Abedyase
1
Lumoni ya Abedyase. Mambu yina Mfumu Nzambi ke na kutuba samu na bantu ya Edome.kumwangana ya mbanza Edome
Beto kuwaka nsangu yina katukaka na sika ya Yave mpe ba
fidisaka ntumwa na sika ya bantu ya bayinsi samu na kuzabisa bawu
mutindu yayi: «Beno telama, beno kwenda kunwanisa bantu ya Edome!»
2 «Na bayinsi nyonso, mu ke sala ti
yinsi ya beno vwanda yinsi yina
kele na ngolo ve mpe bayinsi nyonso ke safula beno.
3 Ya kele ni lunangu ya bantima ya
beno me vuna beno, beno yina ke zingaka na kati ya mabulu ya
matadi, ke tungaka bayinzo na zulu ya myongo mpe ke na
kutuba ti: “Nani ke bwisa beto tii na ntoto?”
4 Ata ti beno dumuka mutindu
ngo-nuni mpe beno tula mazanza
ya beno na kati-kati ya bambwetete,
mu ke kulumuna beno tii na ntoto. Ni munu Yave me tuba yawu.
5 Kana miyibi to bayina ke
botolaka bima ya ngana kwiza na sika ya beno na mpimpa,
mutindu beno lenda sala dyaka kima ve
bawu ke baka ve nyonso yina ba ke na yawu nsatu?
Kana bayina ke bukaka bambuma ya vinu kota na kati ya bilanga ya beno ya vinu, bawu
ke bika ve kaka mwa bikanka ya bambuma?
6 Aa ba me kotila bantu ya dikanda ya Ezawu bisika nyonso!
Bimvwama ya bawu yina vwandaka ya kubumbama me talana.
7 Ba ke na kubingisa beno na ntoto ya beno,
bayina nyonso vwandaka
sadisa beno ke vuna beno,
bawu ke dyata beno.
Bayina nyonso vwandaka
kudya kintwadi na beno
ke lebika beno mutambu. “Beno ke dyaka na mayela ve!”
8 Ni na kilumbu yina ve mu ke
manisa na kufwa bantu ya
ndwenga ya yinsi ya Edome?
Mu ke bika ata muntu ya mayela
kuzinga na zulu ya myongo Ezawu: Ni Munu Yave me tuba yawu.
9 Mbanza Temane, binwani ya nge ya mvita yina ke na kibakala, ke tekita na boma samu ti ba ke manisa
na kufwa bantu nyonso ya mongo ya Ezawu.»
Yimbi yina bantu ya Edome salaka
10 «Bankwamusu yina beno salaka
na bampangi ya beno ya dikanda
ya Yakobi, me sala ti beno
fuluka na nsoni mpe beno kufwa seko.
11 Beno vwandaka tala ntangu
bambeni nungaka binwani ya Yuda mpe vwandaka botola
bambanza ya bawu. Na ntangu
banzenza vwandaka bula dzeke samu na kukabula
bimvwama ya Yelusalemi, beno mpe salaka mutindu bawu.
12 Nge Edome, ya vwandaka
mbote ve samu na nge na kuyangalala
na ntangu yina bampangi ya nge ya Yuda vwandaka
na kati ya mpasi. Ya vwandaka mbote ve samu na nge na
kuyangalala kilumbu yina ba mwangisaka yinsi ya bawu.
Ya vwandaka mbote ve na nge na kuvwanda na kyese
to kufinga bawu na ntangu yina bawu vwandaka na kyadi.
13 Ya vwandaka mbote ve samu na nge,
na kukota na mbanza ya bantu ya munu na ntangu ba vwandaka botola bawu bima.
Ya vwandaka mbote ve samu na nge na kuyangalala
na ntangu yina bawu vwandaka na mpasi.
Ya tsyelika, ya vwandaka mbote ve samu na nge na kubaka
bimvwama ya bawu na ntangu yina ba vwandaka botola bawu bima.
14 Ya vwandaka mbote ve samu na
nge na kutelama na magambu ya banzila samu na kufwa bayina vwandaka kima lufwa.
Ya vwandaka mbote ve samu na nge na kupesa bayina vukaka na
lufwa na maboko ya bambeni na kilumbi yina ya kyadi.
15 Kilumbu ya Yave me kuma
pene-pene, kilumbu yina yandi
ke fundisa bayinsi nyonso.
Na yina, ba ke sala nge mutindu
nge salaka na bampangi.
Yimbi yina nge salaka, ke vutukila nge.»
Isayeli ke vutula yimbi na Edome
16 «Mutindu beno talaka nkele ya
munu na zulu ya mongo
ya munu ya longo, ni mutindu
yina mpe makanda nyonso ya nkaka ke tala yawu.
Bawu ke tala yawu ya kulutila,
yawu ke sala ti bawu kola mpe bawu ke vwanda mutindu bantu me zingaka ntete ve.
17 Kasi bayina ke vuuka, ke
kwenda zinga na zulu ya mongo ya Siyone,
mongo yango ke kuma dyaka ya longo
mpe bantu ya dikanda ya Yakobi
ke baka dyaka yinsi mpe bima ya bawu nyonso.
18 Bantu ya dikanda ya Yakobi ke
kuma mutindu tiya
mpe bantu ya dikanda ya Yosefi
ke vwanda mutindu milaka ya tiya.
Kasi bantu ya dikanda ya Ezawu ke vwanda
mutindu nyanga yina ba me yoka tiya mpe ata muntu
ke vuuka. Ni munu Yave me tuba yawu.»
19 Bantu ya dikanda ya Yuda ke botola mongo ya bantu ya Edome yina kele na sude. Bantu ya Sefela ke botola yinsi ya Bafilisitine mpe Samali yinsi ya bantu ya dikanda ya Efalayime. Bantu ya dikanda ya Bezame ke botola yinsi ya Ngalade. 20 Bantu ya Isayeli bayina kwendaka nzinga na bayinsi ya nkaka, ni bawu basoda yina ke bingisa bantu ya Kanane tii na Salepeta. Bayina katukaka na Yelusami samu na kukwenda nzinga na bayinsi ya nkaka, bayina ke zingaka na Sefalade, ke botola bambanza ya Nengeve. 21 Bantu ya munu yina ke nunga, ke yuluka na zulu ya mongo ya Siyone, bawu ke yala yinsi ya Edome mpe
Yave ke vwanda ntinu!