8
Ini Sa Egoh I Mosis Migpepetulengtuleng Sa Kepangunut Da Diyà Si Nemula
1 Na, mig-ikagi dema Mosis i, guwaen di, “Tulik yu anì tigtu yu pangunut diyà sa langun uledin tinulon ku diyà keniyu ini egoh di. Amuk hediya, kumelalù yu owoy meguwad yu owoy metepel yu ma sa tanà igpasad i Datù Nemula diyà sa medoo tupù yu egoh anay. 2 Ketulengi yu ma sa medoo binaelan i Datù Nemula egoh di mig-uwit keniyu sa egoh yu migseesud-esud diyà sa melabel tanà mediyù dalesan taman epat pulù gepalay. Pinelihay di kiyu enù ka egtepengan di anì metiigan di sa pedu yu amuk tigtu yu egpangunut diyà sa uledin di ataw ka endà. 3 Pinetues di kiyu, agulé pinekaen di kiyu sa mana, sa kaenen endà pa netukawan yu duu lapeg sa medoo tupù yu. Iya sa binaelan di anì ipetiig di diyà keniyu beken kaenen daa sa mekepelalù etaw, dodoo sa kepangunut da polo diyà sa langun kagi i Datù Nemula. 4 Owoy diyà siini epat pulù gepalay sa egoh yu migseesud-esud, endà nemoot sa ginis yu owoy endà ma miglebag sa lisen yu.”