𖼽𖽱𖾐 𖼍𖽗𖾑 𖼖𖽻𖾐 𖼮𖽻 𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖽂𖽙𖾐 𖼺𖽪𖾐 𖼄𖽡𖾐 𖼳𖽡𖽪
12
1 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼽𖽱𖾐 𖼍𖽗𖾑 𖼖𖽻𖾐 𖼮𖽻 𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖼞𖽳𖾐，𖼈𖽪𖾐 𖼍𖽦 𖼐𖽑𖽡 𖼽𖽚𖾐 𖼊𖽑𖽺 𖼺𖽦 𖼦𖽑𖽙𖾐，𖼽𖽻 𖼈𖽳𖾐 𖼞𖽳𖾐 𖼄𖽡𖾐 𖼊𖽺𖾐 𖼊𖽑𖽺 𖼐𖽻𖾑 𖽂𖽙𖾐，𖼞𖽑𖽶𖾑 𖼽𖽕𖾑 𖼐𖽜𖾑 𖼖𖽻𖾐 𖼞𖽑𖽪 𖼮𖽑𖽻𖾐 𖼺𖽺𖾑 𖼦𖽺𖾐 𖼄𖽴 𖽂𖽙 𖼰𖽡𖽺𖾐 𖼐𖽺𖾐 𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖼽𖽕𖾑 𖼖𖽔𖾐𖼂𖽔𖾐 𖼄𖽡𖾐 𖼊𖽺𖾐 𖼮𖽑𖽡𖾐 𖼞𖽑𖽶𖾑 𖼣𖽻𖾐． 2 𖼈𖽪𖾐 𖼍𖽦 𖼞𖽑𖽶𖾑 𖼐𖽑𖽡 𖼽𖽚𖾐，𖼊𖽑𖽡 𖼽𖽚𖾐 𖼞𖽑𖽶𖾑 𖼳𖽡𖾐 𖼳𖽸 𖼂𖽜 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐 𖼽𖽕𖾑 𖼄𖽚 𖼖𖽡𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽪𖾐 𖼍𖽦 𖼳𖽡𖾐 𖼦𖽚 𖼣𖽻𖾐，𖼽𖽻 𖼞𖽑𖽙𖾐 𖼠𖽕 𖼞𖽳𖾐 𖼄𖽡𖾐 𖼊𖽺𖾐，𖼞𖽑𖽶𖾑 𖼽𖽕𖾑 𖼐𖽜𖾑 𖼖𖽻𖾐 𖼞𖽑𖽪 𖼀𖽙 𖼮𖽑𖽶𖾐 𖼞𖽳𖾐 𖼽𖽕𖾑 𖼖𖽚 𖽃𖽳 𖼖𖽪𖾐 𖼮𖽑𖽻𖾐 𖼍𖽪𖾐 𖼺𖽺𖾑，𖼖𖽻𖾐 𖼞𖽑𖽪 𖼠𖽻𖾐 𖼊𖽑𖽺 𖼄𖽡𖾐 𖼊𖽺𖾐 𖼐𖽺𖾐 𖼰𖽡𖾐 𖼖𖽡𖽦𖾑 𖼄𖽡𖾐 𖼊𖽺𖾐 𖼞𖽳𖾐 𖼊𖽑𖽡 𖼀𖽑𖽦𖾐，𖼽𖽕𖾑 𖼄𖽜𖾐 𖼺𖽪𖾐 𖼷𖽑𖽻𖾐 𖼞𖽳𖾐 𖼄𖽡𖾐 𖼊𖽺𖾐 𖼽𖽔 𖼂𖽚 𖼖𖽻𖾐 𖼮𖽻 𖼖𖽙𖾐 𖼮𖽑𖽡𖾐， 3 𖼹𖽦𖾑 𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖼽𖽕𖾑 𖼖𖽔𖾐 𖼂𖽔𖾐 𖼄𖽡𖾐 𖼊𖽺𖾐 𖼮𖽑𖽡𖾐．𖼳𖽶 𖼐𖽑𖽡𖽻𖾐 𖼄𖽡𖾐 𖼀𖽳 𖼰𖽡𖽔𖾐 𖼖𖽡𖾑 𖼖𖽡𖾑 𖼦𖽜𖾐 𖼀𖽜𖾐 𖼞𖽳𖾐 𖼮𖽑𖽡𖾐，𖼠𖽳𖾐 𖼻𖽸 𖼄𖽡𖾐 𖼀𖽳 𖼽𖽕𖾑 𖼖𖽔𖾐 𖼂𖽔𖾐 𖼦𖽜𖾐 𖼄𖽙𖾐 𖼞𖽳𖾐 𖼮𖽑𖽡𖾐，𖼽𖽕𖾑 𖼖𖽔𖾐 𖼂𖽔𖾐 𖼞𖽑𖽶𖾑 𖼷𖽑𖽙 𖼈𖽡𖾐 𖼦𖽜𖾐 𖼄𖽙𖾐 𖼣𖽻𖾐．𖼷𖽑𖽙 𖼈𖽡𖾐 𖼦𖽜𖾐 𖼄𖽙𖾐 𖼞𖽳𖾐 𖼮𖽡𖾐 𖼊𖽚𖾐 𖼄𖽡𖾐 𖼀𖽳，𖼞𖽑𖽶𖾑 𖼂𖽚 𖼽𖽺𖾐 𖼳𖽡𖾐 𖼄𖽚𖾑 𖼄𖽡𖾐 𖼊𖽺𖾐 𖼽𖽡𖾐 𖼮𖽨𖾐 𖼄𖽙𖾐 𖼐𖽺𖾐 𖼀𖽑𖽧 𖼺𖽶𖾐 𖼰𖽡𖽔𖾐 𖽂𖽙 𖼰𖽡𖽺𖾐 𖼞𖽳𖾐 𖼖𖽻𖾐 𖼄𖽳𖾑 𖼮𖽑𖽡𖾐．4 𖼠𖽳𖾐 𖼖𖽪𖾐 𖼞𖽑𖽶𖾑 𖼊𖽑𖽡 𖼽𖽚𖾐 𖼂𖽔𖾐 𖼳𖽔𖾐 𖼄𖽡𖾐 𖼊𖽺𖾐 𖼞𖽳𖾐 𖼈𖽪𖾐 𖼍𖽦 𖽃𖽴𖾑 𖼣𖽻𖾐，𖼽𖽻 𖼦𖽑𖽺𖾑 𖼖𖽡𖾑 𖼇𖽕 𖼽𖽺𖾐 𖼺𖽪𖾐 𖼞𖽳𖾐 𖼷𖽺 𖼷𖽺𖾐 𖼺𖽪𖾐 𖼷𖽑𖽻𖾐 𖼣𖽻𖾐，𖼽𖽕𖾑 𖼺𖽶𖾐 𖼊𖽑𖽔𖾐 𖼖𖽮𖾑 𖼖𖽪𖾐 𖼐𖽺𖾐 𖼽𖽡 𖼍𖽴 𖼖𖽦 𖼖𖽪𖾐 𖼞𖽳𖾐 𖼮𖽻𖾐． 5 𖼽𖽻 𖼞𖽑𖽙𖾐 𖼠𖽕 𖼞𖽳𖾐 𖼄𖽡𖾐 𖼊𖽺𖾐，𖼞𖽑𖽶𖾑 𖼳𖽶 𖼐𖽑𖽡𖽻𖾐 𖼄𖽡𖾐 𖼀𖽳 𖼦𖽺𖾐 𖼄𖽴 𖽂𖽙 𖼰𖽡𖽺𖾐 𖼮𖽑𖽻𖾐 𖼍𖽪𖾐 𖼺𖽺𖾑、 𖼺𖽔 𖼰𖽡𖽔𖾐 𖽂𖽙 𖼰𖽡𖽺𖾐、 𖼂𖽔𖾐 𖼳𖽔𖾐 𖼄𖽡𖾐 𖼊𖽺𖾐、 𖼰𖽡𖾐 𖼳𖽪𖾑 𖼺𖽪𖾐 𖼷𖽑𖽻𖾐 𖼐𖽺𖾐 𖼄𖽔 𖼰𖽡𖽔𖾐 𖼺𖽪𖾐 𖼷𖽑𖽻𖾐 𖼞𖽳𖾐 𖼄𖽡𖾐 𖼊𖽺𖾐 𖼮𖽑𖽡𖾐，𖼹𖽦𖾑 𖼰𖽡𖾐 𖼖𖽡𖽦𖾑 𖼄𖽡𖾐 𖼊𖽺𖾐 𖼞𖽳𖾐 𖼠𖽳𖾐 𖼖𖽪𖾐 𖼞𖽑𖽶𖾑 𖼊𖽑𖽡 𖼀𖽑𖽦𖾐 𖼮𖽑𖽻𖾐 𖼺𖽺𖾑，𖼠𖽳𖾐 𖼻𖽸 𖼄𖽡𖾐 𖼀𖽳 𖼳𖽡𖾐 𖼦𖽚 𖼈𖽪𖾐 𖼍𖽦 𖼞𖽑𖽙𖾐 𖼠𖽕 𖼺𖽪𖾐 𖼄𖽡𖾐 𖼊𖽺𖾐 𖼞𖽳𖾐 𖼮𖽑𖽡𖾐．
6 𖼈𖽪𖾐 𖼍𖽦 𖼦𖽑𖽺𖾑 𖼐𖽑𖽡 𖼽𖽚𖾐 𖼊𖽑𖽺 𖼽𖽺𖾐 𖼦𖽴 𖼦𖽫 𖼞𖽳𖾐 𖼮𖽜𖾐 𖼀𖽑𖽙 𖼄𖽚 𖼳𖽡𖾐 𖼐𖽺𖾐 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼮𖽑𖽢𖾑 𖼺𖽦 𖼦𖽑𖽙𖾐．𖼽𖽺𖾐 𖼦𖽴 𖼦𖽫 𖼞𖽳𖾐 𖼮𖽜𖾐 𖼀𖽑𖽙 𖼄𖽚 𖼳𖽡𖾐 ，𖼽𖽱𖾐 𖼍𖽗𖾑 𖼖𖽻𖾐 𖼮𖽻 𖼮𖽡𖾐 𖼊𖽚𖾐 𖼄𖽡𖾐 𖼀𖽳，𖼄𖽡𖾐 𖼊𖽺𖾐 𖼦𖽑𖽺𖾑 𖼹𖽻𖾐 𖼀𖽜𖾐 𖼺𖽺𖾑，𖼖𖽡𖽚 𖼂𖽡𖽦𖾑 𖼮𖽑𖽪𖾐 𖼳𖽶 𖼷𖽑𖽻𖾐、 𖼰𖽡𖽔𖾐 𖼍𖽴 𖼮𖽑𖽪𖾐 𖼳𖽶 𖼷𖽑𖽻𖾐 𖼐𖽺𖾐 𖼄𖽔 𖼐𖽕 𖼳𖽡𖾐 𖼮𖽑𖽪𖾐 𖼳𖽶 𖼷𖽑𖽻𖾐 𖼊𖽑𖽡 𖼀𖽑𖽦𖾐 𖼊𖽑𖽺 𖼞𖽜 𖼄𖽡𖾐 𖼳𖽡𖽪 𖼂𖽺𖾐．
𖼽𖽱𖾐 𖼳𖽪𖾐 𖼽𖽕𖾑 𖼽𖽱𖾐 𖼍𖽗𖾑 𖼮𖽡𖾐 𖼖𖽻𖾑 𖼄𖽡𖾐 𖼀𖽳 𖼈𖽪𖾐 𖼍𖽦 𖼷𖽪𖾐 𖼊𖽑𖽺 𖼊𖽝 𖼂𖽦𖾑
7-8 𖼽𖽱𖾐 𖼍𖽗𖾑 𖼖𖽻𖾐 𖼮𖽻 𖼮𖽡𖾐 𖼖𖽻𖾑 𖼄𖽡𖾐 𖼀𖽳，𖼖𖽧 𖼂𖽔𖾐 𖼐𖽜𖾑 𖼊𖽺𖾐 𖼠𖽻𖾐 𖼄𖽙𖾐 𖼞𖽳𖾐 𖼂𖽔𖾐 𖼖𖽧𖾑 𖼰𖽡𖽔𖾐 𖼍𖽴 𖼖𖽪𖾐 𖼞𖽳𖾐 𖼮𖽑𖽻𖾐 𖼍𖽪𖾐 𖼺𖽺𖾑，𖼳𖽡𖾐 𖽃𖽳 𖼄𖽡𖾐 𖼊𖽺𖾐 𖼦𖽔𖾐 𖼖𖽔𖾐 𖽂𖽙 𖼰𖽡𖽺𖾐 𖼞𖽳𖾐 𖼮𖽑𖽡𖾐，𖼽𖽱𖾐 𖼳𖽪𖾐 𖼽𖽕𖾑 𖼄𖽡𖾐 𖼊𖽺𖾐 𖼦𖽑𖽺𖾑 𖼹𖽻𖾐 𖼀𖽜𖾐 𖼺𖽺𖾑 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼄𖽡𖾐 𖼳𖽡𖽪 𖼀𖽜𖾐 𖼄𖽔 𖽂𖽙𖾐 𖼺𖽺 𖼺𖽪𖾐 𖼞𖽑𖽶𖾑 𖼹𖽻𖾐 𖼊𖽑𖽺 𖼞𖽜．𖼞𖽑𖽶𖾑 𖽂𖽙 𖼰𖽡𖽺𖾐 𖼀𖽙 𖼮𖽻𖾐、 𖽂𖽙 𖼷𖽪𖾐 𖼖𖽪𖾐 𖼮𖽻𖾐、 𖼖𖽻𖾐 𖼂𖽡𖽻𖾐 𖼮𖽻𖾐、 𖼄𖽡𖾐 𖼳𖽡𖽻𖾐 𖼄𖽡𖾐 𖼊𖽺𖾐 𖼮𖽻𖾐，𖼽𖽕𖾑 𖼖𖽔𖾐 𖼂𖽔𖾐 𖼄𖽡𖾐 𖼊𖽺𖾐 𖼐𖽺𖾐 𖼐𖽑𖽧 𖼠𖽴 𖼇𖽪𖾐 𖼄𖽡𖾐 𖼊𖽺𖾐 𖼖𖽺𖾑 𖼮𖽑𖽻𖾐，𖼞𖽑𖽶𖾑 𖼦𖽴𖾑 𖼮𖽑𖽪𖾐 𖼳𖽶 𖼷𖽑𖽻𖾐、 𖼽𖽕𖾑 𖼄𖽚 𖼖𖽡𖾑 𖼮𖽑𖽪𖾐 𖼳𖽶 𖼷𖽑𖽻𖾐、 𖼰𖽡𖽔𖾐 𖼐𖽕 𖼮𖽑𖽪𖾐 𖼳𖽶 𖼷𖽑𖽻𖾐、 𖼂𖽡 𖼖𖽡𖾑 𖼳𖽡 𖼮𖽑𖽪𖾐 𖼳𖽶 𖼷𖽑𖽻𖾐、 𖼳𖽡𖾐 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼐𖽺𖾐 𖼽𖽺𖾐 𖼂𖽪𖾑 𖼺𖽶𖾐 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼊𖽺𖾐 𖼣𖽻𖾐．𖼽𖽱𖾐 𖼳𖽪𖾐 𖼽𖽕𖾑 𖼐𖽺𖾐 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼞𖽑𖽙𖾐 𖼺𖽦 𖼦𖽑𖽙𖾐 𖼺𖽪𖾐 𖼈𖽪𖾐 𖼍𖽦 𖼞𖽑𖽶𖾑 𖼍𖽕𖾑 𖽂𖽚 𖼦𖽑𖽺𖾑 𖼹𖽻𖾐 𖼣𖽻𖾐：
9 𖼊𖽑𖽡 𖼽𖽚𖾐 𖼽𖽺𖾐 𖼖𖽡𖾑 𖼠𖽜𖾐 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼂𖽚 𖼊𖽑𖽴𖾑 𖼖𖽡𖾑 𖼖𖽪𖾐 𖼀𖽙 𖼮𖽑𖽶𖾐 𖽃𖽦𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
10 𖼊𖽑𖽡 𖼽𖽚𖾐 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼳𖽡𖾐 𖼂𖽚 𖼖𖽪𖽦 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
11 𖼊𖽑𖽡 𖼽𖽚𖾐 𖼽𖽺𖾐 𖼄𖽚𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼖𖽔𖾐 𖼰𖽧 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
12 𖼊𖽑𖽡 𖼽𖽚𖾐 𖼽𖽡𖾐 𖼰𖽡𖾐 𖼖𖽪𖽦 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼰𖽡𖾐 𖼺𖽴𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
13 𖼊𖽑𖽡 𖼽𖽚𖾐 𖼍𖽡 𖼂𖽧𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼰𖽡𖾐 𖼍𖽴 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
14 𖼊𖽑𖽡 𖼽𖽚𖾐 𖼦𖽴 𖽃𖽳 𖼄𖽔 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼽𖽕𖾑 𖼖𖽔𖾐 𖼍𖽴 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
15 𖼊𖽑𖽡 𖼽𖽚𖾐 𖼖𖽧𖾑 𖼐𖽕 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼽𖽕𖾑 𖼍𖽪𖾑 𖼖𖽕 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
16 𖼊𖽑𖽡 𖼽𖽚𖾐 𖼄𖽔 𖼰𖽡𖾐 𖼍𖽕𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼂𖽚 𖼊𖽑𖽴𖾑 𖼖𖽡𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
17 𖼊𖽑𖽡 𖼽𖽚𖾐 𖼊𖽑𖽔𖾐 𖼀𖽑𖽪 𖼽𖽕𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐𖼳𖽡𖾐 𖼇𖽮 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
18 𖼊𖽑𖽡 𖼽𖽚𖾐 𖼽𖽕𖾑 𖼇𖽮 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼖𖽔𖾐 𖼳𖽕𖾐 𖼖𖽪𖽦 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
19 𖼊𖽑𖽡 𖼽𖽚𖾐 𖼄𖽔 𖼍𖽪𖽺𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼳𖽡𖽕𖾑 𖼺𖽙 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
20 𖼊𖽑𖽡 𖼽𖽚𖾐 𖼳𖽜𖾐 𖼖𖽪𖽦 𖼄𖽡 𖼖𖽡𖽦 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼽𖽔𖾐 𖼳𖽕𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
21 𖼊𖽑𖽡 𖼽𖽚𖾐 𖼊𖽑𖽔𖾐 𖼐𖽕𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼄𖽡 𖼰𖽧 𖼍𖽙𖾐 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
22 𖼊𖽑𖽡 𖼽𖽚𖾐 𖼰𖽡𖾐 𖼍𖽡 𖼺𖽶𖾐 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼰𖽡𖽔𖾐 𖼄𖽧𖾑 𖽂𖽙 𖼰𖽡𖽺𖾐 𖼖𖽙𖾐 𖼐𖽳 𖼞𖽳𖾐 𖼽𖽱𖾐 𖼐𖽑𖽦𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
23 𖼊𖽑𖽡 𖼽𖽚𖾐 𖼍𖽙𖾐 𖽃𖽳 𖽂𖽙 𖼰𖽡𖽺𖾐 𖼀𖽙 𖼞𖽳𖾐 𖼍𖽙𖾐 𖽃𖽳 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼊𖽑𖽡 𖼽𖽚𖾐 𖼰𖽧 𖼰𖽡𖽕 𖼄𖽡𖾐 𖼊𖽺𖾐 𖼞𖽳𖾐 𖼠𖽜𖾐 𖼽𖽺𖾑 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，
24 𖼊𖽑𖽡 𖼽𖽚𖾐 𖼍𖽴 𖼺𖽔 𖼖𖽪𖾐 𖼞𖽳𖾐 𖼈𖽪𖾐 𖼍𖽦 𖼣𖽻𖾐，𖼈𖽪𖾐 𖼍𖽦 𖼄𖽳𖾑 𖼄𖽳 𖼺𖽙𖾐 𖼷𖽑𖽡𖾐 𖼊𖽑𖽡 𖼽𖽚𖾐 𖼮𖽻𖾐．