Mu tu romberere
3
Ko ku manenena, andengenu, mu tu romberere ci diywi dya Fumu di kuwiwe wangu karo di remekiwe eci diya na i na tendahara oko ku kwenu. 2 Mu tu romberere karo ci Nyambi a tu amwene kwanu o kwipa karo owamango, inene kadi cingwa ci anu wahe a na tawa kwa Nyambi. 3 Uno honi Fumu wa ku rurama, kenge a ku mi koropithsa no ku mi nyunga koyu o Mumango.a 4 Tu na dimuka shemwa mwa Fumu ci mwaa tenda karo kenge mu twara ku rupara ku tenda eraerera yetu. 5 Fumu a tware micima thzenu ku thsishimo thsa Nyambi no ku cithzua kwa Krisitu.Mwaa roera ku kwama kadi ku cikarera
6 Uno honi, andengenu, twaa mi raerera mu dithzina dya Fumu Yesu Krisitu ci mu tunde kwaenthzenu wahe awa a na cikarera, awa a na kana ku hengeka erongithsa eyi mwa tamburire ku kwetu. 7 Amwe shemwa mu na dimuka omu mu na roera ku tendera ci mu tu temunune, inene atwe ka twekarire nova ou twa nekarire nenu. 8 Karo ka twa dire edya yo munu ko kukana ku i ura, mweyo, twa kwamine kokoro mutenya nothsiku ci twekara mupango shaanga kwa munu yofoci ku kwenu. 9 Kadi cingwa ka twa roerire ku kwathsiwa ku kwenu eyi twa tenderire kengeyo, unone kuma twa tendire kengeyo ku mi pa muro ci mu tu shupwere. 10 Inene shaanga ou twa nekarire nenu twa mi raerire ci ngeci munu ka a fotire ku kwama ka a roerire ku dya.
11 Twaa amba kengeyo, inene na tu yuvu ci kwa di anu amweya mu kaci kenu awa a na cikarera, awa a na kana ku fota ku kwama thsimweya shime kwingenangena mwinu yamweya. 12 Anu o kengeyo, twaa wa raerera no ku wa romba mu dithzina dya Fumu Yesu Krisitu ci a kwame ekwama ko ku tutwara ci a ciyoyithserepo. 13 Uno honi amwe, andengenu, mwa aya ku tenda owa.
14 Ngeci kwaa di oyu na kana ku hengeka eyi tu amba omu mu diñoro, mu mu dimukere no ku tunda ku kwenthzi ci a ene. 15 Mwa mu shimba eci mukwathsithzimbo, unone mu mu nomenithse eci muenthzenu mukwakutawa.
Kuvumenena ko mamaneneno
16 Aye Fumu shemwa oyu na panga thsiyaro a mi pe thsiyaro thsikati thsothsihe no mu makuñwa oahe. Fumu ekare nenu mwaheno.
17 Ame no Paulu naa ñora ko dyoko dyange ku mi vumenena. Kenge dyo ni na tendanga mu mañoro ange oahe ku monithsa ci aa tunda ku kwange.
18 Thsihemo thsa Fumu wetu Yesu Krisitu thsikare nenu mwaheno.