141. Kɩɩg zẽed noom yɩɩd walga, yaa koom n ya teg-tege.
Bilgri : Da rɩk f yell n mak ne ned yell ye.
S’il arrive que la sauce à la viande d'écureuil ait meilleur goût que celle de la viande d’ourébi, cela veut dire que la quantité d’eau utilisée est très infime.
Signification : Ne compare pas ton problème à celui d’autrui.
If it happens that the sauce of squirrel meat tastes better than that of the Ourebi antelope meat, it means that the amount of water used is very small.
Meaning: Do not compare your problem with that of others.
142. Ned sẽn ka gõe nekr ya toogo.
Bilgri : B ka tõe n sagl ned ninga sẽn solg a yam ye.
143. Pãngɩ-tɩ-langɩ, ya sõng-y tɩ manege.
Bilgri : Yaa sẽn togs-a a yell n paamd saglgo.
144. Rĩm sã n zoet bʋʋre, bɩ a lebs naam.
Bilgri : F sã n zoet goama, bɩ f ra maan yell ye.
145. Fo sã n zoet zõos bɩ f ra tʋk naaf yãoog ye.
Bilgri : F sã ka rat tɩ b gom f yell bɩ f ra maan yell ye.
146. B sã n leo gʋʋl n koos n da baag tɩ yẽbg yõk-a, a kuila a yas-tẽnga.
Bilgri : Ned sã n zãmb n paam tɩ wa menem bɩ a bãng t'a tʋʋm n leb-a.
147. Sõng-y tɩ kambã ra bãng yaa nin-kẽembã n na tõe.
Bilgri : Yell sẽn nan wat n tõe n solge.
148. Wa tɩ m yã-f kɛɛng baasda sʋka.
Bilgri : Ya gom-beoolgo.
149. Ned sã n menes a pugl-pɛɛlg lamd pʋʋgẽ, a kuila a yiri.
Bilgri : Fo yell sã n sãam fo meng nugẽ, taal yii nebã zutu.
150. Tẽn-kãnga naab yaa tẽn-kãnga talga.
Bilgri : Ned ka tõe n paam nonglem wakat fãa wall zĩig fãa ye.