Abalami, tata ya bayina kele ya kudedama samu na kiminu
4
Na yina,
yinki beto lenda kutuba na yina me tadila nkoko ya beto,
Abalami?
Yinki yandi kuzwaka na kimuntu ya yandi?
2 Kana Abalami kumaka muntu ya kudedama* na bisalu yina yandi salaka,
yandi lendaka sala lunangu.
Kasi yandi lenda kusala yawu ve na ntwala ya Nzambi.
3 Ya tsyelika,
Dibuku ya Nzambi ke tubaka:
"Abalami kwikilaka na Nzambi,
mpe Nzambi ndimaka yandi mutindu muntu ya kudedama samu na kiminu ya yandia."
4 Muntu yina ke salaka kisalu,
ke kuzwaka difuta.
Difuta yango kele ve dikabu.
Kasi yawu kele musendo yina yandi fwana kuzwa.
5 Kana muntu ke salaka ve bisalu,
kasi ke kwikilaka Nzambi yina ke salaka ti muntu ya masumu kuma muntu ya kudedama,
Nzambi ke ndima yandi mutindu muntu ya kudedama samu na kiminu ya yandib.
6 Ni na mutindu yina,
Davidi ke na kuzonzila kyese ya muntu yina Nzambi ke ndimaka mutindu muntu ya kudedama ata kutala bisalu ya yandi:
7 "Kyese na bantu yina Nzambi me lemvokila yimbi ya bawu,
mpe me katula masumu!
8 Kyese na muntu yina Mfumu* Nzambi ke talaka mutindu muntu yina kele na masumu vec!"
9 Kyese yina kele kaka samu na bayina kele ba-Zwife?
Ve!
Yawu kele mpe samu na bayina kele ve ba-Zwife.
Beto me tuba mbote ti "Nzambi ndimaka Abalami mutindu muntu ya kudedama samu na kiminu ya yandi."
10 Kasi wapi ntangu yawu salamaka?
Ntete ba zenga Abalami bubakala to na manima ya kuzenga yandi bubakala?
Yawu salamaka ve na manima ya kuzenga bubakala,
kasi ntete ba zenga yandi bubakala.
11 Ntete ba zenga yandi bubakala,
Nzambi ndimaka Abalami mutindu muntu ya kudedama,
samu ti yandi vwandaka kwikila yandi.
Na manima,
yandi kuzwaka kidimbu ya kuzengisa bubakala.
Yawu vwandaka lakisa ti Nzambi ndimaka yandi mutindu muntu ya kudedama samu na kiminu ya yandi.
Na yina,
Abalami me kuma tata ya bayina nyonso ke kwikilaka Nzambi ata ti ba zengisaka ve bawu bubakala.
Bawu mpe,
Nzambi ke ndimaka bawu mutindu bantu ya kudedama.
12 Yandi kele mpe tata ya bayina ba zengaka bubakala:
Bayina kele kaka ve bantu ba zengaka bubakala,
kasi ke landaka mpe kifwanusu ya kiminu ya tata ya beto Abalami ntete ba zenga yandi bubakala.
Nsilulu ya Nzambi kele samu na bayina nyonso ke kwikilaka
13 Nzambi pesaka nsilulu ya kupesa yinza na sika ya Abalami mpe na sika ya bana ya dikanda ya yandid.
Ya zola kutuba ve ti Nzambi pesaka nsilulu yina,
samu ti Abalami tumamaka na misiku,
kasi,
samu ti Nzambi ndimaka yandi mutindu muntu ya kudedama* samu na kiminu ya yandi.
14 Kana kaka ni bayina ke tumamaka na Misiku* fwanaka kuzwa bima yina Nzambi pesaka nsilulu,
kiminu zolaka vwanda kima ya mpamba,
mpe nsilulu ya Nzambi zolaka vwanda ve na mfunu.
15 Ya tsyelika,
Misiku ke salaka ti Nzambi dasuka na bantu.
Kana misiku kele ve,
kumanga na kutumama na misiku lenda kuvwanda ve.
16 Na yina,
nsilulu salamaka samu na kiminu,
samu ti yawu vwanda dikabu yina Nzambi ke pesaka ya mpamba,
mpe ti yawu salama samu na bana nyonso ya dikanda ya Abalami.
Yawu fwana kusalama kaka ve samu na bayina ke kwikilaka na Misiku,
kasi mpe samu na bayina ke kwikilaka mutindu Abalami kwikilaka.
Abalami kele tata ya beto nyonso
17 mutindu Dibuku ya Nzambi ke zabisaka:
"Mu tulaka nge tata ya makanda mingi ya bantue."
Yandi kele tata ya beto na ntwala ya Nzambi yina yandi kwikilaka,
Nzambi yina ke vutulaka luzingu na bantu ya kufwa,
mpe ke salaka ti bima yina kele ve na luzingu,
kuzwa luzingu.
18 Na kusala kivuvu sika yina ba lendaka sala ve kivuvu,
Abalami kwikilaka mpe kumaka "tata ya makanda mingi ya bantu" mutindu Nzambi zabisaka yandi yawu:
"Bayina ke butuka na dikanda ya nge ke vwanda mingi mutindu yayif."
19 Abalami vwandaka keba ve na bamvula nkama,
kasi yandi lembaka ve na kusala kiminu ata ti nzutu ya yandi kumaka mutindu ya kufwa,
mpe ti Saala lendaka buta ve.
20 Yandi vwandaka sala kaka kiminu,
mpe salaka ve ntembe na nsilulu ya Nzambi.
Kasi kiminu ya yandi vwandaka pesa yandi ngolo,
mpe yandi kembisaka Nzambi.
21 Yandi zabaka ti ya tsyelika,
Nzambi ke na lulendo ya kusala mambu yina yandi pesaka nsilulu.
22 Ni yawu yina,
Nzambi ndimaka Abalami mutindu muntu ya kudedama samu na kiminu ya yandi.
23 Kasi mambu yayi:
"Nzambi ndimaka yandi mutindu muntu ya kudedamag" sonamaka ve kaka samu na yandi mosi.
24 Yawu sonamaka mpe samu na beto yina Nzambi ke ndima mutindu bantu ya kudedama,
samu ti beto ke kwikilaka yandi yina vumbulaka Mfumu ya beto Yesu na lufwa.
25 Ba yekulaka yandi na lufwa samu na masumu ya beto,
mpe Nzambi vumbulaka yandi na lufwa samu na kukitula beto bantu ya kudedama.