ايشوَر رِي بڏائي ھانَ اِنسونون رِي عِزت
اُستاد ھانَ گاوڻ آݪون رَي ݾارُو دائُود رو ڀجن جڪو ”گيت“ ݾُر ۾ گايو جاوَي ھَي۔
8
اي پرميشوَر مھورا ايشوَر،ٿارو نون ݾجِي ڌرتي تي ڪِترو نِي موٽو ھَي۔
ٿَي آپرِي قُدرت نِنئي ٻاݪون
ھانَ ڏُوڌ پيئڻ آݪون رَي موڏَي ۾ راکِي ھَي۔
اِيئي رَي ڪري ڪہ دُشمنون
ھانَ بدلو ليوَڻ آݪون نَي چُپ ڪراوَي۔
3 جڏي ھُون آڪاش ڏيݾا جوئُون ھون،
جڪو ٿارَي ھاٿ رِي ٺاھيوڙِي ڪاريگرِي ھَي۔
جڏي ھُون ݾُورج، چندر، تارون ڏيݾا جوئُون ھون،
جڪون نَي ٿَي ٺاھيا ھانَ راکيا ھَي۔
4 جڏي ھُون ݾوچون ھون،
تو پَڇي اِنسون ڪِي ھَي جڪَي نَي تُو ياد راکَي
ھانَ اِنسون ڪُڻ ھَي جڪَي رِي تُو رُکاݪِي راکَي۔
5 ڪيونڪہ ٿَي اُوئي نَي ايشوَر ݾون ڪئينڪہ گھٽ ٺاھيو ھَي
ھانَ ٿَي اُوئي نَي تجلَي ھانَ چمتڪار آݪو ھار پيرايو ھَي۔
6 ٿَي اُوئي نَي ڪاريگرِي رِي اِختياري ڏينِي ھَي۔
ٿَي ݾجو ڪئينڪہ اُوئي رَي ھاٿ ۾ ڏينو ھَي۔
7 ݾجَي رڍون ٻڪرَي ھانَ ڍور ڍگا،
پڻ ݾجا جھنگ را جِنار
ھانَ اُوئي ݾون ٽاݪ ݾجا پکي پکڻ،
8 اُونچا اُڏڻ آݪا پکي ھانَ مڇَي،
پڻ جڪو ڀِي ݾمُوندر ۾ جِي جِنار ڦِرَي ھَي،
او ݾجا ٿَي اُوئي رَي ھاٿ ۾ ڏينا ھَي۔
9 اي پرميشوَر مھورا ايشوَر،
ٿارو نون اِيئي پُورِي ڌرتي تي ڪِترو نِي موٽو ھَي۔