Yi-kãad-paalg a ye n paam a pipi biiga,

la a ra pa tar ligd sẽn sekd zu-lukrã maaneg ye.

Yɩɩ modgr tɩ biiga ba yi n na n kos tɩ nina ra sõng-a ne ligd t'a paam n da peosgo.

Tɩ woto bal la a ra tõe n paam n segl zu-lukrã sõmbo.

Tẽngã rap seda taab noor n na n lob ligd n dik n kõ bi-pɛɛlgã baaba.

A sũur yɩɩ noogo,

ta tõogame n paam peosg n da.

Yʋng sẽn ta,

wagdr n kẽ zakẽ wã n zuk peosgã,

la a sẽn wa n maag a meng n zukd peosga,

a korg n yi a loaabẽ wã n lʋɩ.

Beoog sẽn vẽege,

bi-pɛɛlgã ba yãa korg a pebsgã zĩigẽ.

A sẽn pake,

a yãa ligd sẽn sekd piis a naas raabo.

A sẽn maan zu-lukrã,

sɩd yɩɩ tigr menga.

Wagdrã meng zĩnda tigre wã,

n sok rao wã :

« Rẽ yĩnga fo bũmb pa menem »?

« Ayo,

mam bũmb pa menem ye ».

« La fo zu-lukrã,

fo maand-a-la ne piis a wãna »?

« Rẽ wã,

b yaa b naase ».

« Sid yĩnga,

kelg-m sõma »,

wagdrã sẽn yeele,

« yaa maam n wa n zuk f peosgã,

la mam korg n lʋɩ fo zakẽ wã ».

« Fo korgo »?

Rao wã sẽn yeel ne lingri,

« ayo,

mam pa yã rẽ bũud ye.

Mam da basa peosg a ye zaamẽ zaabr ka,

m zakã pʋgẽ,

n yik yibeoogã n yã a naase.

Mam pa yã korg ye ».

.