N mɛnnilá mu Alatala le la
23
Dauda la beete do le ka.
Alatala le mu n mɛnnilá la,
iko kolofen kantalá be mɛnnila a la kolofeŋɛnu ma ki min na.
N te fo fenfen na.
2 A be n nasulenna dula ɲinma le tɔ,
a be n kun sɔla kɔɔ lakarareŋɛ le ye,
3 a be n nɛ lasɛɛwala,
a be n natagamanna kila telendeŋɛ le tɔ, a tɔgɛ la ko la.
4 Hali n be tagamanna goyon dibireŋɛ yati tɔ,
n te kilan fenfen koron na,
bayi ile Alatala, i be n kɛnna;
tungare nun faŋɛ be i bolo, wolo mu n juse be saren.
5 I be dɔmɛnu sigila n kɛn kɔtɔ n jaguenu ɲala;
i be tulu kuɲɛ diyama madonna n kuŋɛ ma;
i be n na pɔɔte lafala minfeŋɛ la tɛpu!
6 Iyon, i la hɛra anun i la kanunteya be n jokkiren n na simaya bɛ butɔ,
n mɛn si kɛnɛ tasaagi le Alatala la hɔrɔma boŋɛ tɔ kudai!