اِنصاف رَي ݾارُو پراٿنا
10
اي پرميشوَر، تُو ڪيئون اِترو اݪگو ھَي؟ڏُکون رَي ٽيم تُو ڪيئون مھَي ݾون آپرو مونڏو لِڪاوَي ھَي؟
2 بُڇڙا آپرِي بڏائي ۾ غريبون نَي پريشون ڪرَي ھَي۔
او آپرِي صلاح ۾ ڦاݾي جاوَي جڪو ٻيجون رَي ݾارُو ڪرَي ھَي۔
3 بُڇڙا آپرَي بُڇڙَي ڪومون تي بڏائو ڪرَي ھَي۔
ھانَ لالچي پرميشوَر نَي ڇوڙي ڏَي ھَي
ھانَ اُوئي رِي بي عِزتي ڪرَي ھَي۔
4 بُڇڙا آپرَي بڏائي ۾ ڪَي ھَي ڪہ،
”پرميشوَر بدلو ڪونھي لَي“
ھانَ اُوئون رو خيال ھَي ڪہ
”ايشوَر ھائِي ڪونھي۔“
5 پڻ تو ڀِي بُڇڙا ھر ٽيم خُوش ھانَ ڌنوتي رَي ھَي۔
ٿارو اِنصاف اُوئون نَي نظر ڪونھي آوتو
ھانَ او آپرَي ݾجَي دُشمنون نَي گھٽ ݾمجَھي ھَي۔
6 او آپرَي من ۾ ݾمجَھي ھَي ڪہ،
”مھونَي ڪو ڀِي لوڏو ڪونھي آوَي
ھانَ مھورِي پيڙھِي ۾ ڏُک ڪڏئي ڪونھي آوَي۔“
7 اُوئون رو ٻاڪو دوکَي، پِٽ ھانَ ظُلم ݾون ڀريوڙو ھَي۔
جِي ھاوي، اُوئون رِي زِبون ݾون ھر ٽيم ٺَگِي ھانَ بُڇڙائي ٻوليجَي ھَي۔
8 او گون ۾ لِڪ ڇُپ ۾ ٻيݾي ٻيجون رِي تاݪ ڪرَي ھَي
پَڇي او بِنا ڏوھي نَي ماري ڇوڙَي ھَي۔
اُوئون رَي اونکَي لاچار مِنکون رِي تاݪ ۾ ھووَي۔
9 جھڙَي نمُونَي بَبر شينھن ڪيرِي تاݪ ۾ ڇپي ٻيݾَي ھَي،
اِيئون او آپرِي جگھا ۾ لِڪي ٻيݾَي ھَي۔
10 او ظُلمي گھڻَي زور ݾون،
لاچار مِنکون نَي لتاڙي ڇوڙَي ھَي۔
ھانَ او اُوئون نَي ھرائي ڌرتي تي نوکي ڇوڙَي ھَي۔
11 بُڇڙا آپرَي من ۾ اِيئون ڪَي ھَي ڪہ،
”ايشوَر مھونَي پونتريو گيو ھَي
ھانَ اُوئي آپرَي اونکَي ميچَي رَي،
تو پَڇي مھونَي ڪيڪر جوئي ݾگھَي ھَي۔“
12 اي پرميشوَر، ايشوَر ھمَي اُٺي
ھانَ بُڇڙون ڏيݾا آپرو ھاٿ ڪر
ھانَ جڪو مسڪين ھَي ڏُکون ۾ تُو اُوئي نَي نِي پونتر۔
تُو اُوئون را من پڪا ڪرِي۔
18 تُو اُوئون رو اھڙو اِنصاف ڪرِي
ڪہ، مٽِي رو ٺھيوڙو ڪو ڀِي اِنسون اُوئون تي ڪڏي ڀِي ظُلم ڪونھي ڪرَي۔