𖼽𖽡 𖼺𖽻 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐
36
1 𖼽𖽡 𖼺𖽻 𖼦𖽑𖽺𖾑 𖼽𖽡 𖼍𖽙𖾐 𖼣𖽻𖾐，𖼽𖽻 𖼻𖽙 𖼞𖽑𖽶𖾑 𖼹𖽻𖾐 𖼞𖽳𖾐 𖼄𖽡𖾐 𖼈𖽝 𖼍𖽕𖾑 𖽂𖽚 𖼍𖽙𖾑：2 𖼽𖽡 𖼺𖽻 𖼰𖽡𖽔𖾐 𖼐𖽕 𖼺𖽪𖾐 𖼻𖽙 𖼄𖽳 𖼹𖽶𖾐，𖼊𖽑𖽡 𖼽𖽚𖾐 𖼦𖽴𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼽𖽡 𖼖𖽪𖽦 𖼞𖽳𖾐 𖼻𖽙 𖼄𖽳 𖼽𖽕𖾑 𖼍𖽕𖾑 𖼣𖽻𖾐，𖼊𖽑𖽡 𖼽𖽚𖾐 𖼳𖽡𖾐 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼰𖽧𖾑 𖼂𖽡𖽦𖾑 𖼞𖽳𖾐 𖼖𖽡𖾑 𖼄𖽙𖾐，𖼽𖽕𖾑 𖼐𖽕 𖼞𖽳𖾐 𖼻𖽙 𖼄𖽳 𖼣𖽻𖾐，𖽃𖽔𖾐 𖼦𖽴 𖼖𖽡𖾑 𖼂𖽔𖾐 𖼄𖽔 𖼐𖽺𖾐 𖼄𖽡𖾐． 3 𖼽𖽻 𖼦𖽑𖽔𖾐 𖼖𖽺𖾑 𖼽𖽡 𖼳𖽸 𖼄𖽔 𖼖𖽡𖾑 𖼞𖽳𖾐 𖼻𖽙 𖼄𖽳，𖼐𖽑𖽧 𖼂𖽦𖾑 𖼽𖽱𖾐 𖼐𖽜𖾑 𖼄𖽙𖾐 𖼂𖽔𖾐 𖼳𖽸 𖼄𖽚 𖼊𖽑𖽺 𖼹𖽶𖾐． 4 𖼽𖽡 𖼺𖽻 𖼄𖽳 𖼻𖽙 𖼽𖽕𖾑 𖼍𖽕𖾑 𖼽𖽚𖾐 𖼺𖽪𖾐 𖼽𖽡 𖼖𖽡𖾑 𖼇𖽕 𖼣𖽻𖾐，𖼂𖽔𖾐 𖼳𖽸 𖼄𖽚 𖼽𖽚𖾐 𖼺𖽪𖾐 𖼖𖽡𖽚 𖽃𖽳 𖼣𖽻𖾐， 5 𖽃𖽔𖾐 𖼦𖽴 𖼖𖽡𖾑 𖼂𖽔𖾐 𖼄𖽔 𖼞𖽑𖽙𖾐 𖼽𖽚𖾐 𖼺𖽪𖾐 𖼽𖽺𖾐 𖼈𖽪𖾐 𖼳𖽶𖾐、 𖼽𖽔 𖼖𖽕 𖼐𖽺𖾐 𖼞𖽑𖽜 𖼖𖽔𖾐 𖼣𖽻𖾐．𖼦𖽑𖽺𖾑 𖼹𖽻𖾐 𖼄𖽳𖾑 𖼄𖽳 𖼖𖽺𖾑 𖼽𖽡 𖼺𖽻 𖼞𖽳𖾐 𖼻𖽙 𖼣𖽻𖾐，𖼰𖽡𖽔𖾐 𖼐𖽕 𖼄𖽡𖾐 𖼊𖽺𖾐 𖼮𖽻𖾐 𖼽𖽚𖾐．
6 𖼽𖽡 𖼺𖽻 𖼽𖽻 𖼞𖽳𖾐 𖼄𖽳 𖼈𖽪𖾑、 𖼄𖽳 𖼖𖽳𖾐、 𖼻𖽙 𖼄𖽡𖾐 𖼐𖽜𖾐 𖼐𖽺𖾐 𖼽𖽻 𖼞𖽑𖽙𖾐 𖼮𖽻𖾐 𖼺𖽪𖾐 𖼷𖽑𖽻𖾐 𖼊𖽑𖽺 𖼦𖽳，𖼽𖽻 𖼞𖽳𖾐 𖼐𖽑𖽡、 𖽃𖽔𖾑 𖼮𖽑𖽸 𖼽𖽻𖾐 𖼐𖽺𖾐 𖼮𖽡𖽺 𖼷𖽪𖾐 𖼊𖽑𖽺 𖼞𖽕，𖼽𖽻 𖼰𖽡𖽔𖾐 𖼐𖽕 𖼄𖽡𖾐 𖼊𖽺𖾐 𖼞𖽑𖽙𖾐 𖽂𖽙𖾐 𖼺𖽪𖾐 𖼈𖽺𖾐 𖼺𖽺𖾑，𖼽𖽻 𖼐𖽑𖽳𖾐 𖼄𖽻 𖼽𖽔 𖼠𖽴𖾑 𖼊𖽑𖽺 𖼰𖽡𖾑 𖼦𖽑𖽙𖾐，𖼠𖽳𖾐 𖼖𖽪𖾐 𖼄𖽡𖾐 𖼊𖽺𖾐 𖼽𖽡𖾐．
7 𖼞𖽪𖾐 𖼮𖽡𖽺𖾐，𖼽𖽻 𖼈𖽳𖾐 𖼞𖽳𖾐 𖼄𖽡𖽻 𖼐𖽑𖽡 𖼮𖽡𖽺 𖼷𖽪𖾐 𖼄𖽨 𖼷𖽑𖽚 𖼺𖽺𖾑，𖼮𖽡𖽺 𖼖𖽚𖾑 𖼊𖽺𖾐 𖼄𖽔 𖼖𖽚，𖼷𖽙𖾐 𖼖𖽙𖾐 𖼮𖽑𖽻𖾐 𖼮𖽻𖾐 𖼀𖽑𖽢 𖼄𖽔 𖼊𖽙𖾐． 8 𖽃𖽔𖾐 𖼺𖽺𖾑，𖼽𖽡 𖼺𖽻 𖼽𖽡𖾐 𖼳𖽡𖾐 𖽃𖽳 𖽂𖽙 𖼰𖽡𖽺𖾐 𖼊𖽑𖽺 𖼮𖽻𖾐．𖼽𖽡 𖼺𖽻 𖼦𖽑𖽺𖾑 𖼽𖽡 𖼍𖽙𖾐 𖼣𖽻𖾐．
9 𖼽𖽡 𖼺𖽻 𖼦𖽑𖽺𖾑 𖼳𖽡𖾐 𖽃𖽳 𖽂𖽙 𖼰𖽡𖽺𖾐 𖼊𖽑𖽺 𖼮𖽻𖾐 𖼺𖽪𖾐 𖼽𖽡 𖼍𖽙𖾐 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖽃𖽔𖾑 𖼄𖽻 𖼣𖽻𖾐，𖼈𖽝 𖼍𖽕𖾑 𖽂𖽚 𖼍𖽙𖾑 𖼺𖽪𖾐 𖼽𖽻 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼄𖽡𖾐 𖼣𖽻𖾐．
10 𖼽𖽡 𖼺𖽻 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼄𖽡𖾐 𖼈𖽝 𖼍𖽕𖾑 𖽂𖽚 𖼍𖽙𖾑：𖼽𖽡 𖼺𖽻 𖼄𖽳 𖼻𖽙 𖼽𖽕𖾑 𖼍𖽕𖾑 𖼽𖽚𖾐 𖼺𖽪𖾐 𖼽𖽡 𖼖𖽡𖾑 𖼇𖽕 𖼣𖽻𖾐，𖼽𖽡 𖼺𖽻 𖼄𖽳 𖼻𖽙 𖼂𖽔𖾐 𖼳𖽸 𖼄𖽚 𖼽𖽚𖾐 𖼺𖽪𖾐 𖼖𖽡𖽚 𖽃𖽳 𖼣𖽻𖾐．
11 𖼽𖽡 𖼖𖽡𖾑 𖼇𖽕 𖼞𖽳𖾐 𖼻𖽙 𖼊𖽑𖽧 𖼄𖽕𖾑、 𖽃𖽔𖾐 𖼄𖽚、 𖼳𖽡 𖼂𖽙𖾐、 𖼰𖽡𖽔𖾐 𖼊𖽑𖽗 𖼐𖽺𖾐 𖼰𖽡𖾐 𖼐𖽕𖾑 𖼺𖽶𖾐 𖼣𖽻𖾐．
12 𖼽𖽡 𖼖𖽡𖾑 𖼇𖽕 𖼞𖽳𖾐 𖼄𖽳 𖼖𖽳𖾐 𖼊𖽑𖽧 𖼐𖽕 𖼣𖽻𖾐，𖼽𖽻 𖼽𖽡 𖼖𖽡𖾑 𖼇𖽕 𖼖𖽙𖾐 𖼮𖽑𖽻𖾐 𖼽𖽕𖾑 𖼄𖽔 𖼖𖽧𖾑 𖼊𖽑𖽺 𖼽𖽚𖾐．𖼦𖽑𖽺𖾑 𖼹𖽻𖾐 𖼽𖽡 𖼺𖽻 𖼄𖽳 𖼻𖽙 𖼽𖽕𖾑 𖼍𖽕𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼣𖽻𖾐．
13 𖼖𖽡𖽚 𖽃𖽳 𖼞𖽳𖾐 𖼻𖽙 𖼐𖽕 𖼦𖽑𖽔𖾐、 𖼳𖽡𖽺𖾑 𖼖𖽔𖾐、 𖼳𖽔𖾐 𖼄𖽔 𖼐𖽺𖾐 𖼄𖽡 𖼺𖽔 𖼣𖽻𖾐．𖼦𖽑𖽺𖾑 𖼹𖽻𖾐 𖼽𖽡 𖼺𖽻 𖼄𖽳 𖼻𖽙 𖼂𖽔𖾐 𖼳𖽸 𖼄𖽚 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼣𖽻𖾐．
14 𖼽𖽡 𖼺𖽻 𖼄𖽳 𖼻𖽙 𖽃𖽔𖾐 𖼦𖽴 𖼖𖽡𖾑 𖼂𖽔𖾐 𖼄𖽔 ，𖼽𖽻 𖼰𖽧𖾑 𖼂𖽡𖽦𖾑 𖼞𖽳𖾐 𖼖𖽡𖾑 𖼄𖽙𖾐，𖼽𖽕𖾑 𖼐𖽕 𖼞𖽳𖾐 𖼻𖽙 𖼄𖽳 𖼣𖽻𖾐，𖼽𖽻 𖼽𖽡 𖼺𖽻 𖼖𖽙𖾐 𖼮𖽑𖽻𖾐 𖼽𖽺𖾐 𖼈𖽪𖾐 𖼳𖽶𖾐、 𖼽𖽔 𖼖𖽕 𖼐𖽺𖾐 𖼞𖽑𖽜 𖼖𖽔𖾐 𖼊𖽑𖽺 𖼽𖽚𖾐．
15 𖼈𖽝 𖼍𖽕𖾑 𖽂𖽚 𖼍𖽙𖾑 𖼺𖽪𖾐，𖼽𖽡 𖼺𖽻 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼊𖽑𖽺 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼞𖽳𖾐 𖼄𖽡𖾐 𖼣𖽻𖾐．
𖼽𖽡 𖼺𖽻 𖼞𖽳𖾐 𖼻𖽙 𖼈𖽳 𖼽𖽡 𖼖𖽡𖾑 𖼇𖽕 𖼣𖽻𖾐，𖼽𖽻 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼊𖽑𖽺 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼂𖽺𖾐 𖼺𖽪𖾐，𖼞𖽑𖽶𖾑 𖼊𖽑𖽧 𖼄𖽕𖾑、 𖽃𖽔𖾐 𖼄𖽚、 𖼳𖽡 𖼂𖽙𖾐、 𖼰𖽡𖾐 𖼐𖽕 𖼺𖽶𖾐、 16 𖼞𖽑𖽜 𖼖𖽔𖾐、 𖼰𖽡𖽔𖾐 𖼊𖽑𖽗 𖼐𖽺𖾐 𖼽𖽕𖾑 𖼄𖽔 𖼖𖽧𖾑 𖼣𖽻𖾐．𖼦𖽑𖽺𖾑 𖼹𖽻𖾐 𖼽𖽡 𖼍𖽙𖾐 𖼄𖽡𖾐 𖼊𖽺𖾐 𖼽𖽡 𖼖𖽡𖾑 𖼇𖽕 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼊𖽑𖽺 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼂𖽺𖾐，𖼽𖽻 𖼈𖽳𖾐 𖼄𖽳𖾑 𖼄𖽳 𖼽𖽕𖾑 𖼍𖽕𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼣𖽻𖾐．
17 𖼽𖽡 𖼺𖽻 𖼻𖽙 𖼖𖽡𖽚 𖽃𖽳 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼊𖽑𖽺 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼂𖽺𖾐 𖼺𖽪𖾐，𖼞𖽑𖽶𖾑 𖼐𖽕 𖼦𖽔𖾐、 𖼳𖽡𖽺𖾑 𖼖𖽔𖾐、 𖼳𖽔𖾐 𖼄𖽔 𖼐𖽺𖾐 𖼄𖽡 𖼺𖽔 𖼣𖽻𖾐，𖼦𖽑𖽺𖾑 𖼹𖽻𖾐 𖼽𖽡 𖼍𖽙𖾐 𖼄𖽡𖾐 𖼊𖽺𖾐 𖼖𖽡𖽚 𖽃𖽳 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼊𖽑𖽺 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼂𖽺𖾐，𖼽𖽻 𖼈𖽳𖾐 𖼄𖽳𖾑 𖼄𖽳 𖼽𖽡 𖼺𖽻 𖼄𖽳 𖼻𖽙 𖼂𖽔𖾐 𖼳𖽸 𖼄𖽚 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼣𖽻𖾐．
18 𖼽𖽡 𖼺𖽻 𖼄𖽳 𖼻𖽙 𖽃𖽔𖾐 𖼦𖽴 𖼖𖽡𖾑 𖼂𖽔𖾐 𖼄𖽔 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼊𖽑𖽺 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼂𖽺𖾐 𖼺𖽪𖾐，𖼞𖽑𖽶𖾑 𖼽𖽺𖾐 𖼈𖽪𖾐 𖼳𖽶𖾐、 𖼽𖽔 𖼖𖽕 𖼐𖽺𖾐 𖼞𖽑𖽜 𖼖𖽔𖾐 𖼣𖽻𖾐．𖼦𖽑𖽺𖾑 𖼹𖽻𖾐 𖼽𖽡 𖼺𖽻 𖼄𖽳 𖼻𖽙 𖽃𖽔𖾐 𖼦𖽴 𖼖𖽡𖾑 𖼂𖽔𖾐 𖼄𖽔 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼊𖽑𖽺 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼂𖽺𖾐．𖽃𖽔𖾐 𖼦𖽴 𖼖𖽡𖾑 𖼂𖽔𖾐 𖼄𖽔 𖼦𖽑𖽺𖾑 𖼽𖽕𖾑 𖼐𖽕 𖼞𖽳𖾐 𖼻𖽙 𖼄𖽳、 𖼽𖽡 𖼺𖽻 𖼄𖽳 𖼻𖽙 𖼣𖽻𖾐．
19 𖼦𖽑𖽺𖾑 𖼹𖽻𖾐 𖼄𖽳𖾑 𖼄𖽳 𖼖𖽺𖾑 𖼽𖽡 𖼺𖽻 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼞𖽳𖾐 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼣𖽻𖾐．𖼽𖽡 𖼺𖽻 𖼦𖽑𖽺𖾑 𖼽𖽡 𖼍𖽙𖾐 𖼣𖽻𖾐．
𖽃𖽙𖾑 𖼄𖽺 𖼊𖽑𖽙 𖼽𖽡 𖼍𖽙𖾐 𖼄𖽡𖾐 𖼊𖽺𖾐 𖼮𖽻𖾐 𖼺𖽪𖾐 𖼷𖽑𖽻𖾐
20 𖼈𖽝 𖼍𖽕𖾑 𖽂𖽚 𖼍𖽙𖾑 𖼺𖽪𖾐，𖽃𖽙𖾑 𖼄𖽺 𖼽𖽡 𖼍𖽙𖾐 𖼄𖽡𖾐 𖼊𖽺𖾐 𖼮𖽻𖾐 𖼺𖽪𖾐 𖼷𖽑𖽻𖾐 𖼞𖽳𖾐 𖼄𖽡𖾐 𖼣𖽻𖾐．𖼦𖽴 𖼖𖽡𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼳𖽡𖾐 𖽃𖽳 𖼞𖽳𖾐 𖼻𖽙 𖼖𖽚 𖼊𖽑𖽗、 𖼳𖽙𖾑 𖼂𖽔𖾐、 𖼰𖽧𖾑 𖼂𖽡𖽦𖾑、 𖼽𖽕𖾑 𖼐𖽕、 21 𖼍𖽡 𖼳𖽱𖾑、 𖼽𖽡 𖼮𖽑𖽕 𖼐𖽺𖾐 𖼍𖽡 𖼳𖽔𖾐 𖼣𖽻𖾐．𖼦𖽑𖽺𖾑 𖼹𖽻𖾐 𖼽𖽡 𖼍𖽙𖾐 𖼄𖽡𖾐 𖼊𖽺𖾐 𖼦𖽴 𖼖𖽡𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼳𖽡𖾐 𖽃𖽳 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼊𖽑𖽺 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼂𖽺𖾐．
22 𖼖𖽚 𖼊𖽑𖽗 𖼻𖽙 𖼦𖽴 𖼖𖽡𖾑 𖼐𖽺𖾐 𖼳𖽡𖾐 𖼄𖽕𖾑 𖼣𖽻𖾐，𖼖𖽚 𖼊𖽑𖽗 𖼐𖽜𖾑 𖼄𖽙𖾐 𖼞𖽑𖽶𖾑 𖼊𖽑𖽧 𖼐𖽕 𖼣𖽻𖾐．
23 𖼳𖽙𖾑 𖼂𖽔𖾐 𖼻𖽙 𖼽𖽕𖾑 𖼖𖽴𖾑 𖼈𖽴、 𖼄𖽔 𖼐𖽕 𖼳𖽡𖽕、 𖼽𖽡 𖼂𖽔𖾐 𖼖𖽪𖾑、 𖼳𖽶𖾑 𖼂𖽙𖾐 𖼐𖽺𖾐 𖽃𖽔𖾐 𖼐𖽕 𖼣𖽻𖾐．
24 𖼰𖽧𖾑 𖼂𖽡𖽦𖾑 𖼻𖽙 𖼽𖽕𖾑 𖼽𖽔 𖼐𖽺𖾐 𖼽𖽕𖾑 𖼐𖽕 𖼣𖽻𖾐．𖼞𖽑𖽶𖾑 𖼮𖽶𖾐 𖼄𖽡𖾐 𖼳𖽡𖽻𖾐 𖼄𖽡𖾐 𖼊𖽺𖾐 𖼽𖽻 𖼀𖽙 𖼖𖽙𖾐 𖼀𖽙𖾐 𖼊𖽑𖽳 𖼖𖽳𖾐 𖼄𖽪 𖼖𖽚𖾑 𖼺𖽺𖾑，𖼈𖽡𖾐 𖼊𖽚𖾐 𖼖𖽜𖾐 𖼄𖽜𖾑 𖼊𖽑𖽺 𖼰𖽙𖾐 𖼄𖽡𖽻𖾐 𖼺𖽪𖾐 𖼽𖽕𖾑 𖼐𖽕 𖼣𖽻𖾐．
25 𖼽𖽕𖾑 𖼐𖽕 𖼻𖽙 𖼍𖽡 𖼳𖽱𖾑 𖼣𖽻𖾐，𖼽𖽕𖾑 𖼐𖽕 𖼻𖽙 𖼄𖽳 𖽃𖽔𖾐 𖼦𖽴 𖼖𖽡𖾑 𖼂𖽔𖾐 𖼄𖽔 𖼣𖽻𖾐．
26 𖼍𖽡 𖼳𖽱𖾑 𖼻𖽙 𖼳𖽡𖽺𖾐 𖼍𖽗𖾑、 𖼽𖽡𖾐 𖼳𖽶𖾑 𖼂𖽔𖾐、 𖼽𖽡𖾑 𖼖𖽕 𖼐𖽺𖾐 𖼰𖽡𖾐 𖼖𖽕 𖼣𖽻𖾐．
27 𖼽𖽡 𖼮𖽑𖽕 𖼻𖽙 𖼀𖽑𖽡𖾑 𖼦𖽗、 𖼺𖽔 𖼇𖽗𖾐 𖼐𖽺𖾐 𖼽𖽕𖾑 𖼠𖽔𖾐 𖼣𖽻𖾐．
28 𖼍𖽡 𖼳𖽔𖾐 𖼻𖽙 𖼈𖽪𖾐 𖼺𖽶𖾐 𖼐𖽺𖾐 𖼽𖽕𖾑 𖼖𖽕 𖼣𖽻𖾐．
29 𖼈𖽝 𖼍𖽕𖾑 𖽂𖽚 𖼍𖽙𖾑 𖼺𖽪𖾐 𖼦𖽴 𖼖𖽡𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼊𖽑𖽺 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼂𖽺𖾐 𖼺𖽪𖾐 𖼄𖽡𖾐 𖼣𖽻𖾐．𖼖𖽚 𖼊𖽑𖽗、 𖼳𖽙𖾑 𖼂𖽔𖾐、 𖼰𖽧𖾑 𖼂𖽡𖽦𖾑、 𖼽𖽕𖾑 𖼐𖽕、 30 𖼍𖽡 𖼳𖽱𖾑、 𖼽𖽡 𖼮𖽑𖽕 𖼐𖽺𖾐 𖼍𖽡 𖼳𖽔𖾐 ．𖼦𖽑𖽺𖾑 𖼹𖽻𖾐 𖼦𖽴 𖼖𖽡𖾑 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼞𖽳𖾐 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼣𖽻𖾐，𖼳𖽡𖾐 𖽃𖽳 𖼄𖽡𖾐 𖼊𖽺𖾐 𖼮𖽻𖾐 𖼽𖽻 𖼄𖽳𖾑 𖼮𖽑𖽪𖾐 𖼳𖽶 𖼞𖽳𖾐 𖼈𖽪𖾑 𖼷𖽪𖾐 𖼂𖽺𖾐．
𖼽𖽡 𖼍𖽙𖾐 𖼄𖽡𖾐 𖼊𖽺𖾐 𖼞𖽳𖾐 𖼈𖽪𖾐 𖼍𖽦
31 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼈𖽪𖾐 𖼍𖽦 𖼄𖽔 𖼮𖽻𖾐 𖼺𖽺 𖽃𖽙𖾑 𖼄𖽺，𖼽𖽡 𖼍𖽙𖾐 𖼄𖽡𖾐 𖼊𖽺𖾐 𖼈𖽪𖾐 𖼍𖽦 𖼂𖽺𖾐 𖼺𖽪𖾐，𖼽𖽻 𖼈𖽳𖾐 𖼄𖽡𖾐 𖼈𖽝 𖼍𖽕𖾑 𖽂𖽚 𖼍𖽙𖾑：
32 𖼂𖽡 𖽃𖽳 𖼻𖽙 𖼂𖽡 𖼖𖽔𖾐 𖼈𖽪𖾐 𖼍𖽦 𖼽𖽡 𖼍𖽙𖾐 𖼄𖽡𖾐 𖼊𖽺𖾐 𖼠𖽕，𖼽𖽻 𖼞𖽳𖾐 𖼖𖽪𖾐 𖼊𖽑𖽧 𖼦𖽔𖾐 𖼂𖽔𖾐 𖼄𖽡𖾐．
33 𖼂𖽡 𖼖𖽔𖾐 𖼳𖽶𖾐 𖼦𖽑𖽙𖾐 𖼠𖽙𖾑 𖼍𖽻𖾐，𖼂𖽙𖾐 𖼺𖽶𖾐 𖼖𖽔𖾐 𖼺𖽪𖾐 𖼷𖽑𖽻𖾐 𖼳𖽡𖽺𖾑 𖼖𖽔𖾐 𖼞𖽳𖾐 𖼻𖽙 𖼽𖽱𖾐 𖼂𖽔𖾐 𖼽𖽻 𖼊𖽑𖽡𖾑 𖼮𖽪 𖼈𖽪𖾐 𖼍𖽦 𖼂𖽺𖾐．
34 𖼽𖽱𖾐 𖼂𖽔𖾐 𖼳𖽶𖾐 𖼦𖽑𖽙𖾐 𖼠𖽙𖾑 𖼍𖽻𖾐，𖼊𖽑𖽧 𖼄𖽕𖾑 𖼄𖽡𖾐 𖼊𖽺𖾐 𖼮𖽑𖽻𖾐 𖼖𖽻𖾐 𖼺𖽪𖾐 𖼦𖽪𖾑 𖼳𖽔𖾐 𖼽𖽻 𖼊𖽑𖽡𖾑 𖼮𖽪 𖼈𖽪𖾐 𖼍𖽦 𖼂𖽺𖾐．
35 𖼦𖽪𖾑 𖼳𖽔𖾐 𖼳𖽶𖾐 𖼦𖽑𖽙𖾐 𖼠𖽙𖾑 𖼍𖽻𖾐，𖼂𖽡 𖼍𖽕 𖼞𖽳𖾐 𖼻𖽙 𖼦𖽔𖾐 𖼍𖽕 𖼽𖽻 𖼊𖽑𖽡𖾑 𖼮𖽪 𖼈𖽪𖾐 𖼍𖽦 𖼂𖽺𖾐．𖽃𖽙𖾑 𖼄𖽺 𖼊𖽑𖽙 𖼄𖽚 𖼽𖽔𖾐 𖼊𖽺𖾐 𖼠𖽻𖾐 𖼄𖽙𖾐 𖼊𖽑𖽺 𖼄𖽡 𖼍𖽡𖽦𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼊𖽑𖽺 𖼊𖽝 𖽂𖽙 𖼊𖽙𖾐 𖼦𖽑𖽙𖾐 𖼺𖽪𖾐，𖼦𖽔𖾐 𖼍𖽕 𖼈𖽪𖾐 𖼍𖽦 𖼣𖽻𖾐，𖼽𖽻 𖼞𖽳𖾐 𖼖𖽪𖾐 𖼽𖽕𖾑 𖼈𖽪𖽺𖾑 𖼍𖽴 𖼄𖽡𖾐．
36 𖼦𖽔𖾐 𖼍𖽕 𖼳𖽶𖾐 𖼦𖽑𖽙𖾐 𖼠𖽙𖾑 𖼍𖽻𖾐，𖼄𖽔 𖼳𖽸𖾑 𖼖𖽡𖾑 𖼰𖽡𖽔𖾐 𖼺𖽪𖾐 𖼷𖽑𖽻𖾐 𖼺𖽔𖾐 𖼖𖽔𖾐 𖼽𖽻 𖼊𖽑𖽡𖾑 𖼮𖽪 𖼈𖽪𖾐 𖼍𖽦 𖼂𖽺𖾐．
37 𖼺𖽔𖾐 𖼖𖽔𖾐 𖼳𖽶𖾐 𖼦𖽑𖽙𖾐 𖼠𖽙𖾑 𖼍𖽻𖾐，𖼽𖽙𖾑 𖼇𖽕 𖼖𖽔𖾐 𖼍𖽡 𖼖𖽻𖾐 𖼮𖽻 𖼄𖽙𖾐 𖼦𖽜 𖼞𖽳𖾐 𖼮𖽻𖾐 𖼺𖽪𖾐，𖼖𖽡𖾑 𖼦𖽴 𖼂𖽚 𖼺𖽪𖾐 𖼷𖽑𖽻𖾐 𖼺𖽻 𖼖𖽚 𖼽𖽻 𖼊𖽑𖽡𖾑 𖼮𖽪 𖼈𖽪𖾐 𖼍𖽦 𖼂𖽺𖾐．
38 𖼺𖽻 𖼖𖽚 𖼳𖽶𖾐 𖼦𖽑𖽙𖾐 𖼠𖽙𖾑 𖼍𖽻𖾐，𖼽𖽕𖾑 𖼠𖽴 𖼂𖽙𖾐 𖼞𖽳𖾐 𖼻𖽙 𖼂𖽔𖾐 𖼖𖽴𖾑 𖼦𖽔𖾐 𖼐𖽕 𖼽𖽻 𖼊𖽑𖽡𖾑 𖼮𖽪 𖼈𖽪𖾐 𖼍𖽦 𖼂𖽺𖾐．
39 𖼂𖽔𖾐 𖼖𖽴𖾑 𖼦𖽔𖾐 𖼐𖽕 𖼳𖽶𖾐 𖼦𖽑𖽙𖾐 𖼠𖽙𖾑 𖼍𖽻𖾐，𖼦𖽔𖾐 𖼍𖽕 𖼽𖽻 𖼊𖽑𖽡𖾑 𖼮𖽪 𖼈𖽪𖾐 𖼍𖽦 𖼂𖽺𖾐，𖼽𖽻 𖼞𖽳𖾐 𖼖𖽪𖾐 𖼊𖽑𖽺 𖼂𖽔𖾐 𖼈𖽪𖾐 𖼄𖽡𖾐，𖼽𖽻 𖼄𖽳 𖼻𖽙 𖼊𖽑𖽺 𖼄𖽡 𖼳𖽡𖾐 𖼊𖽑𖽔𖾐 𖼂𖽡𖽦 𖼄𖽡𖾐，𖼽𖽻 𖼄𖽔 𖼊𖽑𖽴𖾑 𖼖𖽡𖽦𖾑 𖼞𖽳𖾐 𖼻𖽙 𖼄𖽳、 𖼄𖽡 𖼺𖽕𖾑 𖼦𖽴 𖼞𖽳𖾐 𖼖𖽡𖾑 𖼄𖽙𖾐 𖼣𖽻𖾐．
𖼽𖽡 𖼺𖽻 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼞𖽳𖾐 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐
40 𖼈𖽝 𖼍𖽕𖾑 𖽂𖽚 𖼍𖽙𖾑 𖼺𖽪𖾐，𖼽𖽡 𖼺𖽻 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼊𖽑𖽺 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼂𖽺𖾐 𖼺𖽪𖾐 𖼞𖽳𖾐 𖼄𖽡𖾐 𖼣𖽻𖾐．𖼊𖽑𖽧 𖼐𖽕、 𖼽𖽕𖾑 𖼖𖽴𖾑 𖽂𖽗、 𖼽𖽺𖾐 𖼊𖽑𖽡𖽦、 41 𖽃𖽔𖾐 𖼦𖽴 𖼖𖽡𖾑 𖼂𖽔𖾐 𖼄𖽔、 𖼽𖽡 𖼖𖽔𖾐、 𖼂𖽡 𖼐𖽜𖾑、 42 𖼰𖽡𖾐 𖼐𖽕𖾑 𖼺𖽶𖾐、 𖼊𖽑𖽧 𖼄𖽕𖾑、 𖼄𖽡 𖼂𖽡 𖼺𖽕𖾑、 43 𖼄𖽔 𖼰𖽡𖾐 𖼍𖽡𖽦 𖼐𖽺𖾐 𖼽𖽡 𖼖𖽕．𖼦𖽑𖽺𖾑 𖼹𖽻𖾐 𖼽𖽡 𖼍𖽙𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼞𖽳𖾐 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼣𖽻𖾐，𖼽𖽻 𖼄𖽳𖾑 𖼞𖽑𖽙𖾐 𖽂𖽙𖾐 𖼺𖽪𖾐 𖼄𖽡𖾐 𖼀𖽜𖾐 𖼊𖽑𖽺 𖼮𖽻𖾐，𖼽𖽻 𖼄𖽳𖾑 𖼮𖽑𖽪𖾐 𖼳𖽶 𖼞𖽳𖾐 𖼈𖽪𖾑 𖼷𖽪𖾐 𖼂𖽺𖾐．𖼽𖽡 𖼺𖽻 𖼦𖽑𖽺𖾑 𖼽𖽡 𖼍𖽙𖾐 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖽃𖽔𖾑 𖼄𖽻 𖼣𖽻𖾐．