Alatala laɲinilá te a tantu
95
Wo mɔ ma, mɔ ni beeti bɔɛ ma Alatala ye sɛɛwa butɔ!
Wo mɔ ni mɔ kulɛ mayɛlɛ a ye, min mu mɔ la fata la; ale le mu mɔ la kisi mansa la.
2 Wo mɔ ni taga sɔ a ɲakɔtɔ ka sɛɛwa lataga a ma,
wo mɔ ni a batu beete la,
3 bayi Alatala mu Ala belebele le la,
mansa sɛnbɛma, min be sigiren alanu bɛ kunma.
4 Dunuya kan luggɛreŋɛnu bɛ be ale le bolo,
a tɛŋɛ le mu kɔnkɛnu kun tɛma bɛ la.
5 Ba tugun mu a tɛŋɛ le la, ale le ka a ɲiɲa;
ba nun duge, a bɛ bɔɔta ale le bolo.
6 Wo na, wo mɔ ni mɔ majigi, ka sujudu a ye,
wo mɔ ni kimisirin Alatala ye, min ka mɔ da.
7 Bayi ale len mu wo mɔ Marige Ala la.
Wo mɔle kan bata ma jama la min be a la wɔɔrɛ tɔ,
a bole be wɔɔrɛ min natagamanna.
Alatala be kumala wo ye bi. Wo ni a kulɛ mɔɛ, a ko:
8 «Wo kana wo tole bɛlɛya de iko wo benbanu ka a ma ki min na Meribaa,
anu murutɛta n ma lun min na janfue tɔ, ka min tɔgɔ Masa.
9 Anu ka n naɲini, anu ka n mafɛlɛ ɲɔ,
hali anu to ka n na wale yen.
10 San bi naani kɔtɔ,b kɛ bɔnsɛ la ko sɛɛyata n ɲɛ.
N ka a fɔ: ‹Jama le ka min bata sama;
anu ma sɔn n tagaman ɲa la.
11 Wo butɔ, nde tugun ka n kali n na dumɛ butɔ,
n ko anu te don n be ka min ɲiɲaren anu ye sulen dula la.›»