25 Ma-biis a naas ne gãeenga.

Ma-biis a naas n da be zak a ye pʋga.

Pipi soabã ra tara pagb a yiibu.

Yiib-n-soabã ne tãab-n-soabã pag a yembr - yembre,

ti naas-n-soabã,

b yao-zʋʋgã,

ra pa tar pag ye.

Bʋko daar a ye,

ma-biisã sʋka a ye n ki.

Sẽn da ki-a wã yaool n da tara pag a ye.

La,

fo sã n ki,

buudã n deegd f pagbã.

Ned ning sẽn da tar-a pag a ye wã tag n da tata a to n paase.

Sẽn da tar a pagb a yiiba me ra tata taab n soaba.

Bãmb ned ba a ye da pa rat n bas tɩ sẽn pa tar-a pagã soab rɩk pag ye.

B rɩka daarã tõr n na n bao yellã tɩɩm,

kasem-dãmbã la sẽn da pa rat n bas tɩ b yao-zʋʋgã rɩk pʋg-kõorã la.

Tẽnga gãeeng waa b nengẽ zakẽ wã.

B rɩka yell ning b sẽn tigim taab n baood a tɩɩmã n kongdẽ wã n togs-a :

d ma-bi-taag a ye n ki.

Kasmã,

yẽ ra zoe n tara pagb a yi,

n dat tãab-n-soaba.

Sẽn pʋgd-a yẽ wã sẽn da zoe n tar pag a ye wã,

tata yiib-n-soaba.

Yao-zʋʋgã ra pa tar pag ye,

la a ma-biis a yiibã ra pa rat n bas pʋg-kõorã n kõ-a ye.

Ad gãeengã sẽn yeele :

« Sẽn zoe n tar-a pagb a yi n dat tãab-n-soabã rata kũum.

Sẽn zoe n tar-a pag a ye n dat yiib-n-soabã rata zabre.

Pipi soabã sã n pa rat kũum,

a pa na n dɩk pag a tãab-n-soab ye.

Yiib-n-soabã sã n pa rat zabre,

a pa na n dɩk pag a yiib-n-soab ye.

Rẽnd d na n basa paga n ko yao-zʋʋga sẽn pa tar pagã ».

Gãeeng n tõog n maneg yell sẽn da wõnd a pa tar tɩɩm.

.