13 Rao a ye ne a paga.

Daar a yembre,

rao a ye n da yãk yam n na n kẽ kãadem.

A pagã manesem rag n da pa sõmb ye.

Sɩd me,

pag sã n segl n sa,

sẽn segd yaa tɩ pagã meng n tẽgend a sɩdã rɩɩbo,

la pʋg-kãngã wã,

a manesmã sẽn pa sõmb yĩngã,

a ra yeta a sɩda t’a wa rɩk a rɩɩbã ragendẽ wã.

A sẽn da minim n maan dẽ wã,

daar a ye,

rao wã sũur sẽn da pa noom,

n da pa noom baa bilfu,

a yãka yam n na n yi zakẽ wã la a bas a pagã be.

A yãka yam t'a pa na n dig a pagã ye,

a na n yiime la a bas zakã fasɩ.

A yika yibeoog pĩnd n sɩng kẽna.

A yãka yam tɩ wĩntoogã sã n lʋɩ la a na n yãase.

Zĩigã sẽn wa n sobge,

a kosa zĩig n na n gãande.

Rao a ye n deeg-a sãand a zakẽ.

La ka,

a gãag soabã paga,

a sẽn wa n segl a mengã rɩɩb n sa,

a boola a sɩdã n yeel-a :

« Hey,

f bee yɩng la »?

Tɩ sɩdã sak tɩ n-ye.

« Bɩ f wa.

Mam saa m ragende.

Wa loog n segl f rẽnda »!

A vẽk-n-beoog yibeoogo,

rao wã sẽn da yi n bas a zakã yeela a menga :

«Ha,

mam da pa mi tɩ neb n be kɛɛng n tar mam zu-loeesã buud ye.

Bãmb zu-loeesã pãng meng yɩɩd mam dẽ wã.

Rẽ wã,

sẽn são ne-m yaa m lebg n kuili ».

A lebgame n bʋʋg a pagã tɩ bala yẽ ra yetame :

« M seglame n sa.

Wa rɩk f rɩɩbã  »!

Pag a ye wã yaool n yetame :

"Wa segl f rɩɩbã tɩ mam saa m dẽnda »!

Wakat ninga,

zu-loees n be n yɩɩd fo zu-loeesã.