Íꞌdóŋá 10

Anzị Núwã drị̂ kí ꞌbã ũri

¹ ꞌDĩ ãwí Núwã ngọ́pịka Sẹ́mị̃ ꞌi, Hámũ ꞌi ãzíla Yáfẽtĩ trũ rĩ, anzị na ꞌdĩ ụtị kí anzịŋá ũꞌbíru ị̃yị́ ãmbógó ꞌbá ịmvụ́lépi rĩ ꞌbã ũngúkú gá. ² Anzị Yáfẽtĩ drị̂ kí: Gómã ꞌi, Mãgọ́gị̃ ꞌi, Yãvánĩ ꞌi, Tũbálĩ ꞌi, Mẽsékĩ ꞌi ãzíla Tĩrásĩ ꞌi. ³ Anzị Gómã drị̂ kí: Ãsĩkẽnázĩ ꞌi, Rĩfátĩ ꞌi ãzíla Tõgõrámã ꞌi. ⁴ Anzị Yãvánĩ drị̂ kí: Ẽlísã ꞌi, Tãrãsị́sị̃ ꞌi, Kĩtímũ ꞌi ãzíla Rõdõmínĩ ꞌi. ⁵ ꞌDĩ kí ꞌbá uꞌálépi ị̃yị́ tị gá ãzíla ãngũru ụlị́lépi ị̃yị́ agá rĩ agá, sụ́rụ́ ĩꞌbadrị̂ kî trũ ãlu-ãlu tị la kí vâ pírí ndú-ndú.

⁶ Anzị Hámũ drị̂ kí: Kụ́sị̃ ꞌi, Mĩzĩrãímũ ꞌi, Pútĩ ꞌi ãzíla Kãnánĩ ꞌi. ⁷ Anzị Kụ́sị̃ drị̂ kí: Sébã ꞌi, Hãvílã ꞌi, Sãbị́tã ꞌi, Rãmáhã ꞌi ãzíla Sãbĩtékã ꞌi. Anzị Rãmáhã drị̂ kí: Sébã kí Dẽdánĩ be. ⁸ Kụ́sị̃ tị Nị̃mụ̃rọ́dị̃ ꞌi, ndẽ ándrá ãgọ̃bị̃ sĩ ụ̃nọ́kụ́ drị̃ gá ꞌdânĩ. ⁹ Ĩꞌdi ándrá ágọ́bị́ dora gbẹlépi la Ãdróŋâ drị̃lẹ́ gá, ị́jọ́ ꞌdĩ sĩ ꞌbá kí ándrá jõ jọ la, “Ãdróŋá ꞌbã idé tá mi ágọ́bị́ ụ́sụ gbẹlépi Nị̃mụ̃rọ́dị̃ áni la múké.”

¹⁰ Ũpĩ ĩꞌdidrị̂ ꞌbã ãngũ kí ándrá Bãbụ̃lọ́nị̃ gá, Ẽrékĩ gá, Ãkádĩ gá ãzíla Kãlĩnéhĩ gá ꞌdĩ Sĩnárĩ gá. ¹¹ Angájó ãngũ ꞌdã gá mụ kpere Sị́rị̃yã gá, sị dô sĩ Nị̃nẹ́vẹ̃ ꞌi Rẽhõbótĩ ꞌi, Írĩ ꞌi, Kálã ꞌi, ¹² Rẽsérĩ ꞌi drĩdríŋĩ Nị̃nẹ́vẹ̃ ꞌbã ãni Kálã be rĩ gá, Kálã ĩꞌdi ándrá táwụ̃nị̃ ãmbógó la. ¹³ Mĩzĩrãímũ ꞌbã anzị kí gápi ꞌbá Lụ́dị̃rú ꞌdĩ kí, Ãmámũrú ꞌdĩ kí, Lẽhábĩrú ꞌdĩ kí, Nãfãĩtútĩrú ꞌdĩ kí, ¹⁴ Pãtĩrúsĩrú ꞌdĩ kí, Kãsũlítũrú ꞌdĩ kí (ꞌbá Fị̃lị̃sị̃tị́nị̃rú) ꞌdĩ ꞌbã kí ãfũjó ala gá rĩ ꞌi ãzíla Kãfũtórĩrú ꞌdĩ kí. ¹⁵ Kãnánĩ ĩꞌdi ándrá Sị̃dọ́nị̃ ꞌbã átẹ́pị ꞌi, Sị̃dọ́nị̃ ĩꞌdi ngọ́tị́ kãyú rĩ ꞌi ĩꞌdi ꞌbã ãzí rĩ ũri kí gápi ꞌbá Hị́tị̃rú ꞌdĩ kí, ꞌbá ¹⁶ Yẹ̃bụ́sị̃rú ꞌdĩ kí, Ãmọ́rị̃rú ꞌdĩ kí, Gĩrĩgásĩrú ꞌdĩ kí, ¹⁷ Hị́vị̃rú ꞌdĩ kí, Ãríkĩrú ꞌdĩ kí, Sínãrú ꞌdĩ kí, ¹⁸ Ãrĩvãdítẽrú ꞌdĩ kí, Zẽmãrídãrú ꞌdĩ kí, ãzíla Hãmátĩrú ꞌdĩ kí vúlé vúléru sụ́rụ́ ꞌbá Kãnánĩrú ꞌdĩ iré kíru ndú-ndú. ¹⁹ Lõkókõrí ĩꞌbadrị̂ ca angájó Sị̃dọ́nị̃ Gérã gâlé ru íni kpere Gázã gá. Mụ vâ íni Sõdómũ gâlé ru Gõmórã gâ sĩ, Ãdímã gâ sĩ ãzíla Zẹ̃bọ̃yị́mụ̃ gâ sĩ íni kpere Lásã gá. ²⁰ ꞌDĩ anzị Hámũ drị̂ kí sụ́rụ́ ĩꞌbadrị̂ kî trũ tị ĩꞌbaní jọlé rĩ trũ ãzíla ãngũ ĩꞌbã kî sĩ rijó rĩ trũ.

²¹ Sẹ́mị̃ ĩꞌdi átẹ́pị ꞌbá Ĩbérĩ kî tịlépi rĩ ꞌdĩ Yáfẽtĩ ꞌbã ádrị́pị kãyú rĩ. ²² Anzị Sẹ́mị̃ drị̂ kí Ẽlámũ ꞌi, Ãsụ́rị́ ꞌi, Ãrãfãsádĩ ꞌi, Lụ́dị̃ ꞌi ãzíla Ãrámũ ꞌi. ²³ Anzị Ãrámũ drị̂ kí; Ụ́zị̃ ꞌi, Hálĩ ꞌi, Gẹ̃dẹ́rị̃ ꞌi ãzíla Másĩ ꞌi. ²⁴ Ãrĩfãsádĩ tị dó Sélã ꞌi, ĩꞌdi dó Ĩbérĩ ꞌbã átẹ́pị ꞌi.

²⁵ Anzịŋá Ĩbérĩ drị̂ kí ị̃rị̃, ãlu rĩ ꞌbã rụ́ úꞌda ĩꞌdi Pẽlégĩ ꞌi ãꞌdusĩku ị̃tụ́ ꞌdã sĩ ꞌbá ụ̃nọ́kụ́ gá rĩ awa kí ándráru rá, ádrị́pị̃rú úꞌda ándrá ĩꞌdi Yõkĩtánĩ ꞌi. ²⁶ Yõkĩtánĩ ꞌbã anzịŋá kí; Ãlĩmõdádĩ ꞌi, Sẽlẽpétĩ ꞌi, Hãzãrãmãvétĩ ꞌi, Yárẽ ꞌi, ²⁷ Hãdõrámũ ꞌi, Ũzálĩ ꞌi, Dĩkĩláĩ ꞌi, ²⁸ Ũbálĩ ꞌi, Ãbị̃mãyẹ́lị̃ ꞌi, Sébã ꞌi, ²⁹ Ũfírĩ ꞌi, Hãvĩláĩ ꞌi ãzíla Yõbábĩ ꞌi. ꞌDĩ kí pírí anzị Yõkĩtánĩ drị̂ kî. ³⁰ Ãngũ ĩꞌbã kí sĩ uꞌájó rĩ ĩjũru iꞌdójó Mésã gá Sẽfárĩ gâlé ru wókõ ị̃tụ́ ꞌbã ãfũ agâlé ru ãngũ ꞌbé ꞌarú rĩ gá. ³¹ ꞌDĩ kí anzị Sẹ́mị̃ drị̂ kí sụ́rụ́ ĩꞌbadrị̂ kí tị ĩꞌbã kí jọlé rĩ trũ ãngũ ĩꞌbadrị́ kí sĩ rijó rĩ abe.

³² ꞌBá pírí ãfũ kí ũri Núwã drị̂ agá, sụ́rụ́ ĩꞌbadrị̂ kî trũ ị̃dẹ́ĩ ꞌbadrị̂ kí ãwí ĩꞌbã kí sĩ ãfũjó rĩ trũ ãngũ ĩꞌbadrị̂ abe. Sụ́rụ́ pírí ãfũ kí irélé ãngũ drị̃ gá ꞌdâ ꞌbá ꞌdĩ kí agá uzogó ãmbógó rĩ ꞌbã ũngúkú gá.