Kisah empama urang te gawai belaki bini
22
Baroꞌ Isa nyamong ageꞌ cakap Ya ke urang mayoh ngau kisah empama, 2 jakoꞌ Ya, “Pemrintah Tuhan Allah nyaꞌ upa sikoꞌ raja te kaꞌ mulah acara gawai ngau anak ya te laki. 3 Pas ari gawai, raja nyaꞌ nyuroh kebala pemantoꞌ ya angkat ngumai kebala urang te udah dekumai ya datai ke gawai nyaꞌ. Uleh kebala sidaꞌ nyaꞌ ngai datai.4 Baroꞌ raja nyuroh kebala pemantoꞌ ya te kebukai, madah ke sidaꞌ te udah ya kumai datai ke gawai nyaꞌ, jakoꞌ ya, ‘Kebala te depakai udah deageh. Ku udah munoh sapi te gemoꞌ abaꞌ ugaꞌ nyaꞌ udah deageh. Datai ke kitaꞌ abaꞌ ngeramai gawai anak ku!’
5 Uleh kebala sidaꞌ nyaꞌ niseꞌ te iboh kaꞌ datai ke gawai nyaꞌ. Adai sidaꞌ te ke uma, adai te angkat nguros kreja te kebukai, 6 abaꞌ adai te nangkap kebala pemantoꞌ raja nyaꞌ, mrisa abaꞌ munoh sidaꞌ. 7 Pas raja ninga utai nyaꞌ, sau mah ya abaꞌ ya mrintah kebala prajuret munoh sidaꞌ te udah munoh kebala pemantoꞌ ya abaꞌ nunu kuta sidaꞌ.
8 Udah nyaꞌ raja nyaꞌ madah ke pemantoꞌ ya te kebukai, ‘Gawai belaki bini toꞌ udah siap, uleh kebala urang te udah ku kumai nyaꞌ nadai patot datai ke gawai toꞌ. 9 Angkat ke kitaꞌ ke kebala jalai, padah ke ugaꞌ urang te kitaꞌ temu abaꞌ kumai ke sidaꞌ ke gawai belaki bini toꞌ.’ 10 Kebaꞌ kebala pemantoꞌ nyaꞌ angkat. Sidaꞌ angkat ke kebala jalai baroꞌ sidaꞌ ngumpol kebala urang te sidaꞌ temu, kebala urang bayek abaꞌ urang te jat. Kebaꞌ penoh mah teban te jalai gawai belaki bini nyaꞌ uleh kebala temuai.
11 Pas raja nyaꞌ tamaꞌ betemu abaꞌ kebala temuai nyaꞌ, ya medaꞌ adai sikoꞌ urang te ngau baju te nadai patot ngau gawai. 12 Baroꞌ raja nanyaꞌ ya, ‘Kawan, kati meh tauꞌ tamaꞌ kitoꞌ ngau baju te nadai patot ngau gawai?’ Uleh urang nyaꞌ sunyeꞌ mah. 13 Baroꞌ raja madah ke kebala pemantoꞌ ya, ‘Tamet ke jari abaꞌ kaki ya nyaꞌ. Buai ke ya ke teban te ma petang, diyaꞌ ya kaꞌ nyabak abaꞌ lampar ngasa pemedeh sampai begetar beganyar.’ ”
14 Baroꞌ Isa ngemadoꞌ kisah empama nyaꞌ jakoꞌ Ya, “Mayoh urang te dekumai, uleh siket mah te depileh.”
Ke sapa mayar pajak
15 Baroꞌ kebala sidaꞌ Parisi angkat, sidaꞌ ngigaꞌ akal kati cara isaꞌ sidaꞌ tauꞌ nyalah Isa ngau apa te depadah Ya. 16 Sidaꞌ nyuroh kebala anggota sidaꞌ abaꞌ dua tiga ikoꞌ anggota kelumpok Herodes datai ngusong Isa. Kebala sidaꞌ nyaꞌ madah ke Isa, “Guru, kami tauꞌ badaꞌ Wan selareh madah utai te kenaꞌ. Wan teros terang ngajar upa kati penekaꞌ Tuhan Allah ke ensia. Wan nadai iboh ke apa te jakoꞌ urang upa kati pengajar Wan, nema Wan nadai nyemeh mipeh urang. 17 Padah ke kami, enteꞌ nunaꞌ prator agama kita sidaꞌ Yahudi, kami alah mayar pajak ke Kaisar Ruma, sekaleꞌ ke nadai?”
18 Uleh Isa tauꞌ badaꞌ maksot jat sidaꞌ, nyaꞌ nyuroh Ya madah, “Eh, kitaꞌ urang te budi-budi bayek! Ngapa bah kitaꞌ kaꞌ ngigaꞌ penyalah Ku? 19 Anyaꞌ ke Ku duet te ngau kitaꞌ mayar pajak nyaꞌ!”
21 Sawot sidaꞌ, “Kaisar.”
Baroꞌ Isa madah, “Enteꞌ piyaꞌ, bereꞌ ke Kaisar apa te empu Kaisar, abaꞌ bereꞌ ke Tuhan Allah apa te empu Tuhan Allah.”
22 Breta sidaꞌ ninga Isa nyawot piyaꞌ, sidaꞌ ampal abaꞌ angkat nudi Isa.
Isa ngajar enteꞌ urang mati pesti idop ageꞌ
23 Pas ari nyaꞌ gaꞌ adai dua tiga ikoꞌ urang ari kelumpok Saduki datai ngusong Isa. Sidaꞌ nyaꞌ kelumpok pemimpen Yahudi te nadai pecayaꞌ enteꞌ urang mati tauꞌ idop ageꞌ. Baroꞌ sidaꞌ nanyaꞌ Ya, 24 “Guru, Musa ngajar enteꞌ urang laki bebini uleh mati bedau adai anak, menyadeꞌ laki ya mah te alah jadi ke awak bini ya isaꞌ ya tauꞌ mereꞌ pureh ke menyadeꞌ ya te nyau mati nyaꞌ.a 25 Empama teh, ditoꞌ adai tujoh menyadeꞌ. Menyadeꞌ te paleng tuai bebini, uleh ya mati. Nema ya mati bedau naꞌ iseꞌ anak, kebaꞌ menyadeꞌ ya te kedua jadi ke balu menyadeꞌ direꞌ. 26 Piyaꞌ gaꞌ te ketiga datai te ketujoh. 27 Udah tujoh menyadeꞌ nyaꞌ mati ugaꞌ, inoꞌ nyaꞌ sigeꞌ mati. 28 Sapa lah de entara sidaꞌ menyadeꞌ nyaꞌ te ngau laki inoꞌ nyaꞌ senta Tuhan Allah ngidop urang ageꞌ? Nema sidaꞌ tujoh nyaꞌ udah jadi ke ya ugaꞌ?”
29 Isa nyawot sidaꞌ, “Pemiker kitaꞌ tesat, nema kitaꞌ nadai nyarok apa te detules alam Kitab Suci abaꞌ kuasa Tuhan Allah! 30 Pas senta Tuhan Allah ngidop kebala urang ageꞌ lah, ugaꞌ urang kaꞌ idop upa mlikat de sruga nadai belaki bini ageꞌ. 31 Nadai piyaꞌ kitaꞌ kalaꞌ maca apa te depadah Tuhan Allah enteꞌ urang te mati kaꞌ deidop ageꞌ? Tuhan Allah madah, 32 ‘Ku mah Tuhan Allah te desemah Abraham, desemah Isak, abaꞌ desemah Yakob.’ Ya ukai Tuhan Allah te desemah urang mati. Uleh Ya Tuhan Allah te desemah urang te idop!”
33 Breta kebala urang mayoh te diyaꞌ ninga pengajar Isa, sidaꞌ ampal ninga Ya.
Sidaꞌ Parisi nanyaꞌ apa printah te paleng penteng
34 Pas kebala sidaꞌ Parisi ninga enteꞌ Isa udah mulah kebala sidaꞌ Saduki nadai nemu te tauꞌ decakap ageꞌ, sidaꞌ begugoꞌ. 35 Sikoꞌ ari sidaꞌ nyaꞌ te ahli alam Prator Musa kaꞌ encuba Isa. Ya nanyaꞌ, 36 “Guru, printah apa te paleng penteng alam Prator Musa?”
37 Sawot Isa, “Kaseh ke Tuhan Allah direꞌ ngau ugaꞌ iseꞌ ati, ugaꞌ idop, abaꞌ ugaꞌ pemiker direꞌ.b 38 Nyaꞌ mah printah te semaru abaꞌ te paleng penteng! 39 Printah penteng te kebukai, ‘Kaseh ke sama direꞌ ensia upa ngaseh direꞌ kedireꞌ.’c 40 Dua printah toꞌ nyaꞌ mah dasar ari ugaꞌ Prator Musa abaꞌ kitab kebala nabi.”
Al Maseh toꞌ nadai peroꞌ pureh Raja Daot uleh Ya Tuhan Raja Daot gaꞌ
41 Pas kebala sidaꞌ Parisi tengan begugoꞌ Isa nanyaꞌ sidaꞌ, jakoꞌ Ya, 42 “Enteꞌ jakoꞌ kitaꞌ sapa Al Masehd nyaꞌ? Pureh sapa Ya?”
Sawot sidaꞌ, “Pureh Raja Daot.”
43 Isa madah, “Enteꞌ piyaꞌ ngapa pas Raja Daot depimpen Roh Kudos tauꞌ nyebot Al Maseh nyaꞌ Tuhan ya? Nema Raja Daot madah,
44 ‘Tuhan Allah madah ke Tuhan ku:
Dudok ke Direꞌ de sepiyak kanan Ku,
sampai Ku ngasoh kebala munsoh Direꞌ ngau pangal kaki Direꞌ.’e
45 Enteꞌ Raja Daot nyebot Al Maseh Tuhan ya, kati Ya tauꞌ depadah pureh Raja Daot?”f
46 Datai ke sikoꞌ mah niseꞌ sidaꞌ Parisi te tauꞌ nyawot Isa, abaꞌ belaboh ari sari nyaꞌ niseꞌ urang te berani nanyaꞌ kebala utai ke Ya.