𖽂𖽙 𖼺𖽙𖾐 𖼂𖽙𖾐 𖼖𖽙𖾐 𖼮𖽑𖽻𖾐 𖼄𖽳𖾐 𖼷𖽑𖽦𖾐
10
1 𖼽𖽡 𖼺𖽶𖾐 𖼖𖽔𖾐 𖼮𖽑𖽡 𖼮𖽡𖽺𖾐 𖼂𖽺𖾐、 𖼽𖽺𖾐 𖼮𖽑𖽡𖽪𖾑 𖼵𖽜𖾑、 𖼮𖽑𖽧𖾐 𖼞𖽪 𖼣𖽶𖾐，𖼂𖽴𖾐 𖽂𖽙 𖼺𖽙𖾐 𖼂𖽙𖾐 𖼞𖽳𖾐 𖼺𖽡 𖼮𖽡𖾐 𖼦𖽑𖽺𖾐 𖽃𖽙𖾑 𖼄𖽺 𖼮𖽑𖽡𖽺 𖼹𖽺𖾐 𖼞𖽑𖽶𖾑 𖼮𖽶𖾐，𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼻𖽙 𖼐𖽜𖾐、 𖼻𖽙 𖼄𖽳 𖼐𖽺𖾐 𖽃𖽔𖾐 𖼐𖽑𖽳𖾐，𖼊𖽑𖽡 𖼷𖽪𖾐 𖼄𖽙𖾐 𖼽𖽻 𖼞𖽳𖾐 𖼞𖽑𖽶𖾑 𖼠𖽻𖾐 𖼻𖽶𖾑 𖼖𖽻𖾐，𖼷𖽑𖽻𖾐 𖼄𖽳𖾑 𖼄𖽳 𖼣𖽶𖾐 𖼦𖽑𖽡𖽻𖾐． 2 𖼽𖽡 𖼖𖽕 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼽𖽺𖾐 𖼳𖽡𖽺𖾐 𖼞𖽳𖾐 𖼻𖽙 𖼳𖽶𖾑 𖼰𖽡𖽔𖾐 𖼐𖽑𖽧、 𖼽𖽡 𖼺𖽶𖾐 𖼖𖽔𖾐 𖼖𖽙𖾐 𖼀𖽦𖾐：“𖽃𖽔 𖼐𖽺𖾑 𖽂𖽙 𖼺𖽙𖾐 𖼂𖽙𖾐 𖼊𖽑𖽺 𖼮𖽑𖽡𖽺 𖼂𖽚𖾐，𖼞𖽑𖽻𖾐 𖼂𖽻𖾑 𖼀𖽑𖽙 𖼞𖽳𖾐 𖼻𖽙 𖼄𖽳 𖼹𖽶𖾐 𖼄𖽳 𖼻𖽙 𖼰𖽕𖾐．𖼦𖽑𖽺𖾑 𖼻𖽻𖾐 𖼣𖽻𖾐 𖼊𖽑𖽻𖾐，𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼦𖽑𖽔𖾐 𖼖𖽺𖾑 𖼐𖽦𖾐 𖼳𖽡𖽻𖾐 𖼮𖽻𖾐 𖼍𖽳𖾐 𖼺𖽺． 3 𖽃𖽔𖾑 𖼄𖽳𖾐 𖽃𖽔 𖼐𖽺𖾑 𖽂𖽙 𖼺𖽙𖾐 𖼂𖽙𖾐 𖼖𖽙𖾐 𖼮𖽑𖽻𖾐 𖼄𖽳𖾐 𖼷𖽑𖽦𖾐 𖼖𖽡𖾐，𖼐𖽑𖽡𖾐 𖼐𖽺𖾐 𖽂𖽙 𖼺𖽙𖾐 𖼂𖽙𖾐 𖼞𖽳𖾐 𖼷𖽑𖽦𖾐 𖼮𖽡𖽺𖾐 𖼊𖽑𖽺 𖼮𖽡𖽮𖾐 𖼺𖽪𖾐 𖼷𖽑𖽻𖾐 𖼞𖽑𖽙𖾐 𖼷𖽜𖾐 𖼀𖽜𖾐 𖼀𖽑𖽢 𖼺𖽪𖾐，𖽃𖽔 𖼐𖽺𖾑 𖼞𖽑𖽶𖾑 𖼖𖽙𖾐 𖼮𖽑𖽻𖾐 𖼂𖽺𖾐 𖼖𖽡𖾐，𖼳𖽪𖾐 𖼮𖽨𖾐 𖼖𖽙𖾐 𖼮𖽑𖽻𖾐 𖼺𖽺𖾑，𖽃𖽔 𖼐𖽺𖾑 𖼞𖽳𖾐 𖼄𖽳 𖼻𖽙 𖼐𖽺𖾐 𖼽𖽻 𖼈𖽳𖾐 𖼽𖽚𖾐 𖼺𖽪𖾐 𖼻𖽙 𖼄𖽡𖾐 𖼐𖽜𖾐 𖼊𖽑𖽺 𖼰𖽡𖾑 𖼦𖽑𖽙𖾐 𖼖𖽡𖾐． 4 𖼐𖽑𖽡𖾐 𖼍𖽪𖾐 𖼖𖽻𖾐！ 𖼄𖽡𖽻 𖼦𖽑𖽺𖾑 𖼹𖽻𖾐 𖼄𖽳𖾑 𖼄𖽳 𖼐𖽑𖽡𖾐 𖼞𖽶𖾐 𖼮𖽑𖽶 𖼊𖽑𖽺 𖼮𖽻𖾐，𖼐𖽑𖽡𖾐 𖼐𖽑𖽧𖾐 𖼈𖽳 𖼄𖽙𖾐 𖼂𖽺𖾐 𖼽𖽡𖾐 𖼮𖽑𖽳𖾐，𖼣𖽙𖾐 𖼈𖽳𖾐 𖼐𖽑𖽡𖾐 𖼠𖽙𖾑 𖼍𖽻𖾐 𖼍𖽚𖾐 𖼊𖽻𖾐．”5 𖽃𖽔𖾐 𖼺𖽺𖾑，𖼽𖽡 𖼺𖽶𖾐 𖼖𖽔𖾐 𖼍𖽪𖾐 𖼖𖽻𖾐，𖼍𖽡𖾐 𖼄𖽻 𖼈𖽪𖾑、 𖼖𖽡𖾑 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼐𖽺𖾐 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼞𖽜 𖼦𖽑𖽺𖾑 𖼖𖽙𖾐 𖼮𖽑𖽻𖾐 𖼂𖽺𖾐 𖼽𖽡𖾐 𖼊𖽙𖾐 𖼄𖽳𖾐 𖼷𖽑𖽦𖾐 𖼺𖽺𖾑，𖼽𖽻 𖼈𖽳𖾐 𖼦𖽑𖽺𖾑 𖼻𖽻𖾐 𖼄𖽳𖾐 𖼷𖽑𖽦𖾐 𖼦𖽑𖽙𖾐．
6 𖼽𖽡 𖼺𖽶𖾐 𖼖𖽔𖾐 𖽂𖽙 𖼺𖽙𖾐 𖼂𖽙𖾐 𖼞𖽳𖾐 𖼺𖽡 𖼮𖽡𖾐 𖼦𖽑𖽺𖾐 𖽃𖽙𖾑 𖼄𖽺 𖼮𖽑𖽡𖽺 𖼮𖽑𖽻𖾐 𖼍𖽪𖾐 𖼖𖽻𖾐，𖼺𖽜 𖼺𖽺𖾑 𖼽𖽡 𖼖𖽡𖾑 𖼽𖽕𖾑 𖼳𖽸 𖼞𖽳𖾐 𖼻𖽙 𖼽𖽱𖾐 𖼦𖽔𖾐 𖼐𖽕 𖼞𖽳𖾐 𖼦𖽑𖽺𖾐 𖼞𖽑𖽶𖾐 𖼊𖽡 𖼽𖽡𖾐，𖼽𖽻 𖼞𖽑𖽶𖾑 𖼠𖽻𖾐 𖼷𖽙𖾐 𖼄𖽔 𖼷𖽙，𖽃𖽔𖾐 𖼮𖽡𖽦𖾐 𖼄𖽔 𖼊𖽻𖾐．𖼞𖽪𖾐 𖼮𖽡𖽺𖾐，𖼽𖽻 𖼂𖽔𖾐 𖼂𖽡 𖼖𖽪𖽦 𖼠𖽚 𖼮𖽑𖽢𖾑 𖼮𖽴𖾐 𖼂𖽡𖾐 𖼽𖽡𖾐 𖼺𖽺𖾑，𖼀𖽑𖽚𖾐 𖼞𖽚 𖼖𖽻𖾐 𖼺𖽪𖾐 𖼷𖽑𖽻𖾐 𖼐𖽑𖽧𖾐 𖼄𖽔 𖼻𖽺𖾐 𖼽𖽺𖾐 𖼮𖽑𖽡𖽪𖾑 𖼖𖽙𖾐 𖼀𖽙𖾐 𖼮𖽑𖽧𖾐 𖼞𖽪．
7 𖽃𖽔𖾐 𖼺𖽺𖾑，𖼈𖽪𖾑 𖼷𖽪𖾐 𖼞𖽑𖽶𖾑 𖼹𖽻𖾐 𖼞𖽑𖽻𖾑 𖼂𖽔 𖼂𖽡 𖼖𖽪𖽦 𖼠𖽚 𖼮𖽑𖽢𖾑 𖼮𖽴𖾐 𖼂𖽡𖾐 𖼽𖽡𖾐 𖼺𖽺𖾑，𖼀𖽑𖽚𖾐 𖼽𖽚 𖼍𖽕𖾑 𖼄𖽡𖾐 𖼊𖽺𖾐 𖼐𖽺𖾐 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼞𖽚 𖼖𖽻𖾐 𖼺𖽪𖾐 𖼷𖽑𖽻𖾐 𖼊𖽑𖽺 𖼀𖽦𖾐 𖼊𖽑𖽧，𖼽𖽻 𖼈𖽳𖾐 𖼞𖽜 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼷𖽙𖾐 𖼖𖽙𖾐 𖼻𖽶𖾑 𖼖𖽻𖾐 𖼖𖽡𖾐． 8 𖼈𖽪𖾑 𖼷𖽪𖾐 𖼐𖽺𖾐 𖼮𖽳 𖼄𖽻 𖼞𖽑𖽶𖾑 𖼹𖽻𖾐 𖼞𖽑𖽙𖾐 𖼀𖽦𖾐 𖼷𖽑𖽦𖾐 𖼖𖽙𖾐 𖼮𖽑𖽻𖾐，𖼺𖽙𖾐 𖼐𖽑𖽡𖾐 𖼠𖽻𖾐 𖼞𖽑𖽶𖾐 𖼞𖽑𖽻𖾑 𖼄𖽔 𖼮𖽑𖽡𖾐 𖼖𖽻𖾐 𖼺𖽪𖾐，𖼽𖽻 𖼈𖽳𖾐 𖼞𖽑𖽙𖾐 𖼮𖽻𖾐 𖼺𖽪𖾐 𖼄𖽳𖾑 𖼄𖽳 𖼐𖽻𖾑 𖼂𖽡𖾐 𖼽𖽡𖾐 𖼖𖽡𖾐，𖼂𖽔 𖼂𖽡 𖼖𖽪𖽦 𖼠𖽚 𖼮𖽑𖽢𖾑 𖼮𖽴𖾐 𖼂𖽡𖾐 𖼽𖽡𖾐 𖼺𖽺𖾑，𖼀𖽑𖽚𖾐 𖼞𖽚 𖼖𖽻𖾐 𖼺𖽪𖾐 𖼷𖽑𖽻𖾐 𖼠𖽻𖾐 𖼊𖽑𖽺 𖼮𖽑𖽻𖾐 𖼞𖽕 𖼊𖽑𖽧 𖼽𖽡𖾐 𖼖𖽡𖾐．
9 𖽃𖽔𖾐 𖼺𖽺𖾑，𖼽𖽚 𖼍𖽕𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼐𖽺𖾐 𖼂𖽡𖽦𖾑 𖼽𖽔 𖼄𖽡𖽦 𖼮𖽑𖽪𖾐 𖼳𖽶 𖼷𖽑𖽻𖾐，𖼺𖽙𖾐 𖼐𖽑𖽡𖾐 𖼠𖽻𖾐 𖼞𖽑𖽶𖾐 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼷𖽙𖾐 𖼖𖽙𖾐 𖼻𖽶𖾑 𖼖𖽻𖾐．𖼞𖽑𖽶𖾑 𖼊𖽑𖽡 𖼐𖽑𖽡𖾐 𖼠𖽶𖾐 𖼳𖽨𖾐 𖼐𖽑𖽡 𖼷𖽑𖽡𖾐 𖼣𖽻𖾐，𖼷𖽑𖽻𖾐 𖼷𖽪𖾐 𖽂𖽙 𖼺𖽙𖾐 𖼂𖽙𖾐 𖼞𖽳𖾐 𖼺𖽡 𖼮𖽡𖾐 𖼦𖽑𖽺𖾐 𖽃𖽙𖾑 𖼄𖽺 𖼀𖽳 𖼊𖽺𖾐 𖼠𖽻𖾐 𖼞𖽳𖾐 𖼊𖽡𖾐，𖼄𖽡𖽻 𖼦𖽑𖽺𖾑 𖼮𖽨𖾐 𖼖𖽙𖾐 𖼀𖽙𖾐 𖼐𖽺𖾐 𖽃𖽔𖾑 𖼄𖽶 𖼈𖽳 𖼄𖽙𖾐 𖼦𖽑𖽙𖾐 𖼺𖽺𖾑，𖼄𖽳𖾑 𖼄𖽳 𖼮𖽡𖽮𖾐 𖼞𖽴𖾐，𖼷𖽑𖽺 𖼷𖽑𖽺 𖼐𖽑𖽡𖽻𖾐 𖼐𖽑𖽡𖽻𖾐． 10 𖼽𖽡 𖼺𖽶𖾐 𖼖𖽔𖾐 𖼍𖽡𖾐 𖼄𖽻 𖼦𖽑𖽡𖽚 𖼍𖽪𖾐 𖼖𖽻𖾐 𖼽𖽻 𖼈𖽳𖾐 𖼖𖽙𖾐 𖼀𖽦𖾐：“𖼐𖽑𖽡𖾐 𖼈𖽳𖾐 𖽂𖽙 𖼺𖽙𖾐 𖼂𖽙𖾐 𖼊𖽑𖽺 𖼮𖽑𖽡𖽺 𖼂𖽚𖾐，𖼞𖽑𖽻𖾐 𖼂𖽻𖾑 𖼀𖽑𖽙 𖼞𖽳𖾐 𖼻𖽙 𖼄𖽳 𖼊𖽑𖽺 𖼹𖽶𖾐 𖼄𖽳 𖼻𖽙 𖼰𖽕𖾐，𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼞𖽳𖾐 𖼽𖽺𖾐 𖼮𖽑𖽡𖽪𖾑 𖼞𖽜 𖼠𖽳𖾐 𖼠𖽳𖾐 𖼈𖽳． 11 𖼐𖽑𖽡𖾐 𖼈𖽳𖾐 𖽃𖽔𖾑 𖼄𖽳𖾐 𖽃𖽔𖾐 𖼂𖽸𖾑 𖽃𖽔𖾑 𖼄𖽻 𖼞𖽳𖾐 𖽂𖽙 𖼺𖽙𖾐 𖼂𖽙𖾐 𖼽𖽺𖾐 𖼦𖽴 𖼦𖽫 𖽃𖽙𖾑 𖼄𖽺 𖼮𖽑𖽡𖽺 𖼽𖽺𖾐 𖼮𖽑𖽡𖽪𖾑 𖼵𖽜𖾑 𖼖𖽡𖾐，𖼽𖽻 𖼞𖽑𖽙𖾐 𖼐𖽑𖽧𖾐 𖼺𖽳 𖼺𖽪𖾐 𖼣𖽝 𖼮𖽑𖽡𖽺 𖼊𖽑𖽺 𖼳𖽪𖾐 𖼖𖽡𖾐，𖼦𖽑𖽺𖾑 𖼄𖽡𖾐 𖼊𖽺𖾐 𖼞𖽳𖾐 𖼞𖽑𖽻𖾐 𖼂𖽻𖾑 𖼀𖽑𖽙 𖼮𖽑𖽪𖾐 𖼐𖽺𖾐 𖼞𖽑𖽻𖾐 𖼂𖽻𖾑 𖼀𖽑𖽙 𖼞𖽳𖾐 𖼹𖽶𖾐 𖼂𖽻𖾐 𖼖𖽻𖾐 𖼺𖽪𖾐 𖼻𖽙 𖼄𖽳 𖼊𖽑𖽺 𖼀𖽜𖾐 𖼀𖽑𖽪𖾐 𖼰𖽡𖾑 𖼦𖽑𖽙𖾐 𖼖𖽡𖾐．”
12 𖼷𖽑𖽻𖾐 𖼷𖽪𖾐 𖼄𖽳𖾑 𖼄𖽳 𖼮𖽑𖽡𖽪 𖼈𖽳 𖼄𖽙𖾐 𖼊𖽻 𖼞𖽑𖽚 𖼺𖽺𖾑，𖼀𖽦𖾐：“𖼐𖽑𖽡𖾐 𖽃𖽔 𖼊𖽺𖾐 𖼀𖽦𖾐，𖼣𖽙𖾐 𖼈𖽳𖾐 𖽃𖽔 𖼊𖽺𖾐 𖼂𖽺𖾐 𖼊𖽻𖾐． 13 𖼦𖽑𖽻𖾐 𖼊𖽑𖽻𖾐，𖼷𖽑𖽻𖾐 𖼦𖽑𖽔𖾐 𖼮𖽶𖾐 𖼄𖽨，𖼹𖽦𖾑 𖽃𖽔𖾑 𖼄𖽶 𖼦𖽑𖽙𖾐 𖼰𖽶𖾐 𖼣𖽻𖾐 𖼺𖽺𖾑，𖼣𖽙𖾐 𖼈𖽳𖾐 𖼊𖽦 𖼀𖽙 𖼮𖽻𖾐 𖼀𖽑𖽢 𖼄𖽔 𖼊𖽙𖾐，𖼦𖽑𖽺𖾑 𖼊𖽑𖽡 𖼐𖽑𖽡 𖼐𖽑𖽡𖾐 𖼂𖽺𖾐 𖼀𖽑𖽢 𖼦𖽑𖽻𖾐 𖼊𖽙𖾐 𖼞𖽳𖾐 𖼄𖽡𖽻 𖼄𖽔 𖼣𖽻．𖼞𖽪𖾐 𖼮𖽡𖽺𖾐，𖼣𖽙𖾐 𖼈𖽳𖾐 𖼠𖽻𖾐 𖼊𖽑𖽺 𖼷𖽑𖽻𖾐 𖼞𖽑𖽙 𖼄𖽙𖾐 𖼖𖽺𖾑 𖼦𖽑𖽺𖾑 𖼳𖽶 𖼽𖽺𖾐 𖼮𖽑𖽡𖽪𖾑 𖼀𖽑𖽨． 14 𖼣𖽙𖾐 𖼈𖽳𖾐 𖼞𖽳𖾐 𖼈𖽪𖾑 𖼷𖽪𖾐 𖼞𖽜 𖼺𖽺𖾑 𖼷𖽑𖽻𖾐 𖼀𖽺 𖼖𖽙𖾐 𖼀𖽙𖾐 𖼄𖽡𖽻 𖼦𖽑𖽺𖾑 𖼮𖽨𖾐 𖼂𖽺𖾐 𖼀𖽑𖽢 𖼍𖽺𖾑 𖼻𖽻𖾐．𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼞𖽑𖽻𖾐 𖼂𖽻𖾑 𖼀𖽑𖽙 𖼞𖽳𖾐 𖼻𖽙 𖼄𖽳 𖼹𖽶𖾐 𖼺𖽪𖾐，𖼞𖽑𖽙𖾐 𖼍𖽧𖾑 𖼀𖽑𖽢 𖼞𖽳𖾐 𖼐𖽑𖽡𖾐 𖼦𖽑𖽦 𖼖𖽙𖾐 𖼮𖽑𖽻𖾐，𖼽𖽻 𖼈𖽳𖾐 𖼖𖽪𖾐 𖼞𖽳𖾐 𖼮𖽳 𖼄𖽻 𖼐𖽺𖾐 𖼄𖽡𖽻 𖼦𖽑𖽺 𖼷𖽶 𖼄𖽻 𖼖𖽙𖾐 𖼮𖽑𖽻𖾐 𖼖𖽻𖾐，𖼄𖽡𖽻 𖼦𖽑𖽺𖾑 𖼮𖽨𖾐 𖼂𖽺𖾐 𖼀𖽑𖽢 𖼖𖽡𖾐，𖽂𖽙 𖼺𖽙𖾐 𖼂𖽙𖾐 𖼞𖽳𖾐 𖼀𖽶 𖼻𖽶 𖼮𖽑𖽡𖾐 𖼞𖽜 𖼺𖽺𖾑，𖽃𖽔 𖼐𖽺𖾑 𖼠𖽻𖾐 𖼊𖽑𖽺 𖼮𖽑𖽻𖾐 𖼰𖽡𖾑 𖼦𖽑𖽙𖾐 𖼖𖽡𖾐．” 𖼷𖽑𖽻𖾐 𖼷𖽪𖾐 𖼄𖽳𖾑 𖼄𖽳 𖼦𖽑𖽺𖾑 𖼻𖽻𖾐 𖼂𖽺𖾐 𖼐𖽑𖽧𖾐 𖼺𖽳，
15 𖼽𖽔𖾑 𖼺𖽔 𖼦𖽡𖽺𖾐 𖼞𖽳𖾐 𖼻𖽙 𖼽𖽱𖾐 𖼐𖽕 𖼍𖽔𖾐 𖼐𖽺𖾐 𖼊𖽑𖽴𖾑 𖽂𖽗 𖼞𖽳𖾐 𖼻𖽙 𖼽𖽔 𖼦𖽔𖾐 𖼳𖽡𖽺𖾑 𖼍𖽺𖾑 𖼍𖽪𖾐 𖼖𖽻𖾐 𖼣𖽙𖾐 𖼈𖽳𖾐 𖼊𖽑𖽺 𖼦𖽻𖾐 𖼊𖽦，𖼦𖽑𖽔𖾐 𖼖𖽺𖾑 𖼄𖽡 𖼳𖽪𖾐 𖼖𖽕 𖼐𖽺𖾐 𖼖𖽡𖾑 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼳𖽔𖾐 𖼂𖽡 𖼊𖽑𖽦𖾑 𖼽𖽻 𖼈𖽳𖾐 𖼠𖽙𖾑 𖼍𖽻𖾐 𖼍𖽚𖾐．
16 𖽃𖽔𖾐 𖼺𖽺𖾑，𖼂𖽔𖾐 𖼂𖽡 𖼖𖽪𖽦 𖼠𖽚 𖼮𖽑𖽢𖾑 𖼮𖽴𖾐 𖼂𖽡𖾐 𖼽𖽡𖾐 𖼀𖽑𖽚𖾐 𖼞𖽚 𖼖𖽻𖾐 𖼺𖽪𖾐 𖼷𖽑𖽻𖾐 𖼦𖽑𖽺𖾑 𖼖𖽙𖾐 𖼺𖽶𖾑 𖼂𖽺𖾐 𖼽𖽡𖾐，𖼽𖽡 𖼺𖽶𖾐 𖼖𖽔𖾐 𖼍𖽡𖾐 𖼄𖽻 𖼄𖽡𖾐 𖼊𖽑𖽧 𖼍𖽳𖾐 𖼄𖽙𖾐 𖼷𖽑𖽻𖾐 𖼊𖽑𖽡 𖼹𖽻𖾐 𖼺𖽺𖾐 𖼊𖽑𖽧 𖼖𖽻𖾐，𖼽𖽻 𖼈𖽳𖾐 𖼦𖽺𖾑𖽑 𖼈𖽴 𖼮𖽑𖽪𖾐 𖼈𖽪𖾑 𖼷𖽪𖾐 𖼣𖽻𖾐．𖼽𖽻 𖼈𖽳𖾐 𖼷𖽑𖽡𖾐 𖼳𖽨𖾐 𖼊𖽦𖾐 𖼊𖽑𖽡 𖼄𖽡𖽻 𖼦𖽑𖽺𖾑 𖼂𖽺𖾐 𖼍𖽪𖾐，
17 𖼞𖽑𖽚 𖼳𖽸 𖼳𖽨𖾐 𖼊𖽦 𖼊𖽑𖽡 𖼮𖽑𖽡𖾐 𖼺𖽺𖾑，𖼞𖽑𖽙𖾐 𖼞𖽑𖽻𖾐 𖼂𖽻𖾑 𖼀𖽑𖽙 𖼞𖽳𖾐 𖼻𖽙 𖼄𖽳 𖼹𖽶𖾐 𖼺𖽪𖾐 𖼊𖽑𖽺 𖼮𖽕𖾐 𖼄𖽡𖾐 𖼀𖽻𖾐 𖼦𖽑𖽻𖾐．
𖼞𖽑𖽻𖾐 𖼂𖽻𖾑 𖼀𖽑𖽙 𖼞𖽳𖾐 𖼻𖽙 𖼄𖽳 𖼹𖽶𖾐 𖼺𖽪𖾐 𖼷𖽑𖽻𖾐
18 𖼍𖽡𖾐 𖼄𖽻 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐 𖼞𖽑𖽻𖾐 𖼂𖽻𖾑 𖼀𖽑𖽙 𖼞𖽳𖾐 𖼻𖽙 𖼄𖽳 𖼹𖽶𖾐 𖼺𖽪𖾐，𖼞𖽑𖽶𖾑 𖼽𖽺𖾐 𖼳𖽪𖾐 𖼽𖽕𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐，𖼽𖽱𖾐 𖼺𖽕𖾑 𖼍𖽕 𖼞𖽳𖾐 𖼻𖽙 𖼐𖽺𖾐 𖼽𖽻 𖼈𖽧 𖼐𖽑𖽳𖾐 𖼄𖽔 𖼳𖽡𖾐 𖼽𖽔、 𖼽𖽡 𖼖𖽡𖾑 𖼽𖽡 𖼳𖽡𖽺𖾑、 𖼽𖽔 𖼖𖽧𖾑、 𖼰𖽡𖾐 𖼍𖽕𖾑 𖼖𖽡𖾑 𖼣𖽻𖾐． 19 𖼽𖽻 𖼈𖽳𖾐 𖼖𖽦 𖼀𖽑𖽦𖾐 𖼮𖽑𖽡𖽺𖾐 𖼍𖽪𖾐 𖼄𖽳𖾐 𖼷𖽑𖽦𖾐，𖼽𖽻 𖼈𖽳𖾐 𖼄𖽳 𖼻𖽙 𖼊𖽑𖽺 𖼦𖽑𖽙𖾐 𖼊𖽑𖽧 𖼽𖽡𖾐，𖼦𖽑𖽔𖾐 𖼖𖽺𖾑 𖼽𖽺𖾐 𖼮𖽑𖽡𖽪𖾑 𖼍𖽡𖾐 𖼮𖽡𖽺𖾐 𖼂𖽺𖾐 𖼊𖽻𖾐．𖽃𖽔𖾐 𖼺𖽺𖾑，𖼊𖽑𖽡 𖼽𖽚𖾐 𖼽𖽻𖾐 𖼖𖽙𖾐 𖼊𖽑𖽡 𖼊𖽝𖾐 𖼺𖽶𖾐 𖼂𖽻𖾐 𖼖𖽻𖾐，𖼽𖽻 𖼈𖽳𖾐 𖼞𖽳𖾐 𖼽𖽺𖾐 𖼮𖽑𖽡𖽪𖾑 𖼍𖽡𖾐 𖼮𖽡𖽺𖾐 𖼂𖽺𖾐．
20 𖼽𖽺𖾐 𖼄𖽦𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼦𖽔𖾐 𖼐𖽕 𖼐𖽑𖽧 𖼐𖽺𖾐 𖼳𖽡𖾐 𖼂𖽔𖾐 𖼍𖽧𖾑 𖼽𖽔 𖼣𖽻𖾐．
21 𖼦𖽔𖾐 𖼖𖽧 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼄𖽔 𖼳𖽡𖾐 𖼽𖽔、 𖼽𖽡 𖼖𖽡𖾑 𖼽𖽔、 𖼳𖽶𖾑 𖼄𖽔 𖼽𖽔、 𖼽𖽺𖾐 𖼳𖽡𖽺𖾐 𖼐𖽺𖾐 𖼈𖽪𖾐 𖼳𖽡𖾐 𖼽𖽔 𖼣𖽻𖾐．
22 𖼂𖽔𖾐 𖼳𖽶𖾐 𖼇𖽪𖾑 𖽃𖽳 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦 𖼠𖽻𖾐 𖼞𖽑𖽶𖾐，𖼽𖽡 𖼖𖽡𖾑 𖼽𖽱𖾐 𖼐𖽺、 𖼄𖽔 𖼳𖽡𖾐 𖼽𖽔、 𖼽𖽡 𖼳𖽸 𖼄𖽔 𖼖𖽡𖾑、 𖼐𖽕 𖼊𖽑𖽔 𖼽𖽦𖾑、 𖼽𖽱𖾐 𖼺𖽔 𖼂𖽚 𖼐𖽺𖾐 𖼽𖽡 𖼖𖽡𖾑 𖼽𖽕𖾑 𖼺𖽔 𖼣𖽻𖾐．
23 𖼖𖽡𖾑 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼠𖽻𖾐 𖼞𖽑𖽶𖾐，𖼽𖽱𖾐 𖼺𖽔 𖼂𖽕、 𖼳𖽶𖾑 𖼄𖽺、 𖼰𖽡𖾐 𖼖𖽔𖾐 𖼽𖽔 \fr 10．23 \ft 𖼰𖽡𖾐 𖼖𖽡𖾑 𖼊𖽑𖽔𖾐 𖼀𖽑𖽚𖾐 𖼺𖽪𖾐 𖼖𖽺𖾑 𖼮𖽻𖾐．、 𖼹𖽦𖾑 𖼀𖽑𖽧 𖼊𖽑𖽔𖾐 𖼳𖽡𖾐 𖼽𖽔、 𖼽𖽚 𖼍𖽕𖾑 𖼐𖽺𖾐 𖼽𖽡 𖼖𖽡𖾑 𖼽𖽡 𖼳𖽡𖽺𖾑 𖼣𖽻𖾐．
24 𖼺𖽪𖾑 𖼮𖽻 𖼺𖽪𖾐 𖼠𖽻𖾐 𖼞𖽑𖽶𖾐 𖼽𖽡 𖼖𖽡𖾑 𖼽𖽕𖾑 𖼳𖽸 𖼣𖽻𖾐．𖽃𖽔𖾑 𖼊𖽪 𖼳𖽪𖾐 𖼺𖽪𖾐 𖼠𖽻𖾐 𖼞𖽑𖽶𖾐，𖼳𖽔𖾐 𖼖𖽚、 𖼊𖽑𖽧 𖼖𖽡𖽦 𖼐𖽺𖾐 𖼈𖽪𖾐 𖼖𖽡𖾑 𖼣𖽻𖾐．
25 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼂𖽔𖾐 𖼖𖽮𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼖𖽔𖾐 𖼄𖽡、 𖼽𖽺𖾐 𖼳𖽡𖾐 𖼽𖽔、 𖼄𖽔 𖼰𖽡𖾐 𖼽𖽔、 𖼄𖽡 𖼽𖽔 𖼄𖽧、 𖼽𖽡 𖼖𖽡𖾑 𖼽𖽕𖾑 𖼺𖽔、 𖼄𖽔 𖼰𖽡𖾐 𖼽𖽔 𖼐𖽺𖾐 𖼂𖽡 𖼐𖽕 𖼽𖽔 𖼣𖽻𖾐．
26 𖼽𖽡 𖼖𖽕 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼄𖽔 𖼊𖽑𖽔𖾐 𖼐𖽑𖽧、 𖼺𖽔 𖼰𖽡𖽔𖾐 𖼖𖽡𖾑 𖼽𖽕𖾑、 𖼽𖽺𖾐 𖼳𖽡𖽺𖾐、 𖼽𖽔𖾐 𖼍𖽡、 𖼽𖽺𖾐 𖼖𖽡𖾑 𖼄𖽙𖾑 𖼐𖽺𖾐 𖼽𖽡 𖼖𖽡𖾑 𖼽𖽔 𖼣𖽻𖾐．
27 𖼺𖽕𖾑 𖼊𖽑𖽪 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼽𖽡 𖼖𖽡𖾑 𖼽𖽱𖾐 𖼐𖽺、 𖼽𖽡 𖼖𖽡𖾑 𖼽𖽕𖾑 𖼳𖽸、 𖼄𖽔 𖼊𖽑𖽔𖾐 𖼐𖽑𖽧、 𖼽𖽺𖾐 𖼖𖽡𖾑 𖼄𖽙𖾑、 𖼺𖽔 𖼂𖽕 𖼐𖽺𖾐 𖼽𖽕𖾑 𖼳𖽡𖾐 𖼺𖽔 𖼣𖽻𖾐．
28 𖼂𖽡 𖼂𖽦𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼽𖽱𖾐 𖼦𖽔𖾐 𖼐𖽕、 𖼦𖽔𖾐 𖼐𖽕 𖼐𖽑𖽧 𖼽𖽔、 𖼺𖽕𖾑 𖼂𖽦𖾑 𖼐𖽺𖾐 𖼽𖽕𖾑 𖼖𖽴𖾑 𖼣𖽻𖾐．
29 𖼂𖽔𖾐 𖼐𖽑𖽧 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼄𖽡 𖼳𖽪𖾐 𖼖𖽕、 𖼄𖽔 𖼖𖽪𖾑、 𖼽𖽕𖾑 𖼍𖽕𖾑 𖼽𖽔、 𖼽𖽔 𖼳𖽪𖾑、 𖼳𖽶𖾑 𖼽𖽔𖾐 𖼐𖽺𖾐 𖼽𖽺𖾐 𖼖𖽡𖾑 𖼄𖽙𖾑 𖼣𖽻𖾐．
30 𖼂𖽔𖾐 𖼦𖽔𖾐 𖼄𖽚 𖼽𖽔 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖽃𖽔𖾐 𖼍𖽡 𖼐𖽕、 𖼰𖽡𖾐 𖼖𖽔𖾐、 𖼂𖽡 𖼐𖽕 𖼽𖽔、 𖼄𖽔 𖼳𖽡𖾐 𖼽𖽔、 𖼄𖽔 𖼊𖽑𖽔𖾐 𖼐𖽑𖽧、 𖼂𖽡 𖼺𖽔 𖼖𖽡𖽦𖾑、 𖼂𖽡𖽺𖾐 𖼐𖽺𖾑 𖼐𖽺𖾐 𖼄𖽔 𖼐𖽕 𖼳𖽡𖾐 𖼣𖽻𖾐．
31 𖼦𖽔𖾐 𖼖𖽧 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼽𖽡 𖼖𖽡𖾑 𖼽𖽡 𖼳𖽡𖽺𖾑、 𖼽𖽡𖾐 𖼳𖽶𖾑 𖼽𖽔、 𖼄𖽔 𖼰𖽡𖾐 𖼽𖽔、 𖼳𖽶𖾑 𖼄𖽔 𖼽𖽔、 𖼳𖽡𖾐 𖼄𖽡𖽺、
32 𖼂𖽡𖽦𖾑 𖼽𖽕 𖼄𖽡𖽺、 𖼄𖽔 𖼖𖽮𖾑 𖼐𖽺𖾐 𖼳𖽶𖾑 𖼄𖽔 𖼖𖽡𖾑 𖼽𖽔 𖼣𖽻𖾐．
33 𖼦𖽔𖾐 𖼳𖽱𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼄𖽔 𖼊𖽑𖽴𖾑 𖼐𖽺、 𖼄𖽔 𖼍𖽕 𖼊𖽑𖽔𖾐、 𖼺𖽔 𖼂𖽕、 𖼽𖽡 𖼖𖽡𖾑 𖼇𖽕 𖼖𖽡𖽦𖾑、 𖼽𖽺𖾐 𖼖𖽡𖾑 𖼄𖽺、 𖼄𖽔 𖼐𖽕 𖼳𖽡𖾐 𖼐𖽺𖾐 𖼳𖽶𖾑 𖼄𖽺 𖼣𖽻𖾐．
34 𖼂𖽔𖾐 𖼐𖽑𖽧 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼄𖽔 𖼍𖽦𖾑、 𖽃𖽕𖾑 𖼖𖽕、 𖼈𖽪𖾐 𖼽𖽡𖾑、 35 𖼂𖽡 𖼐𖽕 𖼽𖽔、 𖼂𖽡 𖼍𖽡 𖼽𖽔、 𖼰𖽡𖾐 𖼖𖽮𖾑、 36 𖽂𖽗 𖼐𖽑𖽧 𖼽𖽔、 𖼄𖽡 𖼖𖽡𖾑 𖼄𖽙𖾑、 𖼽𖽡 𖼖𖽡𖾑 𖼽𖽕𖾑 𖼳𖽸、 37 𖼄𖽔 𖼊𖽑𖽔𖾐 𖼐𖽑𖽧、 𖼄𖽔 𖼊𖽑𖽴𖾑 𖼐𖽺、 𖼽𖽔 𖼺𖽻、
38 𖼂𖽔𖾐 𖼐𖽑𖽧、 𖼂𖽡𖽺𖾐 𖼐𖽺𖾑、 𖼳𖽶𖾑 𖼄𖽺、 39 𖼳𖽶𖾑 𖼖𖽡𖾑 𖼄𖽡 𖼽𖽔、 𖼐𖽕 𖼍𖽔𖾐、 𖼽𖽕𖾑 𖼍𖽕𖾑 𖼽𖽔、 40 𖼄𖽔 𖼐𖽕 𖼍𖽡 𖼂𖽦𖾑、 𖼳𖽔𖾐 𖼺𖽦𖾑、 𖼳𖽔𖾐 𖼖𖽦𖾑、 41 𖼽𖽕𖾑 𖼺𖽕𖾑 𖼖𖽡𖾑、 𖼳𖽶𖾑 𖼖𖽡𖾑 𖼄𖽡 𖼽𖽔、 𖼳𖽶𖾑 𖼄𖽔 𖼖𖽡𖾑 𖼽𖽔、 42 𖼳𖽔𖾐 𖼖𖽚、 𖼽𖽕𖾑 𖼄𖽔 𖼖𖽡𖾑 𖼽𖽔 𖼐𖽺𖾐𖼽𖽱𖾐 𖼺𖽴𖾑 𖼣𖽻𖾐．
43 𖼐𖽑𖽧 𖼂𖽙𖾐 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐，𖼽𖽺𖾐 𖼖𖽡𖾑、 𖼄𖽔 𖼊𖽑𖽔𖾐 𖼊𖽑𖽧 𖼽𖽔、 𖼺𖽔 𖼂𖽕、 𖼳𖽡𖾐 𖼂𖽡 𖼐𖽕、 𖼽𖽔 𖼍𖽦𖾑、 𖼽𖽱𖾐 𖽃𖽳 𖼐𖽺𖾐 𖼂𖽡 𖼐𖽕 𖼽𖽔 𖼣𖽻𖾐．
44 𖼷𖽑𖽻𖾐 𖼦𖽑𖽺𖾑 𖼹𖽻𖾐 𖼄𖽳𖾑 𖼄𖽳 𖼞𖽑𖽻𖾐 𖼂𖽻𖾑 𖼀𖽑𖽙 𖼞𖽳𖾐 𖼻𖽙 𖼄𖽳 𖼹𖽶𖾐．𖽃𖽔𖾐 𖼺𖽺𖾑，𖼽𖽻 𖼈𖽳𖾐 𖼄𖽳 𖼻𖽙 𖼐𖽺𖾐 𖼻𖽙 𖼄𖽡𖾐 𖼐𖽜𖾐 𖼊𖽑𖽺 𖼦𖽑𖽙𖾐 𖼊𖽑𖽧 𖼽𖽡𖾐 𖼦𖽑𖽙𖾐 \fr 10．44 \ft “𖼊𖽑𖽡 𖼹𖽻𖾐 𖼻𖽙 𖼄𖽡𖾐 𖼐𖽜𖾐 𖼮𖽻𖾐 𖼍𖽳𖾐 𖼦𖽑𖽻𖾐 ” 𖼀𖽑𖽚𖾐 𖼺𖽪𖾐 𖼖𖽺𖾑 𖼮𖽻𖾐．．