6
Yoꞌo nu kuu daꞌa, kininchisa ñaꞌan xi s-tadeꞌe yo sa saꞌa Ndios kuan jaꞌa kuu sa guaꞌa.a 2 Ku yeñuꞌu xi s-tata yo xiꞌin jnana yo, kuan jaꞌa kuu diꞌnanuu mandamientu sa neꞌe promesa; 3 ndasa na kiꞌin guaꞌa xo xiꞌin na koo naꞌa yo ñuyii.b4 San ndidaa dini tsa kuu tadeꞌe, ma da diko-ini ni d̶aꞌa ni,c maska sa dakuaꞌa ñaꞌan guaꞌa ni sa nchoxi Ndios sa na kada nu.
5 Ndidaa dini tsa kidachiion, kininchisa ñaꞌan ni xi s-toꞌo ni tsa xinokuachi ni jnu xi xiꞌin yuꞌu ñaꞌan ni s-tsa, kuinokuachi guaꞌa ni s-tsa, kuenta sa Jesucristu xinokuachi ni xi.
6 San adi ora ni ntsaꞌa ñaꞌan tsa jni kadachiion ni, kuenta ndidaa tsa nchu kendoo guaꞌa xiꞌin ndidaa ñayii, maska sa kuenta tsa xinokuachi xi Jesucristu, san xiꞌin nee xanaa ni kada ni sa nchoxi Ndios. 7 Kuan ndidaa dini tsa kidachiion xi ñayii, kada ni kuenta sa Ndios kidachiion ni xi, san kada ni xiꞌin nee xanaa ni, 8 kuan xini ni ndidaa ni sa Ndios taxi ia sa guaꞌa jni ndidaa ni tu na kada ni sa guaꞌa, san atuu sa kada tu kuu ni esclavu ña ñaꞌan.d
9 San duꞌua dini tsa io tsa kidachiion xi, duꞌua ni kada ni xi ndidaa tsa kidachiion jni tuku, ma kada dayuꞌu ñaꞌan ni; kuan sa xini ni sa dini tsa kuu S-toꞌo tsa kuu S-toꞌo ni tuku ia io andivi,e san ti ndekaxi ia ñayii io jnu ia.f
Sa senchiion ndidaa Cristianu sa natavi tsa mee tsa
10 San vita vi xanii, kuin kutu ni xiꞌin sa ntsee ia kuu ku Toꞌo ndo san ndu ntsee ni xiꞌin. 11 Kuenchiion ni ndidaa sa taxi Ndios jni sa tavi ni mee ni, ndasa na kuyakui ni ndidaa sa kuiꞌia nchu kada sakakuiꞌia kuan jni; 12 kuan adi naa ndo xiꞌin ñayii, maska sa xiꞌin tachi kuiꞌia xiko andivi, sa tastuni, xiꞌin yeꞌe ndaꞌa xi ñuyii yaꞌa. 13 Juandiku guaꞌa ntseꞌe ndukutu ni sa taxi Ndios jni, ndasa na kuyakui ni kii kuiꞌia ntsaa na tuꞌu ndidaa, san kuin ndaa ni. 14 Juandiku kuin ndaa ni, san kaꞌan ni sa ndaa sa kuu kuenta en cinchu nono sakunuꞌni en soldadu. San kada ni sa ndaa sa kuu kuenta en doꞌno kaa sa kutavi nchika xiꞌin sata soldadu. g 15 San kaꞌan ni s-toꞌon guaꞌa Jesucristu, kuan juan kuu kuenta en nchisa sa na keꞌe soldadu,h 16 san kukaꞌnu-ini ni Jesucristu, kuan juan kuu kuenta en kaa yadi kaꞌnu sa tavi soldadu mee tsa, ndasa na dandaꞌua ndidaa flecha xiko dakana ntsaa ñaꞌa sakakuiꞌia jni. 17 San kunaꞌa ni sa Ndios taxi ia sa nanitaꞌvi ni kuenta en kaa sa koꞌon diki en soldadu, san kuenchiion ni s-toꞌon Ndios, sa taxi x-Espíritu ia, kuan juan kuu kuenta en x-espada soldadu, 18 san kakataꞌvi ni xi Ndios ndidaa tiempu xiꞌin Espíritu xiꞌin kukondaꞌvi ni xi ia san kunchito ni xiꞌin nduku ntsee ni, san kakataꞌvi ni sa saꞌa ndidaa ñayii ndada ii Ndios xiꞌin kukondaꞌvi ni xi Ndios sa saꞌa tsa ndidaa tsa. 19 Kakataꞌvi ni xi Ndios sa saꞌa da tuku, kuan ndasa ora na kaꞌan da, na kaꞌan da toꞌon nandeꞌe sa kaꞌan da xiꞌin ma yuꞌu da sa kaꞌan da, 20 kuan sa saꞌa xi juan diku tsandaꞌa ñaꞌan Ndios d̶a sa na kaꞌan da, juandiku yeꞌe da vekaa san nuꞌni da xiꞌin cadena; doko kakataꞌvi ni xi Ndios sa na kaꞌan da sa kuu ia, san ma yuꞌu da sa kaꞌan da sa nandeꞌe sa kaꞌan da.
Kada ntse-ini jni ndidaa ni
21 Tíquico, ku kiani ndo nu kidachiion san ti nayuꞌu nu sa kuinokuachi xi Ndios nu xinimani da, kuneꞌe nu toꞌon sa táꞌan da xiꞌin sa kída da.i 22 Juandiku tsándaꞌa da nu sa io ni ndidaa ni, ndasa na kachi toꞌon nu na modo io da ndidaa da san modo yaꞌa na kadakaꞌnu ni ndidaa ni xanaa ni.j