مدد رَي ݾارُو شام رَي ٽيم رِي پراٿنا
دائُود رو ڀجن جڪو تار آݪَي سازون ݾون گايو جايو ھَي۔
4
اي مھارا اِنصاف ڪرڻ آݪا ايشوَر جڏي ھُون ٿنَي ھيلو ڪرون تو تُو مھنَي بݪتِي ڏي۔تُو مھارَي ڏُکون رِي گھڙِي ۾ مھارِي مدد ڪرتو رھيو ھَي،
اِيئي رَي ڪري ھمَي ڀِي تُو مھَي تي دايا ڪر،
ھانَ مھارِي مِنٿ من۔
2 اي فانِي اِنسونون،
ٿي ڪترِي توڻي مھارِي بدنومي ڪرشو؟
ھانَ ڪترِي توڻي ٿي بُڇڙائي ݾون پريم ڪرتا ريشو؟
ھانَ ڪُوڙ نَي جوتا ريشو؟
3 ٿي ݾمجھي جائو ڪہ،
پرميشوَر وِشواسي مِنکون نَي آپرَي ݾارُو ڌار ڪري ڇوڙيا ھَي۔
جڏي ھُون پرميشوَر نَي ھيلو ڪرين تو او مھارِي ݾُڻشَي۔
4 ٻيئاجو ھانَ پاپ نِي ڪرو۔
آپرَي آپرَي بِڇوڻَي تي من ۾ ݾوچو ھانَ چُپ رو۔
5 ٿي ݾچائي ݾون آپرا ٻَليدون ڪرتا رو
ھانَ پرميشوَر تي وِشواس راکو۔
6 تموم گھڻا ڪَي ھَي ڪہ ڪُڻ مھنَي نيڪِي ڪرڻ ݾيکاشَي؟
اي پرميشوَر تُو مھون تي دايا ڪر۔
7 ٿَي مھارَي من نَي اُوئي ݾون وڌيڪ خُوشِي ڏينِي ھَي،
جڪو اُوئون نَي اُوئون نَي انگُورون رَي رس ھانَ ڌون ݾون ملَي ھَي۔
8 ھُون خيريت ݾون ݾُوئي آروم ڪرون ھون،
ڪيونڪہ اي پرميشوَر،
تُو مھارِي رُکاݪِي ڪرڻ آݪو ھَي۔