Otse kwɔ Ɔrɔmaan kwɛ Ku udɨma
15
1 Abɔwatasi ɔttara ka aluloma ɔdwag aba agba kɔ ɔwang aba awanga Jisɔs. 2 Udɨg gwan, Afarisi ɔttara akpewinyɨna tsɛ Mosis aba amɔn, “Ɔnang nwa unu unɨnga aluloma abubɛ, utsi utsapfɛ abubɛ.” 3 Jisɔs ɔtta bɛ otse ngwa: 4 “Odesɛ ɔnang wan maka abanga, ɔkam arɔmaan arraw asen, ɔrɔmaan wan ɔnnang-ɛ udɨm, ɛma mbyoga araw anebɨng ukuma ɔrɔngwɛ ɛraw ɔbɔg motte ga ki imɨn oto oror nwo wan, tar ose wɛ-o 5 Odesɛ ka awɛ ussa, udɨr-ɛ ɔnana kɛ ɛkkam olew awuwɛ. 6 Opfona ko otter, muma ɛma no jer ayogadikow ɔttara ayogrɨgbanga ɔgba ɔwang gwan, oteg bɛ abɛ, ‘Abanga akwu akwa alow ammabɛ, ɔrɔmaan kwam kwu udɨm kɨnsa.’ 7 Nteg banga, abɛ ke eden nzama, olew pfi ititam nu nɨng ga kɛ ɛrang ɔbanga ululoma wan kwotte ilom ɔbɔg ɔyɔnga anang araw annebɨng ukkɨma ɔrongkwɛraw pa ana assi idɨg ru Ubɨnɔkpaabyi oror pa aba na nabana abɛ aba wag akpen.”Otse kwu Usɨrɨng kwɛ ku udɨma
8 Jisɔs ɔtta bɛ otse ɔdwag, “Ukwanɨng ɔkam asiring zow, wan awɛ ɔnang-ɛ udɨm, ɛma otewikang moyen, ɔtang ɔtsɔm kwɛ oror ɔdamɔdam tar ukwu ose wɛ-o? 9 Ibe rɛ ukwu ose wɛ, ojer ayogamuna ɔttara ayogarɨgbanga, oteg bɛ abɛ, ‘Abanga akwu kwa alow amabɛ, amma ku usiring kwu udɨm-m nsa.’ 10 Ke eden nzo, nteg banga, atɔmɔtɔm pu Ubɨnɔkpaabyi no olew bɛ otena ku ululoma wan kwo otte ipyuwa ɔbɔg.”
Unwa kwɔ ɔmang otor otte
11 Jisɔs okoro ɔtta bɛ otse abɛ, “Udwunɨng wan ɔkam uva dwunɨng affa. 12 Unwɔkkka kwi kikar oben otte abɛ, ‘Adere, kew ekpo pya akam anang amma okew pfam.’ Otte okwo okew ekpo mbyo ɔnang bɛ.
13 “Eden niwura, ubuw otseden oddo ekpo pyɛ ibɨng utitso ko osenga opfona kɛ ɛkama tsi iwur eden. Soto owem, otitso ulɨg akpog pɛ ibɨng ɔttara ko okpowaga kwɛ ki ikwɨngkpa den ɔttara utsi asasa abubɛ. 14 Masɛ ke ekpo mbyo ulɨga ibɨng, okwo pfi ititam ukwu ma ko ofon kwu unɨng, ɔdag ɔtɔg nɔ ɔkama pfɛ mutsi. 15 Masɛ ode otse ngwo, ɔtaga ɛma oyen oke kɔ ɔtɔm ma kɔ ɔnang ko ofon ngwo, ɔkwɔ ɔtɔm-ɛ ki imɨn tsɛ abɛ ɔnɔta ɔnang akkomba utsapfɛ. 16 Okwo ɔkam-ɛ tar utsapfɛ pfa akkomba ɔdag-ɛ abɛ utsi, ɔnang kwɔ ɔnang-ɛ kode.
17 “Esonga ɛmanga ɛkwɛ ɛnwɛ, oben ɛma ɔyen abɛ, ‘Adere kwam ɔkam atɔm nang pa asawɔsaw aba atsi utsapfɛ aba arɨg, amma nnɨng mama okwo afufɛ kwɨna nkwu nppɛ. 18 Nɨndo ɛkpakpa mmanga innam ntor adere, nteg-ɛ abɛ, adere, amma ki ipyuwa nsa nnang Ubɨnɔkpaabyi ɔttara kɔ ɔma. 19 Amma ndag nɨmbana kwɔ ɔma ma ajer-m unwa kwɔ, tag-m tsekwɛ ɔtɔm nang kwɔ.’ 20 Utitso ubɨna ukwɨna otor otte, su udɨmu unɨnga ke eden iwur, otte usse-ɛ, usse-ɛ okwo, utɨm ɛwar okew-ɛ ke eden, upfuw-ɛ ɔgara, ɔdwɔ-ɛ.
21 “Unwa oben-ɛ abɛ, ‘Adere, amma ki ipyuwa nsa nnang ɛrang ɔttara ka akɔ, amma ndag nɨmbana kwɔ ɔma ma ajer-m unwa kwɔ.’
22 “Otte oben atserɔtɔm pɛ abɛ, ‘Ɛwɛrɛwɛrɛ, ata taga ɔnɔma kwu zuwuzuw kwa akɛ, kɛ ɛbanga tsɛ ɛnɔna, ɔttara kɨntwag. 23 Abanga ata taga ɛwaam dɨn nzo abanga akwa afɔ amana antsi anttara assi elowa. 24 Unwa nwa kwam kwɨntan bɛ kuppa kɔkɔrɔ ɔmanga ka akpen, udɨm ɔkɔrɔ uyin ki iyan,’ aba titso ke elowa.
25 “Ki ibe ndo, unwɔkka kwɛ ɛnangtama unɨng ki imɨn. Sɛnɔ ɔmanga innam, sɛ kofora kɔ ɔtsɔm, ɔwanga nbɨn ɔttara ku utuwa. 26 Muma wɔ kwo ojer otserɔtɔm wan kwo otte, ɔbɔw-ɛ abɛ, ‘Bugudɨg kwɔ kwa akwɛ nuyɨn mama?’ 27 ‘Unwakka kukwuna,’ ɔpɔn-ɛ, ‘Adɛgɛ, atte ɔfɛ ɛwaam dɨm ukwurabɛ unwa kwɛ ki innam ɔmanga ka akpen ɔttara kɔ ɔkkpakpa kpog.’
28 “Unwɔkka kwɛ ɛnangtama akwɛ ɔdwag-ɛ, ufum ɛnwada kɔ ɔtsɔm. Muma, otte uyɨn ki iyan utsɨn-ɛ abɛ ɔnwa kɔ ɔtsɔm. 29 Ɛma ɔmanga ɔnang otte abɛ, ‘Ker kitso nda ra amma nnɨng nssi ɔtɔm nnang-ɔ, amma ɔtɔnga kwɔ ntaga nfɨma, ɔma amma uvu nwa ataga arenga anang-m abɛ taga assi elowa ayog abɛ. 30 Ki ibe ru unwa nwa kwɔ kwɛ ka akpog utɨma utu ulɨg assassa bubɛ, ɔmanga ukwɨna ko ter, ɔma ata areng ɔwaam dɨm akwa afɔ anang-ɛ.’