Nyaraga cĩ
Yelintio cĩ Yesu Kiristo
Yelinit cĩ Nyaraga cĩ Yelintio
Ẽhẽẽd balna Yoanẽ cĩ ẽẽn tionniait cĩ Yesu Kiristo Nyaraga coo, kĩĩ katĩ kẽẽl meelitinnya tũrgẽrẽm cĩk lemnyiok cĩk Kiristo, wũk balna ẽnnẽ nẽ makayyioit cĩnĩng. Terehiantiowẽy ĩcĩk ẽẽn 2-3, aduwaai balna Yesu Yoanẽ ketehedĩk Nyaragẽt mĩn mĩn meelitinnya cĩk kelethianyawu codoi codoi, atĩrĩth ĩnõõgõ kũtũngtek gerthetin, ĩthõng naboo, irionĩk ĩnõõgõ kaavutõ kallia kĩĩtõ ticcianniok cĩk Nyekucak, kõdẽ woyyia ngĩ aruk eeta ĩnõõgõ buu nuun.
Ĩthõng terehiantiowẽy ĩcĩk ẽẽn 4-20 cĩ Nyaraga coo, ayak Yoanẽ ngonothinet cĩ acĩnĩ tiirthẽt kĩ bulẽnĩt cĩ Nyekuco. Ĩthõng ngonothintia ĩcoo, ẽyẽla Nyekuci varac cĩnnĩ, nyatarka thoothonniok vẽlẽk cĩk gerthek cĩk aatĩ looca coo, ĩthõng ẽyẽla Nyekuci gõõl cĩ katĩ ijiarĩ Kiristo thõõth cĩ gerthe, ĩthõng etedĩk katĩ thõõth eet vẽlẽk cĩk abũrĩ thõõth cĩnnĩ cĩ ẽẽn dĩdĩ.
Ĩthõng terehiantiowẽy ĩcĩk ẽẽn 21-22 aduwa thõõth cĩ katĩ agĩĩranẽ Nyekuci tammutiddin, kĩ looc coo, ĩthõng katĩ ẽtẽngẽnya tammutiddin, kĩ looc cĩ jõr cĩ katĩ arũmẽẽnĩ Nyekuci, kĩ Yesu Kiristo kĩ eet vẽlẽk cĩk ẽlẽmĩ ĩnõõnõ kũdũt.