Erkinya vucciak codoi
20
Ma natẽ, kĩcĩna balna na Yoanẽ anjĩlõ ĩmma cĩ allucciay tammuatiddina, cĩ ayaha mũwũta cĩ look cĩ wuuni cĩ athii cĩ aturnẽcẽ, kĩ ngarikowoc cĩ adĩngdĩngĩ õrrõt. 2 Ma natẽ, ikiyyia balna agam anjĩlõ neccie kugul, ĩthõng ẽcẽb erkinya vucciak codoi. Ẽẽn balna kuguli neccie kũwaat wũ balna rẽẽnĩ, wũ athĩ thar Thĩttan, ĩthõng ĩthĩ alaan cĩ ririwanĩn cĩk gerthek. 3 Ma natẽ, utdukeek anjĩlõ ĩnõõnõ loowa ĩcĩtõ, ĩthõng ũnyũk erkinya vucciak codoi, kĩĩ katĩ kithii cĩ aku ĩgõõl kuguli eet cĩk loocu naboo gii ngĩ edecciay erkinya cĩk ẽẽn vucciak codoi. Ma vurtia, aku katĩ õõga anjĩlõ ĩnõõnõ naboo itina cĩ dĩcĩ.4 Ma natẽ, kĩcĩna balna na taabĩt cĩk aatẽ eeta cĩk anycĩwothĩk makathĩtĩ cĩ ẽtẽẽdĩ thoothonniok cĩk eet cĩk loocu. Ĩthõng naboo, kĩcĩna eet wũk balna aruwue, nyatarka irion thõõth cĩ Yesu kĩ thõõth cĩ Nyekuco. Ngaanĩ balna kalaacõ nẽẽgẽ nacamba, kõdẽ gii cĩ õgõõn kĩ nacamba, ĩthõng abũrĩ ngatĩ ayaĩ nyamacar cĩnnĩ nguumtẽnẽy cĩgĩk, kõdẽ athĩnẽy cĩgĩk. Arũkna nẽẽgẽ kivitia kagamit looc kõdõwẽ kĩ Kiristo erkinya vucciak codoi. 5 Eet cĩk arũkna ĩcĩ owu cĩkkõ. Ĩthõng eeta gwuak wũk adaaitõ, athii cĩ arũkna gii ngĩ ũtũbantothĩk erkinya cĩk ẽẽn vucciak codoi ẽẽ. 6 Agatan Nyekuci eet cĩk callĩk cĩk arũgũtha nẽ daaĩtha ĩcĩ owu. Athii daaĩthĩ cĩ ẽẽn rammaa cĩ ayak tiirthẽt ĩcĩnĩng. Ĩthõng thĩ, avvu katĩ ẽẽn nẽẽgẽ paadĩrnya cĩk Nyekucak kĩ cĩk Kiristo, agam katĩ nẽẽgẽ looc kõdõwẽ kĩ ĩnõõnõ erkinya vucciak codoi.
Atamaac Nyekuci Thĩttan
7 Ooguay katĩ Thĩttanĩ kĩjanatõ, katĩ ngĩ edecciay erkinya cĩk ẽẽn vucciak codoi ẽẽ, 8 ĩthõng õkkõ katĩ ĩgõõl nẽ eet cĩk loociok cĩk Gõgĩ, kĩ cĩk Magõgĩ, cĩk aatĩ tõõna ĩcĩ alibanĩ kõr, kĩ cĩ okolothĩcẽ kõr, kĩ ĩcĩ diinu, kĩ ĩcĩ lootu cĩ loocu, ĩthõng ũlũta nẽ ĩnõõgõ ũũwĩ jora. Mẽẽlĩ katĩ eeta neekie õrrõt, kaavutõ kĩ kathaaca cĩk titim cĩ bũlũco. 9 Õwõ katĩ nẽẽgẽ looc vẽlẽk, ĩthõng ĩlĩkta eet cĩk Nyekucak, kĩ kõrõõk cĩ gaalawu cobbi cĩ amĩnan Nyekuci. Ĩthõng thĩ, kẽnnẽ atdukuay gua tammuatiddina, kikiyyia kũtũth mĩrõk nĩĩkẽ kithiicõ. 10 Ngaatĩ thĩ katĩ atdukothĩcẽ alaanĩ cĩ ririwanĩn cĩk gerthek, wũ balna ĩgõõl ĩnõõgõ bũlũca cobbi cĩ guo cĩ aaburi patdahac, wũ balna atdukothĩcẽ nacamba kĩ et cĩ õthõõth molook cĩnnĩ wũ balna ẽẽn volongnyiait. Acananni katĩ nẽẽgẽ natẽ waathĩn kĩ baalin kũdũt.
Teedinet cĩ aturna
11 Ĩthõng kĩcĩna balna na taaba cobbi õrrõt cĩ võõrĩ, kĩ Et cĩ aavẽ taaba nĩcẽ. Avir balna lõõcĩ kĩ tammutiddin kẽbẽrẽnĩy ĩcĩgĩnĩk, ĩthõng athii kẽnnẽ ngĩtĩ õvvõ alugunyẽnĩ nẽẽgẽ tõ. 12 Ĩthõng naboo, kĩcĩna eet wũk balna adaaitõ cĩk kĩdĩk kĩ cĩk obbitik, abĩlĩ nguuma cĩ taaba nĩcẽ. Ĩthõng ubuuktie nyaragẽta, ĩthõng ikiyyia upuuwe nyaraga cĩ rũgẽtõ. Ngaatĩ engerini thoothonniowa cĩk eet wũk balna adaaĩ, kĩ balna thẽk ngĩ adĩman nẽẽgẽ thoothonniok gõõla cĩ eheeddi nyaragẽtẽy. 13 Ma natẽ, ayaha bũlũc daakciak cĩgĩnĩk, ĩthõng ayaha daaĩthĩ kĩ looc cĩ daakciawu daakciak cĩgĩk. Ĩthõng thĩ, ivitia eteddie thoothiowa cĩgĩk vẽlẽk gõõla cĩ balna aticanini nẽẽgẽ codoi codoi. 14 Ma natẽ, utdukeek Nyekuci daaĩth kĩ looc cĩ daakciawu guyyia cobbi cĩ aavĩ kũdũt. Ĩthõng ẽẽn bũlũc nĩcĩ guyyio ẽẽ daaĩth, cĩ ẽẽn ramma. 15 Ĩthõng mĩ athii cĩ eheeddi thara cĩk et ĩmma nyaragawa cĩ rũgẽtõ, ikiyyia katĩ eeti neccie utdukothĩk bũlũc cĩ guo cobbi cĩ aavĩ kũdũt.