Lawinit taabawa ĩcĩ Nyekuco tammuatiddina
4
Ma natẽ, kĩcĩna na Yoanẽ katũk cĩ kõrõõk cĩ Nyekuco tammuatiddina õwẽ, ĩthõng ikiyyia moloowĩ cĩ balna kĩthĩrara ĩcĩ owu vẽlẽk, õrõĩ kĩ nyeepu, ĩthõng ennea ne, “Ijjia da tiddina ngato, kĩĩ katĩ keyeleei thoothonniok cĩk katĩ edenyiay vurtia cĩ thoothonniok cĩkkõ.” 2 Ma tamanoko, kĩcĩna ngatĩ agamnya Ririwacĩ cĩ Dĩhĩmĩ aneeta, okoyyia ĩcĩ taaba cĩ tammutiddino, cĩ aavẽ Eeti ĩmma.a 3 Ĩthõng Eeti cĩ aavẽ taaba ẽẽ, õgõõn kĩ bĩĩyẽna cĩk ataalĩthĩ cĩk athĩ jatheper kĩ karlenia, ĩthõng õyõkõn balna taaba nĩcẽ borowecĩ cĩ cũlaĩ kĩ bĩĩ cĩ athĩ emeral. 4 Aliheei balna taaba cĩ aavẽ nẽ ẽẽ, taabĩta gwuak naboo, cĩk ẽẽn etĩmma kĩ wec cĩk aatẽ eeta cĩk obbitik cĩk ẽẽn etĩmma kĩ wec buu, cĩk ahimit ceremua cĩk võõrĩk pẽr, ĩthõng ayait lũlũwẽn cĩk ẽẽn daab. 5 Ĩthõng taabawa nĩĩco, abadĩ tammu, ĩthõng iciayyi õrrõt. Ĩcĩ nguum cĩ taaba nĩcẽ, alanyĩt kaala cĩk katũkũlẽnĩ tũrgẽrẽm cĩk ẽẽn Ririwanĩn cĩk Nyekucak. 6 Ĩthõng ĩcĩ nguum cĩ taaba nĩcẽ, ataalĩth gimma cĩ athĩ kathalkathal kĩ maama cĩk ataalĩthĩ.Ĩthõng kõrgẽna cĩ taaba nĩcẽ aatĩ kaala gwuak cĩk arũgĩ cĩk ẽẽn wec, cĩk ayak kẽbẽrẽ eletinẽy ĩcĩgĩk vẽlẽk. 7 Edenyiay gimma cĩ arũgĩ ĩcĩ owu, õgõõn kĩ maa, ĩthõng õwõbẽcĩ cĩ õgõõn kĩ tõmõta, ĩthõng cĩ ẽẽn iyyio, ayak nguum kĩ eeti, ĩthõng cĩ ẽẽn wec, õgõõn kĩ thuuti cĩ akul thõng. 8 Ĩthõng ayak kaala cĩk arũgĩ cĩk ẽẽn wec wo vẽlẽk kavutanẽ tõrkõnõm. Kavutẽnẽy nĩĩkẽ, ayak kẽbẽrẽ ĩcĩtõ kĩ ngatĩvõrĩ vẽlẽk, ĩthõng arki ebellie kaala neekie arũgĩ ẽẽ, baalin kĩ waathĩn athĩ ne,
“Dĩhĩma, dĩhĩma, dĩhĩma,
Makayyioit Nyekuc Tiiryioit cĩ Ijiar vẽlẽk,
aavĩ balna ĩcĩ owu, ĩthõng aavĩ yoko, ĩthõng õbõda katĩ naboo.”
9 Arki balna ebelei kaala nĩĩkĩ arũgĩ ẽẽ, Et cĩ aavĩ taabawa cĩ arũgĩ kũdũt wo tegelua cĩk adĩhĩthĩ ĩnõõnõ, kĩ cĩk abuluthi ĩnõõnõ, ĩthõng entek ĩnõõnõ ne, ibalallẽ. 10 Ma natẽ, akatit eeta cĩk obbitik cĩk ẽẽn etĩmma kĩ wec kuthungti, ĩthõng alaacõ Et cĩ aavĩ taabawa cĩ aavĩ kũdũt. Ĩthõng ĩdĩmta lũlũwẽn cĩgĩk aryik loota nguuma cĩ taaba nĩcẽ, ĩthõng ĩĩtõ ne,
11 “Makayyioit Nyekuc cĩnang, eeni niia Et
cĩ woccia anyĩwothici dĩhĩthẽnĩtĩ,
kĩ bulẽnĩt, kĩ tiirthẽt vẽlẽk,
nyatarka balna ẽngẽnyca niia kaal vẽlẽk,
etengenyciay balna nẽẽgẽ dimẽnta cunni.”