Tĩrĩthẽnĩt cĩ balliowu
5
Yoko, ĩthĩktõy niigia balliowa utuluth, nyatarka thõõth cĩ gerthe cĩ katĩ atdukwuacung agiitia. 2 Ummu agiitia balinti cunung vẽlẽk, ĩthõng adait thõrõwõnyẽ ceremua cuguk kathartharyie kaganoko. 3 Ongonoththie nyarobinya cuguk cĩk ẽẽn thĩĩk cĩk athĩ kathalkathal,a kĩ daab, ĩthõng ngonothinetĩ coo, ẽẽn keberec cĩ adĩmannung agiitia buth, atũũth eleeti cuguk kĩ gua. Ĩthõng nga kẽnnẽ itiangnyu niigia balinit coo, noko gii ngĩ õdõlan waathĩnĩ cĩ aturna cĩ katĩ ẽtẽẽdĩ Nyekuci thoothonniok cĩk eetu vẽlẽk. 4 Ĩcĩnĩt nõõnõ! Aluecung eeta wũk balna aticanothicung agiitia, wũk athii cĩ adũmannu niigia nyarobinya cĩk tiic cĩnĩng. Ĩthõng yoko, ĩthĩrar Makayyioiti cĩ Tiiri cĩ Ijiar vẽlẽk, ulua cĩ eet wũk balna ẽtẽda labĩ manẽẽnĩy cuguk vẽlẽk. 5 Balna ngaanĩ attiyyu niigia loota ngato, amukcu balna keengti cuguk dõ, ĩthõng ebelbellu. Ĩthõng thĩ yoko, idiktu aavuttu kĩ tõmõnya cĩk õõt ucuwantẽ thõng. 6 Etedicu balna niigia et cĩ amĩrĩ thõõth, ĩthõng uruktu ĩnõõnõ, kõdẽ woyyia ngĩ athii cĩ abũrĩ nẽ thoothonniok cuguk.Omogit hecinit katĩ nga ereyyu Makayyioit
7 Gõtõõnõga kĩ ngõõnõga, ereyyiõy gii ngĩ õbõda Makayyioiti. Aavut kĩ evyiowa cĩk manẽẽnu cĩk gõõ ereyyi gii ngĩ ĩtĩĩl tammu, ĩthõng naboo, ereyyiõy gii ngĩ ibbiritõ manẽẽna. 8 Adiim ngĩ erewinu niigia buu noko. Anycĩk thinneti cuguk kokomit, aavut mogintia, nyatarka õbõwẽ ikiyyia Makayyioiti. 9 Gõtõõnõga kĩ ngõõnõga, nyĩ ongongoweccu goonogu, kõdẽ ngĩ etedicung kẽnnẽ katĩ Nyekuci agiitia thõõth, nyatarka ĩbĩl nẽ katũga.
10 Gõtõõnõga kĩ ngõõnõga, owobit yelinit wũ balna eet wũk õthõõth molook cĩ Nyekuco,b wũk õthõõth thõõth cĩ Makayyiokto. Õmõgĩ balna nẽẽgẽ hecinit wathinniowẽy wũk balna ehecini nẽẽgẽ. 11 Kadĩhĩth naaga eet wũk balna õmõgĩ canan. Ithiktu niigia canan cĩ Joobĩ,c ĩthõng icintu gii cĩ aku adĩmaneei Makayyioiti ĩnõõnõ vurtia. Ayak Makayyioiti tamati cobbi.
12 Gõtõõnõga kĩ ngõõnõga, thoothiowẽy vẽlẽk, nyĩ abũtannu thaarĩy ĩcĩk tammutiddin, kõdẽ ĩcĩk looc nĩco, kõdẽ ĩcĩk gimma. Uduktia thõõth cĩ athĩ ne ii, kõdẽ athii tõ, kĩĩ katĩ athii cĩ etedothicung ukwẽẽntĩ.
Lawinit cĩ leminto
13 Ma ngĩ ayak eeti ĩmma cunung canan, abũnna ma ngĩ alayyie. Ĩthõng ma ngĩ ẽbẽlbẽl eeti ĩmma, anycĩk ĩnõõnõ kẽbẽl tegelua cĩk dĩhĩthẽntak. 14 Mĩ ĩmmõrĩ eeti ĩmma kõrgẽna cunung, anycĩk ĩnõõnõ kũtũvũwa makayyiok cĩk lemnyiok cĩk kelethiawak,d kivitia kalayyiõĩ ĩnõõnõ, ĩthõng uvuudito ngooroca thaarĩy cĩk Makayyioktak. 15 Anyi katĩ lawinti cĩ leminit cunung et cĩ ĩmmõrĩ wo kũbũna. Anyi katĩ Makayyioiti ĩnõõnõ kĩtĩnga. Ma da ngĩ ẽẽn nẽ et cĩ ẽgẽrẽthanõy, uungnothi katĩ gerthetini cĩnnẽ. 16 Ĩthõng thĩna, ngĩ ẽgẽrẽthantowu niigia, aduwaccu woccia goonogu gerthetin cunung, wũ balna adĩmannu niigia. Ĩthõng thĩ, alayyiowu eleeti cuguk kõdõwẽ, kĩĩ katĩ ũbũnta niigia. Tiir lawinti cĩ eet cĩk abũnna, ĩthõng aga ngatĩ ellung agiitia õrrõt.
17 Ẽẽn balna Elijae et cĩ õgõõn kĩ naaga. Alayyie balna nẽ õrrõt athĩ ne, kĩĩ kithii cĩ atĩĩlĩ tammu, ĩthõng thẽk ĩthĩnga tammu atĩĩlĩ looca nĩcẽ erkinya iyyio kĩ nyĩĩlõwẽ tõrkõnõm. 18 Ma balna ngĩ alawõy nẽ naboo, ikiyyia ĩtĩĩl tammu dĩdĩ kaanyĩk labĩ kukullia.