Zonase
NKOTOLO
Dibuku yayi ke na kuzabisa mambu yina me tadila mumbikudi Zonase. Zonase mekaka kumanga na kutumama na musiku ya Nzambi, kasi yandi lendaka ve. Na ntangu yina Nzambi fidisaka yandi samu na kwenda kulonga na Ninive, Zonase dasukaka mpe yandi vwandaka na nsatu ya kufwa nzutu.
Dibuku yayi ya mumbikudi Zonase ke na kulakisa beto na dede nyonso wapi mutindu Nzambi ke lakisaka luzolo ya yandi kaka na bantu ya Isayeli ve kasi yandi ke lakisaka yawu mpe na banzenza yina ke tumamaka na mambu ya yandi.
Nongo yayi ke na kulakisa na bayina nyonso ke sadilaka Nzambi ti bantontolo, bamfyetokoso na mbampasi ke kondwaka ve na kati ya luzingu ya bawu. Yawu ke na kuzabisa beto mpe ti Nzambi ke bikaka ve bana ya yandi, samu ti konso ntangu, Nzambi ke vwandaka ya kukubama samu na kulakisa luzolo ya yandi na konso muntu.
Dibuku yayi kele ya kukabuka mutindu yayi:
- Zon. 1: Nzambi fidisaka Zonase, kasi yandi mangaka na kutumama.
- Zon. 2: Zonase tumamaka na Nzambi mpe Nzambi vuukisaka yandi.
- Zon. 3: Zonase longaka mambu ya Nzambi na mbanza Ninive.
- Zon. 4: Nzambi tadilaka mbanza Ninive kyadi.