Ña̱ yo̱ꞌo̱ nduuꞌ kivi̱ꞌ sa̱kuuꞌ si̱a̱niꞌ xikaꞌ Adán, ña̱ kuní ka̱ ku̱u̱n kuiꞌe̱ savi̱ꞌ
5
Ña̱ yo̱ꞌo̱ nduuꞌ kivi̱ꞌ sa̱kuuꞌ si̱a̱niꞌ xikaꞌ Adán. Kii̱ꞌ ni̱ xa̱ꞌa̱ Ndiosí ne̱ yivi̱ꞌ i̱i̱n yivi̱ꞌ ndii, ni̱ xa̱ꞌa̱ ña̱ꞌaꞌ a̱ naa kaaꞌ mi̱iꞌ a̱.
2 Ni̱ xa̱ꞌa̱ a̱ tiaa̱, te̱ ni̱ xa̱ꞌa̱ tu̱ a̱ ña̱ꞌaꞌ, te̱ ni̱ sa̱ñuꞌuꞌ ña̱ꞌaꞌ a̱, te̱ ni̱ tyi̱na̱niꞌ ña̱ꞌaꞌ a̱ Adán kii̱ꞌ ni̱ xa̱ꞌa̱ ña̱ꞌaꞌ a̱.
3 Ciento oko̱ uxi̱ kuiya̱ ni̱ ku̱miꞌ Adán kii̱ꞌ ni̱ yoo̱ i̱i̱n tiaa̱ siꞌe̱ ra̱, te̱ ni̱ na̱kuita̱ va̱ kaaꞌ xiinꞌ ra̱, te̱ i̱i̱n katyi xa̱va̱ꞌa̱ tu̱ kuuꞌ te̱ ja̱a̱nꞌ nde̱e̱ naa mi̱iꞌ Adán, te̱ ni̱ tyi̱nduꞌu̱ꞌ ra̱ kivi̱ꞌ te̱ ja̱a̱nꞌ naniꞌ ra̱ Set.
4 Te̱ ni̱ tiaku̱ ka̱ Adán uni̱a̱ ciento kuiya̱ kii̱ꞌ ndi̱ꞌi̱ ni̱ yoo̱ siꞌe̱ ra̱ Set ja̱a̱nꞌ, te̱ ni̱ yoo̱ ka̱ kiꞌinꞌ tiaa̱ xiinꞌ kiꞌinꞌ ña̱ꞌaꞌ siꞌe̱ ra̱.
5 Sa̱kanꞌ na kuiiꞌ ii̱n ciento oko̱ uxi̱ kuiya̱ ni̱ xika̱ Adán i̱i̱n yivi̱ꞌ, te̱ ni̱ xiꞌi̱ ra̱.
6 Ciento uꞌu̱n kuiya̱ ni̱ ku̱miꞌ Set kii̱ꞌ ni̱ tuvi̱ siꞌe̱ ra̱, te̱ ni̱ na̱niꞌ Enós.
7 Te̱ ni̱ tiaku̱ ka̱ Set uni̱a̱ ciento uxa̱ kuiya̱ kii̱ꞌ ndi̱ꞌi̱ ni̱ yoo̱ siꞌe̱ ra̱ Enós ja̱a̱nꞌ, te̱ ni̱ yoo̱ ka̱ kiꞌinꞌ tiaa̱ xiinꞌ kiꞌinꞌ ña̱ꞌaꞌ siꞌe̱ ra̱.
8 Sa̱kanꞌ na kuiiꞌ ii̱n ciento uxi̱ uvi̱ kuiya̱ ni̱ xika̱ Set i̱i̱n yivi̱ꞌ, te̱ ni̱ xiꞌi̱ ra̱.
9 Ku̱miꞌ xi̱ko̱ uxi̱ kuiya̱ ni̱ ku̱miꞌ Enós kii̱ꞌ ni̱ tuvi̱ siꞌe̱ ra̱, te̱ ni̱ na̱niꞌ Cainán.
10 Te̱ ni̱ tiaku̱ ka̱ Enós uni̱a̱ ciento xaꞌu̱n kuiya̱ kii̱ꞌ ndi̱ꞌi̱ ni̱ yoo̱ siꞌe̱ ra̱ Cainán ja̱a̱nꞌ, te̱ ni̱ yoo̱ ka̱ kiꞌinꞌ tiaa̱ xiinꞌ kiꞌinꞌ ña̱ꞌaꞌ siꞌe̱ ra̱.
11 Sa̱kanꞌ na kuiiꞌ ii̱n ciento uꞌu̱n kuiya̱ ni̱ xika̱ Enós i̱i̱n yivi̱ꞌ, te̱ ni̱ xiꞌi̱ ra̱.
12 Uni̱ xi̱ko̱ uxi̱ kuiya̱ ni̱ ku̱miꞌ Cainán kii̱ꞌ ni̱ tuvi̱ siꞌe̱ ra̱, te̱ ni̱ na̱niꞌ Mahalaleel.
13 Te̱ ni̱ tiaku̱ ka̱ Cainán uni̱a̱ ciento uvi̱ xi̱ko̱ kuiya̱ kii̱ꞌ ndi̱ꞌi̱ ni̱ yoo̱ siꞌe̱ ra̱ Mahalaleel ja̱a̱nꞌ, te̱ ni̱ yoo̱ ka̱ kiꞌinꞌ tiaa̱ xiinꞌ kiꞌinꞌ ña̱ꞌaꞌ siꞌe̱ ra̱.
14 Sa̱kanꞌ na kuiiꞌ ii̱n ciento uxi̱ kuiya̱ ni̱ xika̱ Enós i̱i̱n yivi̱ꞌ, te̱ ni̱ xiꞌi̱ ra̱.
15 Uni̱ xi̱ko̱ uꞌu̱n kuiya̱ ni̱ ku̱miꞌ Mahalaleel kii̱ꞌ ni̱ tuvi̱ siꞌe̱ ra̱, te̱ ni̱ na̱niꞌ Jared.
16 Te̱ ni̱ tiaku̱ ka̱ Mahalaleel uni̱a̱ ciento oko̱ uxi̱ kuiya̱ kii̱ꞌ ndi̱ꞌi̱ ni̱ yoo̱ siꞌe̱ ra̱ Jared ja̱a̱nꞌ, te̱ ni̱ yoo̱ ka̱ kiꞌinꞌ tiaa̱ xiinꞌ kiꞌinꞌ ña̱ꞌaꞌ siꞌe̱ ra̱.
17 Sa̱kanꞌ na kuiiꞌ uni̱a̱ ciento ku̱miꞌ xi̱ko̱ xaꞌu̱n kuiya̱ ni̱ xika̱ Mahalaleel i̱i̱n yivi̱ꞌ, te̱ ni̱ xiꞌi̱ ra̱.
18 Ciento uni̱ xi̱ko̱ uvi̱ kuiya̱ ni̱ ku̱miꞌ Jared kii̱ꞌ ni̱ tuvi̱ siꞌe̱ ra̱, te̱ ni̱ na̱niꞌ Enoc.
19 Te̱ ni̱ tiaku̱ ka̱ Jared uni̱a̱ ciento kuiya̱ kii̱ꞌ ndi̱ꞌi̱ ni̱ yoo̱ siꞌe̱ ra̱ Jared ja̱a̱nꞌ, te̱ ni̱ yoo̱ ka̱ kiꞌinꞌ tiaa̱ xiinꞌ kiꞌinꞌ ña̱ꞌaꞌ siꞌe̱ ra̱.
20 Sa̱kanꞌ na kuiiꞌ ii̱n ciento uni̱ xi̱ko̱ uvi̱ kuiya̱ ni̱ xika̱ Jared i̱i̱n yivi̱ꞌ, te̱ ni̱ xiꞌi̱ ra̱.
21 Uni̱ xi̱ko̱ uꞌu̱n kuiya̱ ni̱ ku̱miꞌ Enoc kii̱ꞌ ni̱ tuvi̱ siꞌe̱ ra̱, te̱ ni̱ na̱niꞌ Matusalén.
22 Te̱ ni̱ xika̱ naa ni̱ xika̱ Enoc i̱tyiꞌ Ndiosí niiꞌ i̱nga̱ uni̱ ciento kuiya̱ kii̱ꞌ ndi̱ꞌi̱ ni̱ yoo̱ siꞌe̱ ra̱, te̱ naniꞌ Matusalén, te̱ ni̱ tiaku̱ ka̱ Enoc, te̱ ni̱ yoo̱ ka̱ kiꞌinꞌ tiaa̱, xiinꞌ kiꞌinꞌ ña̱ꞌaꞌ siꞌe̱ ra̱.
23 Sa̱kanꞌ na kuiiꞌ uni̱ ciento uni̱ xi̱ko̱ uꞌu̱n kuiya̱ ni̱ xika̱ Enoc i̱i̱n yivi̱ꞌ.
24 Te̱ xaꞌa̱ꞌ a̱ ña̱ ni̱ xika̱ nda̱ku va̱ ra̱ i̱tyiꞌ Ndiosí ndii, ni̱ xa̱a̱ i̱i̱n kivi̱ꞌ ña̱ kuaꞌa̱n tiaku ra̱ ndi̱viꞌ, sa̱kanꞌ ña̱ mi̱iꞌ Ndiosí ni̱ na̱ka̱ ña̱ꞌaꞌ.
25 Ciento ku̱miꞌ xi̱ko̱ uxa̱ kuiya̱ ni̱ ku̱miꞌ Matusalén kii̱ꞌ ni̱ tuvi̱ siꞌe̱ ra̱, te̱ ni̱ na̱niꞌ Lamec.
26 Te̱ ni̱ tiaku̱ ka̱ Matusalén uxa̱ ciento ku̱miꞌ xi̱ko̱ uvi̱ kuiya̱ kii̱ꞌ ndi̱ꞌi̱ ni̱ yoo̱ siꞌe̱ ra̱ Lamec ja̱a̱nꞌ, te̱ ni̱ yoo̱ ka̱ kiꞌinꞌ tiaa̱, xiinꞌ kiꞌinꞌ ña̱ꞌaꞌ siꞌe̱ ra̱.
27 Sa̱kanꞌ na kuiiꞌ ii̱n ciento uni̱ xi̱ko̱ ii̱n kuiya̱ ni̱ xika̱ Matusalén i̱i̱n yivi̱ꞌ, te̱ ni̱ xiꞌi̱ ra̱.
28 Ciento ku̱miꞌ xi̱ko̱ uvi̱ kuiya̱ ni̱ ku̱miꞌ Lamec kii̱ꞌ ni̱ tuvi̱ siꞌe̱ ra̱,
29 te̱ ni̱ tyi̱nduꞌu̱ꞌ ra̱ kivi̱ꞌ te̱ ja̱a̱nꞌ naniꞌ ra̱ Noé, kaꞌán ra̱ ndii:
―Te̱ yo̱ꞌo̱ sa̱na̱ndiee̱ꞌ yooꞌ nuu̱ꞌ tyu̱u̱n vie̱ ña̱ xaaꞌ e̱ꞌ xiinꞌ nuu̱ꞌ ña̱ ni̱ xa̱vi va̱ e̱ꞌ xatyuunꞌ e̱ꞌ nuu̱ꞌ ñu̱ꞌuꞌ ña̱ ni̱ sa̱na̱tyaꞌanꞌ Yahvé Ndiosí ―ni̱ katyi̱ ra̱.
30 Te̱ ni̱ tiaku̱ ka̱ Lamec, uꞌu̱n ciento ku̱miꞌ xi̱ko̱ xaꞌu̱n kuiya̱ kii̱ꞌ ndi̱ꞌi̱ ni̱ yoo̱ siꞌe̱ ra̱ Noé ja̱a̱nꞌ, te̱ ni̱ yoo̱ ka̱ kiꞌinꞌ tiaa̱, xiinꞌ kiꞌinꞌ ña̱ꞌaꞌ siꞌe̱ ra̱.
31 Sa̱kanꞌ na kuiiꞌ uxa̱ ciento uni̱ xi̱ko̱ uxa̱ kuiya̱ ni̱ xika̱ Lamec i̱i̱n yivi̱ꞌ, te̱ xa̱ kuiya̱ ja̱a̱nꞌ ni̱ xiꞌi̱ ra̱.
32 Uꞌu̱n ciento kuiya̱ ni̱ ku̱miꞌ Noé kii̱ꞌ ni̱ tuvi̱ uni̱ taꞌan tiaa̱ siꞌe̱ ra̱: I̱i̱n ra̱ ni̱ na̱niꞌ Sem, i̱nga̱ ra̱ ni̱ na̱niꞌ Cam, te̱ i̱nga̱ ra̱ ni̱ na̱niꞌ Jafet.