Ala be min maɲininkaren a la telenbaganu ma
15
Dauda la beete do le ka.
Alatala, ɲɔmɔ le si nɔ tola i la hɔrɔma dingira butɔ?
Ɲɔmɔ le si nɔ sabatila i la kɔnkɔ saniyandeŋɛ kunma?
2 Min be tagamanna telen kila la, kɔnɔ yo bele a la,
a ni tɔɲa fɔ a juse beeyareŋɛ la,
3 min te nafigiya ma a nɛŋɛ la,
ka wo ma a ni ko koroŋɛ ma a kafuɲɔgɛ la.
A mɛn te a mɔgɔɲɔgɛ tɔgɔ tiɲa.
4 A ni a matuntun mɔgɛ la min be ko koroŋɛ tɔ,
kɔnɔ a be Alatala ɲalakilannanu biliyala;
a mɛn tini lahire jigan, a ni a kali,
hali a tɔɔrɔta, a te lahire bɔɔ a tɔ.
5 A mɛn te a la nafule ladɔntɔ riba sɔtɔ koe la,
a mɛn te sɔn ji sige la foniya sa koe la telenbaga kunma.
Min be kɛ koenu mɔɔle mala, wo te naa lamaga abada.