيو ھَي،
ٿَي بُڇڙون نَي ماريا ھَي۔
ٿَي اُوئون را نون ھميشا رَي ݾارُو مِٽائي ڇوڙيا ھَي۔
6 مھورا ݾجا دُشمن مِٽي گيا ھَي،
ٿَي اُوئون نَي ھميشا رَي ݾارُو فنا ڪري ڇوڙيا ھَي۔
جڪون شھرون نَي ٿَي برباد ڪيئا ھَي،
اُوئون رو نون ڀِي ھميشا رَي ݾارُو مِٽي گيو ھَي۔
7 پڻ تُو اي مھارا ايشوَر، ھميشا رَي ݾارُو بادشاھي ڪرڻ آݪو ھَي۔
ھانَ تُو آپرو تخت اِنصاف رَي ݾارُو پڪا راکَي ھَي۔
8 تُو اِيئي جگت رو ݾچائي ݾون اِنصاف ڪرِي۔
9 ايشوَر لاچار مِنکون رَي ݾارُو موٽِي لِڪڻ رِي جگھا ھَي۔
ھانَ تُو اُوئون رو ڏُکون ۾ موٽو ٿونڀو ھَي۔
10 اي ايشوَر، او مِنک جڪو ٿنَي اوݪکَي ھَي
ھانَ جڪو ٿَي ماٿَي وِشواس راکَي ھَي۔
تُو اُوئون نَي ڪڏي ڀِي ڪونھي پونترَي۔
11 ٿي جڪو اُوئي را مِنک ھو اُوئي رَي نون رِي بڏائي ڪرو
ھانَ ݾجَي مِنکون ۾ اُوئي رَي نون را گُڻ گائو۔
12 ڪيونڪہ ايشوَر،
غريب مِنکون را ݾُڏڪا ݾُڻَي ھَي۔