Tuubɛbaga bandireŋɛ la Ala mataraŋɛ
6
Dauda la beete do le ka, beeti bɔɔlanu la kuntige ye, a ni bɔɔ anun kɔra julu kolo sagiŋɛ la.
2 Alatala, i la dumɛŋɛ butɔ, i kana to n ɲagankatala,
i kana to n tɔɔrɔla i la jusu yɛlɛ la.
3 Alatala, hinnɛ n na bayi n bata halagi.
Alatala, n nakendeya, bayi n kolenu be sɛrɛnna le ka.
4 N nɛ bɛ be sɛrɛnna tɔɔrɛ la.
Alatala, kɔtɛ n be tɔɔrɔla han tɛmu miniman?
5 Alatala, saagi n ma, i ni n nɛ lakisi.
N nakisi i la fonisireya la ko la.
6 Bayi mɔgɔ fagareŋɛnu be saren ka min na, anu te i la ko talɔn ɲɔ.
Ɲɔmɔ le si nɔ i tantula bangue tɔ?
7 Tɔɔrɛ la ko bata n sɛnbɛ bɛ ban.
Su yo su n be dila,
n na benbe bɛ ɲan bata kima n ɲaje la.
8 Suunɛ bata n ɲanu lapinpi.
N bele fenfen yenna n jaguenu la ko sabu la.
9 Awa, wole telenbalenu bɛ, wo matuntun n na,
bayi Alatala bata n diri kulɛ mɔɛ.
10 Alatala bata n na tarile mɔɛ.
Alatala si n na mamataraŋɛ jigan de.
11 N jaguenu bɛ si malu le ka sɛrɛn han.
Iyon, anu si bori le, maluya si anu bita le kisanna.