𖼐𖽚 𖼽𖽕𖾑 𖼻𖽙 𖼺𖽙𖾐 𖼽𖽚𖾐 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐
10
1 𖼈𖽝 𖼍𖽕𖾑 𖽂𖽚 𖼍𖽙𖾑 𖼺𖽪𖾐 𖼐𖽚 𖼽𖽕𖾑 𖼞𖽳𖾐 𖼻𖽙 𖼳𖽔、 𖼦𖽕 𖼐𖽺𖾐 𖼽𖽔 𖼇𖽮 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼄𖽡𖾐 𖼣𖽻𖾐．𖼊𖽚𖾐 𖼈𖽡𖾐 𖼹𖽪𖾐 𖼐𖽦𖾐 𖼈𖽡𖾐 𖼽𖽚 𖼠𖽙𖾑 𖼍𖽻𖾐，𖼽𖽻 𖼈𖽳𖾐 𖼄𖽳𖾑 𖼄𖽳 𖼖𖽺𖾑 𖼻𖽙 𖼦𖽑𖽨𖾐．2 𖼽𖽔 𖼇𖽮 𖼞𖽳𖾐 𖼻𖽙 𖼞𖽑𖽶𖾑 𖼠𖽜𖾐 𖼄𖽡𖽺𖾑、 𖼄𖽔 𖼠𖽴𖾑、 𖼄𖽔 𖼍𖽦𖾑、 𖼽𖽔 𖽂𖽕、 𖼊𖽑𖽪 𖼂𖽔𖾐、 𖼄𖽡 𖼳𖽴𖾑 𖼐𖽺𖾐 𖼊𖽑𖽧 𖼖𖽔𖾐 𖼣𖽻𖾐．
3 𖼠𖽜𖾐 𖼄𖽡𖽺𖾑 𖼞𖽳𖾐 𖼻𖽙 𖼞𖽑𖽶𖾑 𖼽𖽕𖾑 𖼳𖽸 𖼰𖽡𖾐 𖼐𖽕、 𖼖𖽡𖾑 𖼇𖽕 𖼐𖽺𖾐 𖼊𖽑𖽚 𖼰𖽡𖽔𖾐 𖼄𖽕𖾑 𖼣𖽻𖾐．
4 𖼽𖽔 𖽂𖽕 𖼞𖽳𖾐 𖼻𖽙 𖼞𖽑𖽶𖾑 𖼽𖽡 𖼖𖽡𖾑 𖼳𖽔𖾐、 𖼊𖽑𖽔𖾐 𖼳𖽶𖾐、 𖼰𖽡𖾐 𖼊𖽑𖽧 𖼐𖽺𖾐 𖼍𖽙𖾐 𖼍𖽔𖾐 \fr 10．4 \ft “𖼰𖽡𖾐 𖼊𖽑𖽧 𖼐𖽺𖾐 𖼍𖽙𖾐 𖼍𖽔𖾐 ” 𖼊𖽑𖽺 “𖼰𖽡𖾐 𖼊𖽑𖽧 𖼮𖽑𖽪𖾐 𖼳𖽶 𖼷𖽑𖽻𖾐 𖼐𖽺𖾐 𖼍𖽙𖾐 𖼍𖽔𖾐 𖼮𖽑𖽪𖾐 𖼳𖽶 𖼷𖽑𖽻𖾐 ” 𖼀𖽦𖾐 𖼺𖽪𖾐 𖼖𖽺𖾑 𖼮𖽻𖾐． 𖼣𖽻𖾐． 5 𖼷𖽑𖽻𖾐 𖼮𖽑𖽪𖾐 𖼦𖽑𖽺𖾑 𖼹𖽻𖾐 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼀𖽜𖾐 𖼀𖽺 𖼺𖽺𖾑，𖼦𖽜𖾐 𖼄𖽙𖾐 𖼦𖽜 𖼞𖽳𖾐 𖼄𖽡𖾐 𖼊𖽺𖾐 𖼐𖽺𖾐 𖼦𖽜𖾐 𖼠𖽻𖾐 𖼄𖽡𖾐 𖼊𖽑𖽺 𖼮𖽻𖾐．𖼄𖽳𖾑 𖼄𖽳 𖼖𖽺𖾑 𖼽𖽻 𖼄𖽳𖾑 𖼊𖽻 𖼈𖽪𖾐 𖼐𖽺𖾐 𖼮𖽑𖽪𖾐 𖼳𖽶 𖼖𖽙𖾐 𖼮𖽑𖽻𖾐，𖼽𖽻 𖼄𖽳𖾑 𖼠𖽚 𖼠𖽻𖾐 𖼞𖽑𖽶𖾐 𖼞𖽳𖾐 𖼄𖽡𖾐 𖼊𖽺𖾐 𖼊𖽑𖽺 𖼮𖽻𖾐．
6 𖼦𖽕 𖼞𖽳𖾐 𖼻𖽙 𖼞𖽑𖽶𖾑 𖼠𖽪 𖼳𖽸、 𖽃𖽦𖾐 𖼰𖽧 \fr 10．6 \ft “𖽃𖽦𖾐 𖼰𖽧 ” 𖼊𖽑𖽺 “𖼄𖽦𖾑 𖼳𖽡𖾐 ” 𖼀𖽦𖾐 𖼺𖽪𖾐 𖼖𖽺𖾑 𖼮𖽻𖾐．、 𖼇𖽮 𖼐𖽺𖾐 𖼰𖽡𖽔𖾐 𖼐𖽕 𖼣𖽻𖾐．
7 𖼠𖽪 𖼳𖽸 𖼞𖽳𖾐 𖼻𖽙 𖼞𖽑𖽶𖾑 𖼳𖽡𖾐 𖼂𖽔𖾐、 𖼦𖽔𖾐 𖼇𖽺𖾐 𖼖𖽔𖾐、 𖼺𖽔 𖼇𖽮 𖼊𖽑𖽔𖾐、 𖼖𖽔𖾐 𖼄𖽔 𖼐𖽺𖾐 𖼺𖽔 𖼇𖽮 𖼊𖽑𖽧 𖼰𖽡𖽔𖾐 𖼣𖽻𖾐．𖼖𖽔𖾐 𖼄𖽔 𖼞𖽳𖾐 𖼻𖽙 𖼞𖽑𖽶𖾑 𖼳𖽶𖾑 𖼂𖽔𖾐 𖼐𖽺𖾐 𖼍𖽡 𖼍𖽕𖾑 𖼣𖽻𖾐．
8 𖼠𖽪 𖼳𖽸 𖼹𖽦𖾑 𖼽𖽻 𖼻𖽙 𖼐𖽑𖽧 𖼖𖽪𖾑 𖼊𖽑𖽺 𖼮𖽻𖾐，𖼊𖽺𖾐 𖼊𖽑𖽺 𖽂𖽙 𖼊𖽺𖾐 𖼷𖽑𖽻𖾐 𖼖𖽕𖾐 𖼷𖽑𖽻𖾐 𖼦𖽜 𖼞𖽑𖽶𖾑 𖼐𖽑𖽧 𖼖𖽪𖾑 𖼣𖽻𖾐． 9 𖼽𖽻 𖼽𖽺𖾐 𖼦𖽴 𖼦𖽫 𖽃𖽙𖾑 𖼄𖽺 𖼮𖽑𖽡𖽺 𖼐𖽑𖽡𖾑 𖼞𖽕 𖼺𖽪𖾐 𖼷𖽑𖽻𖾐 𖼖𖽕𖾐 𖼣𖽻𖾐．𖽃𖽔𖾐 𖼺𖽺𖾑，𖼊𖽻 𖼂𖽪𖾑 𖼊𖽻 𖼮𖽑𖽡𖽻 𖼮𖽻𖾐 𖼀𖽦𖾐：“𖼐𖽑𖽧 𖼖𖽪𖾑 𖼖𖽙𖾐 𖼺𖽶𖾑，𖼽𖽺𖾐 𖼦𖽴 𖼦𖽫 𖽃𖽙𖾑 𖼄𖽺 𖼮𖽑𖽡𖽺 𖼐𖽑𖽡𖾑 𖼞𖽕 𖼺𖽪𖾐 𖼷𖽑𖽻𖾐 𖼖𖽕𖾐 𖼀𖽑𖽢．” 10 𖼽𖽻 𖽂𖽙 𖼊𖽺𖾐 𖼳𖽶𖾑 𖼐𖽕 𖼄𖽡𖾐 𖼊𖽺𖾐 𖼠𖽚 𖼊𖽴𖾐，𖼞𖽑𖽶𖾑 𖼂𖽔𖾐 𖼂𖽡𖽦 𖼖𖽪𖾐、 𖼽𖽡 𖼖𖽧𖾑 𖼖𖽪𖾐、 𖼽𖽕𖾑 𖼰𖽡𖽕 𖼖𖽪𖾐 𖼐𖽺𖾐 𖼰𖽡𖽕 𖼐𖽑𖽧 𖼖𖽪𖾐 𖼣𖽻𖾐． 11 𖼽𖽻 𖼞𖽑𖽶𖾑 𖼄𖽡𖾐 𖼊𖽺𖾐 𖼮𖽑𖽻𖾐 𖼊𖽚𖾐 𖼖𖽻𖾐，𖼽𖽕𖾑 𖼳𖽪𖾑 𖼄𖽡𖾐 𖼊𖽺𖾐 𖼽𖽡𖾐 𖼺𖽺𖾑，𖼐𖽑𖽧 𖼐𖽑𖽧 𖼈𖽪𖽺𖾐 𖼖𖽪𖾐、 𖼖𖽡𖾑 𖼦𖽴 𖼂𖽚 𖼖𖽪𖾐 𖼐𖽺𖾐 𖼰𖽡𖽔𖾐 𖼖𖽔𖾐 𖼖𖽪𖾐 𖼊𖽴𖾐 𖼍𖽙𖾑． 12 𖼦𖽑𖽔𖾐 𖼖𖽺𖾑 𖼐𖽑𖽧 𖼐𖽑𖽧 𖼈𖽪𖽺𖾐 𖼖𖽪𖾐 𖼐𖽺𖾐 𖼰𖽡𖽔𖾐 𖼖𖽔𖾐 𖼖𖽪𖾐 𖼠𖽻𖾐 𖼊𖽑𖽺 𖼞𖽳𖾐 𖼖𖽡𖾑 𖼳𖽡𖽺𖾐 𖼖𖽪𖾐 𖼊𖽴𖾐，𖼞𖽑𖽶𖾑 𖼖𖽪𖾐 𖼈𖽳 𖼊𖽑𖽡 𖼊𖽝𖾐 𖼣𖽻𖾐．
13 𖽃𖽦𖾐 𖼰𖽧 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐，𖼞𖽑𖽶𖾑 𖼖𖽪𖾑 𖼍𖽡𖾐 𖼮𖽑𖽪𖾐 𖼳𖽶 𖼷𖽑𖽻𖾐、 𖼽𖽕𖾑 𖼐𖽕 𖼄𖽡 𖼮𖽑𖽪𖾐 𖼳𖽶 𖼷𖽑𖽻𖾐、 𖼖𖽡𖾑 𖼦𖽔𖾐 𖼂𖽡 𖼮𖽑𖽪𖾐 𖼳𖽶 𖼷𖽑𖽻𖾐、 𖼐𖽕 𖼇𖽮 𖼊𖽑𖽪 𖼳𖽡𖾐 𖼮𖽑𖽪𖾐 𖼳𖽶 𖼷𖽑𖽻𖾐、 14 𖼀𖽑𖽕𖾑 𖼺𖽶𖾐 𖼖𖽪 𖼳𖽡𖾑 𖼮𖽑𖽪𖾐 𖼳𖽶 𖼷𖽑𖽻𖾐、 𖼰𖽡𖽔𖾐 𖼺𖽶𖾐 𖼖𖽪𖾑 𖼳𖽡𖾐 𖼮𖽑𖽪𖾐 𖼳𖽶 𖼷𖽑𖽻𖾐 𖼐𖽺𖾐 𖼰𖽡𖽔𖾐 𖼇𖽺 𖼊𖽑𖽚 𖼮𖽑𖽪𖾐 𖼳𖽶 𖼷𖽑𖽻𖾐 𖼣𖽻𖾐．𖼇𖽺𖾐 𖼖𖽡𖾑 𖼳𖽸𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼦𖽑𖽺𖾑 𖼰𖽡𖽔𖾐 𖼇𖽺 𖼊𖽑𖽚 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼮𖽑𖽻𖾐 𖼀𖽜𖾐 𖼊𖽑𖽧 𖼖𖽻𖾐 𖼺𖽪𖾐 𖼣𖽻𖾐．
15 𖼰𖽡𖽔𖾐 𖼐𖽕 𖼻𖽙 𖼈𖽳 𖼳𖽡𖾐 𖼍𖽪𖽺𖾑 𖼣𖽻𖾐，𖼰𖽡𖽔𖾐 𖼐𖽕 𖼹𖽦𖾑 𖼽𖽻 𖼻𖽙 𖼦𖽴𖾑 𖼊𖽑𖽺 𖼮𖽻𖾐， 16 𖼽𖽻 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐，𖼦𖽑𖽔𖾐 𖼖𖽺𖾑 𖼽𖽺𖾐 𖼂𖽪𖾑 𖼺𖽶𖾐 𖼮𖽑𖽪𖾐 𖼳𖽶 𖼷𖽑𖽻𖾐、 𖼽𖽕𖾑 𖼄𖽚 𖼖𖽡𖾑 𖼮𖽑𖽪𖾐 𖼳𖽶 𖼷𖽑𖽻𖾐、 𖼠𖽴 𖼰𖽡𖽔𖾐 𖼺𖽔 𖼮𖽑𖽪𖾐 𖼳𖽶 𖼷𖽑𖽻𖾐、 17 𖼳𖽡𖾐 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐、 𖼽𖽕𖾑 𖼰𖽡𖾐 𖼮𖽑𖽪𖾐 𖼳𖽶 𖼷𖽑𖽻𖾐、 𖼳𖽡𖾐 𖼐𖽑𖽧 𖼮𖽑𖽪𖾐 𖼳𖽶 𖼷𖽑𖽻𖾐、 18 𖼽𖽕𖾑 𖽂𖽗 𖼍𖽡 𖼮𖽑𖽪𖾐 𖼳𖽶 𖼷𖽑𖽻𖾐、 𖼳𖽡 𖼄𖽔 𖼖𖽡 𖼮𖽑𖽪𖾐 𖼳𖽶 𖼷𖽑𖽻𖾐 𖼐𖽺𖾐 𖼦𖽔𖾐 𖼄𖽔 𖼮𖽑𖽪𖾐 𖼳𖽶 𖼷𖽑𖽻𖾐 𖼣𖽻𖾐．𖼠𖽙𖾑 𖼍𖽻𖾐，𖼰𖽡𖽔𖾐 𖼐𖽕 𖼮𖽑𖽪𖾐 𖼳𖽶 𖼷𖽑𖽻𖾐 𖼀𖽜𖾐 𖼀𖽺 𖼦𖽑𖽙𖾐． 19 𖼰𖽡𖽔𖾐 𖼐𖽕 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼊𖽺𖾐，𖼳𖽡𖾐 𖼍𖽪𖽺𖾑 𖼖𖽪𖾐 𖼞𖽳𖾐 𖼮𖽑𖽻𖾐 𖼰𖽻𖾐 𖼰𖽡𖾐 𖼖𖽔𖾐 𖽃𖽳 𖼖𖽪𖾐 𖼞𖽳𖾐 𖼽𖽡𖾐 𖼺𖽺𖾑，𖼰𖽡𖽔𖾐 𖼺𖽕𖾑 𖼖𖽪𖾐 𖼞𖽳𖾐 𖼮𖽑𖽡𖾐．𖼦𖽑𖽔𖾐 𖼖𖽺𖾑 𖼰𖽻𖾐 𖼺𖽙 𖼍𖽙𖾐 𖼄𖽔 𖼖𖽪𖾐、 𖽃𖽴 𖼄𖽚 𖼖𖽔𖾐 𖼖𖽪𖾐、 𖼽𖽔𖾐 𖼄𖽔 𖼖𖽪𖾐、 𖼳𖽡 𖼂𖽡𖽺 𖼖𖽪𖾐 𖼞𖽳𖾐 𖼽𖽡𖾐 𖼺𖽺𖾑，𖼖𖽔𖾐 𖼳𖽔𖾐 𖼖𖽪𖾐 𖼞𖽳𖾐 𖼮𖽑𖽡𖾐．
20 𖼷𖽑𖽻𖾐 𖼮𖽑𖽪𖾐 𖼦𖽑𖽺𖾑 𖼹𖽻𖾐 𖼄𖽳𖾑 𖼄𖽳 𖼦𖽕 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼣𖽻𖾐，𖼽𖽻 𖼄𖽳𖾑 𖼊𖽻 𖼈𖽪𖾐 𖼐𖽺𖾐 𖼮𖽑𖽪𖾐 𖼳𖽶 𖼖𖽙𖾐 𖼮𖽑𖽻𖾐，𖼽𖽻 𖼄𖽳𖾑 𖼠𖽚 𖼠𖽻𖾐 𖼞𖽑𖽶𖾐 𖼞𖽳𖾐 𖼄𖽡𖾐 𖼊𖽺𖾐 𖼊𖽑𖽺 𖼮𖽻𖾐．
21 𖼽𖽔 𖼇𖽮 𖼽𖽻 𖼍𖽕𖾑 𖼳𖽔 𖼣𖽻𖾐，𖼳𖽔 𖼖𖽺𖾑 𖼻𖽙 𖼮𖽻𖾐，𖼽𖽻 𖼦𖽑𖽺𖾑 𖼳𖽡𖾐 𖼂𖽚 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼞𖽳𖾐 𖽃𖽔𖾑 𖼄𖽻 𖼣𖽻𖾐．
22 𖼳𖽔 𖼞𖽳𖾐 𖼻𖽙 𖼞𖽑𖽶𖾑 𖼽𖽡 𖼖𖽕、 𖼽𖽕𖾑 𖼳𖽪𖾑、 𖼽𖽕𖾑 𖼇𖽕 𖼺𖽔、 𖼖𖽪𖾑 𖼍𖽴 𖼐𖽺𖾐 𖼽𖽕𖾑 𖼖𖽕 𖼣𖽻𖾐．
23 𖼽𖽕𖾑 𖼖𖽕 𖼞𖽳𖾐 𖼻𖽙 𖼞𖽑𖽶𖾑 𖼈𖽪𖾐 𖼺𖽶𖾐、 𖼦𖽪𖾑 𖼖𖽴𖾑、 𖼰𖽡𖾐 𖼊𖽑𖽡𖽦 𖼐𖽺𖾐 𖼄𖽕𖾑 𖼳𖽸 𖼣𖽻𖾐．
24 𖼽𖽕𖾑 𖼇𖽕 𖼺𖽔 𖼞𖽳𖾐 𖼻𖽙 𖼳𖽔𖾐 𖼖𖽔𖾐 𖼣𖽻𖾐，𖼳𖽔𖾐 𖼖𖽔𖾐 𖼞𖽳𖾐 𖼻𖽙 𖼳𖽡𖾐 𖼂𖽚 𖼣𖽻𖾐．
25 𖼳𖽡𖾐 𖼂𖽚 𖼻𖽙 𖼐𖽑𖽡 𖼦𖽑𖽳𖾐 𖼐𖽑𖽳𖾐 𖼮𖽻𖾐，𖼊𖽑𖽡 𖼽𖽚𖾐 𖼇𖽕 𖼖𖽴𖾑 \fr 10．25 \ft “𖼇𖽕 𖼖𖽴𖾑 ” 𖼦𖽑𖽺𖾑 𖼀𖽜𖾐 𖼀𖽺 𖼀𖽦𖾐 𖼺𖽪𖾐 𖼣𖽻𖾐． 𖼄𖽡𖾐．𖼞𖽪𖾐 𖼮𖽡𖽺𖾐，𖼞𖽑𖽶𖾑 𖼮𖽶𖾐 𖼮𖽑𖽻𖾐 𖼍𖽪𖾐，𖼊𖽺𖾐 𖼊𖽑𖽺 𖼷𖽑𖽻𖾐 𖼀𖽜𖾐 𖼀𖽺 𖼦𖽑𖽻𖾐．𖼇𖽕 𖼖𖽴𖾑 𖼐𖽑𖽳𖾐 𖼄𖽻 𖼽𖽱𖾐 𖼊𖽑𖽔𖾐 𖼣𖽻𖾐．
26 𖼽𖽱𖾐 𖼊𖽑𖽔𖾐 𖼞𖽳𖾐 𖼻𖽙 𖼽𖽕𖾑 𖼄𖽚 𖼍𖽕、 𖼳𖽔𖾐 𖼖𖽡𖽦𖾑、 𖼦𖽔𖾐 𖼺𖽕𖾑 𖼄𖽔 𖼇𖽺𖾐、 𖼽𖽺𖾐 𖼖𖽔𖾐、
27 𖼦𖽔𖾐 𖼍𖽙𖾐 𖼖𖽕、 𖼈𖽪𖾐 𖼺𖽕𖾑、 𖼍𖽴 𖼖𖽔𖾐、 28 𖽃𖽴 𖼂𖽔𖾐 𖼖𖽪𖾑、 𖼽𖽕𖾑 𖼂𖽡 𖼄𖽔 𖼖𖽡𖾑、 𖼳𖽶𖾑 𖼂𖽔𖾐、 29 𖽃𖽔𖾐 𖼇𖽺、 𖼦𖽔𖾐 𖼇𖽺𖾐 𖼖𖽔𖾐、 𖼽𖽱𖾐 𖼂𖽔𖾐 𖼣𖽻𖾐，𖼷𖽑𖽻𖾐 𖼦𖽑𖽺𖾑 𖼹𖽻𖾐 𖼄𖽳𖾑 𖼄𖽳 𖼽𖽱𖾐 𖼊𖽑𖽔𖾐 𖼞𖽳𖾐 𖼻𖽙 𖼣𖽻𖾐． 30 𖼽𖽻 𖼈𖽳𖾐 𖼮𖽻𖾐 𖼞𖽳𖾐 𖼄𖽡𖾐 𖼊𖽺𖾐，𖼄𖽡 𖼳𖽔𖾐 𖼄𖽡𖾐 𖼊𖽺𖾐 𖼮𖽑𖽻𖾐 𖼳𖽡𖾐 𖼇𖽕 𖼄𖽡𖾐 𖼊𖽺𖾐 𖼮𖽑𖽡𖾐 𖼺𖽺𖾑，𖼰𖽻𖾐 𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖽂𖽙 𖼰𖽡𖽺𖾐 𖼀𖽙 𖼖𖽙𖾐 𖼮𖽑𖽡𖾐．
31 𖼦𖽑𖽺𖾑 𖼹𖽻𖾐 𖼄𖽳𖾑 𖼄𖽳 𖼳𖽔 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼣𖽻𖾐，𖼽𖽻 𖼄𖽳𖾑 𖼊𖽻 𖼈𖽪𖾐 𖼐𖽺𖾐 𖼮𖽑𖽪𖾐 𖼳𖽶 𖼖𖽙𖾐 𖼮𖽑𖽻𖾐，𖼽𖽻 𖼄𖽳𖾑 𖼠𖽚 𖼠𖽻𖾐 𖼞𖽑𖽶𖾐 𖼞𖽳𖾐 𖼄𖽡𖾐 𖼊𖽺𖾐 𖼊𖽑𖽺 𖼮𖽻𖾐．
32 𖼷𖽑𖽻𖾐 𖼮𖽑𖽪𖾐 𖼦𖽑𖽺𖾑 𖼹𖽻𖾐 𖼄𖽳𖾑 𖼄𖽳 𖼐𖽚 𖼽𖽕𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼣𖽻𖾐，𖼽𖽻 𖼄𖽳𖾑 𖼮𖽑𖽪𖾐 𖼳𖽶 𖼖𖽙𖾐 𖼮𖽑𖽻𖾐，𖼽𖽻 𖼄𖽳𖾑 𖼠𖽚 𖼠𖽻𖾐 𖼞𖽑𖽶𖾐 𖼞𖽳𖾐 𖼄𖽡𖾐 𖼊𖽺𖾐 𖼊𖽑𖽺 𖼮𖽻𖾐．𖼊𖽚𖾐 𖼈𖽡𖾐 𖼹𖽪𖾐 𖼐𖽦𖾐 𖼈𖽡𖾐 𖼽𖽚 𖼠𖽙𖾑 𖼍𖽻𖾐，𖼄𖽡𖾑 𖼐𖽦𖾐 𖼊𖽑𖽺 𖼞𖽑𖽙𖾐 𖼣𖽻𖾐 𖼳𖽶 𖼀𖽑𖽙 𖼖𖽺𖾑 𖼷𖽑𖽻𖾐 𖼮𖽑𖽪𖾐 𖼦𖽑𖽺𖾑 𖼹𖽻𖾐 𖼞𖽳𖾐 𖼮𖽑𖽻𖾐 𖼀𖽜𖾐 𖼊𖽑𖽧 𖼖𖽻𖾐 𖼺𖽪𖾐 𖼣𖽻𖾐．