Zak a ye n da be n yaa talga,

n da tar yũug a ye bala.

Tigr daar n wa n ta,

tɩ bũmb buud ra pa be n na n segl n dɩ ye.

Zakã soab ra pa tar tẽeb ne bũmb a to tɩ sã n pa a kʋ yũugã n kõ a pagã t'a seg;

tigrã yĩng ye.

Rao wã sẽn da rat n yõk yũugã,

a pagã yeelame :

« Fo sẽn pa tar bũmb sẽn na dɩ wã mam na n kẽnga m roagdb nengẽ,

bal m doagdbã nengẽ bũmb bee sẽn na dɩ,

sõma tigr fãa wakato.

Mam pa be ka naong yĩng ye ».

A põda a teed n looge.

La a sẽn da yi a zakẽ wã daar sẽn zãagã,

a ra pa mi t'a ba wã ligd zãng ra pĩnd n saa hal daar zãorg ye.

A sẽn ta wã,

a mikame tɩ roogã paga-me.

A ma ra loogame tɩ ra yaa a ba wã la sẽn da pag roogã n gũudẽ tɩ yõens yi wa.

Pagã ra pa tõe n bãng tɩ rag n yaa a ba wã n pag zãng woto n dat tɩ yɩ libsg tɩ yõens yi ye.

T'a tak kʋɩlengã n lak zãnga.

T'a baaba na n zabe :

« Kẽ !

Ra pak kʋɩlengã tɩ yõensã loog ye »!

La a ket n tar goam ne sũ-yikri :

« Yaa yalem bʋg n wa n pak kʋɩlengã n kɩt tɩ m yõens looge ?

Mam da ratẽ lame n dɩẽ tigrã sõma,

la mosã wã fo wa n kɩtame tɩ yõensã looge »!

Ba wã ket n tara a bi-puglã porbo.

Rẽ kɩtame t'a na n tagse :

a sɩd ra tara yũug n da na n kʋ.

A kẽnga a roagdb nengẽ n tɩ mik t'a ba pag kʋɩleng n dat n yõg yõense.

« Rẽnd m sɩdã nengẽ n são ».

A lebgame n kuil a yiri.