Tẽgẽl 91
1 Eeti cĩ õkkõ ngatĩ aavẽ Nyekuci
cĩ Tiiri cĩ Ijiar vẽlẽk,
amũda katĩ nẽ yuwuthõn ngatĩ
aavẽ Makayyioiti Tiiryioiti.
2 Kaduwa katĩ na ẽẽn Makayyioiti ngẽnẽ,
“Ẽẽn nẽ ngĩtĩ kalugunyẽnẽ na,
kĩ ngĩtĩnanĩ cĩ alũwẽ kõkõm,
Nyekuc cannĩ cĩ kaari na
thĩnĩn cannĩ kĩ ĩnõõnõ.”
3 Ẽẽlani katĩ nẽ aniitia nyeritienyay vẽlẽk,
ĩthõng ẽẽlai katĩ mõõrĩtha cĩ daaĩtho.
4 Ammutti katĩ nẽ aniitia kavurẽnẽy cĩgĩnĩk,
ĩthõng alugunyẽnẽ katĩ niia kavutanẽ cĩgĩnĩk,
ẽẽn katĩ thõõth cĩnnẽ cĩ athũnnĩ nẽ kilib cunni,
ĩthõng uthuutti nẽ aniitia.
5 Nyĩ ongollie katĩ niia kaal cĩk gerthek baal,
kõdẽ nyarang cĩ icciayyi waath,
6 kõdẽ mõõrĩth cĩ agamnyi baal,
kõdẽ thõõth cĩ gerthe cĩ arukci waath.
7 Adaaĩ koccia eeta vucciak codoi ngatĩ aavẽ niinia,
adaaĩ vucciaknya õmmõtõ tõõna cĩ athiit cunni cĩ athio,
ĩthõng thĩ, kẽnnẽ athii katĩ gii cĩ adĩmanni aniitia buth tõõ.
8 Acini katĩ niia kẽbẽrẽnĩy ĩcugunik dõ,
gõõl cĩ uukẽnẽ eeta cĩk gerthek.
9 Mĩ anyi niia Nyekuc cĩ Ijiar vẽlẽk kĩĩ kõrõõk cunni,
kõdẽ Makayyioit cĩ ẽẽn ngĩtĩ kalugunyẽnẽ nana,
10 ĩthõng thĩ, athii katĩ gimma cĩ adĩmanni aniitia buth tõõ,
athii katĩ pĩrnanẽtĩ cĩ aku kõrõõk cunni.
11 Nyatarka anyi katĩ Nyekuci anjĩlẽt cĩgĩnĩk kĩrĩcantai aniitia,
kebekti aniitia goolliowẽy vẽlẽk ĩcĩk õkõyyẽ niinia,
12 odongnyi katĩ nẽẽgẽ aniitia athĩnẽy cĩgĩk,
kĩĩ katĩ kithii cĩ ĩdda bĩĩ thoo cugunik.
13 Aathi katĩ niia maa kĩ lowupal,
aathi katĩ niia maa cĩ tiiri kĩ kũwaat.
14 Athĩ Makayyioiti ne, “Kẽẽla katĩ na ĩnõõnõ,
nyatarka amĩnanna nẽ aneeta,
karĩcana katĩ na ĩnõõnõ,
nyatarka ẽlẽmĩ nẽ thar cĩganĩk.
15 Avvũyya katĩ nẽ aneeta, ĩthõng kẽdẽca na ĩnõõnõ,
karũmẽna katĩ kĩ ĩnõõnõ pĩrnanta cĩnnĩ,
kẽẽla katĩ na ĩnõõnõ, ĩthõng kõtõngõlẽ na ĩnõõnõ.
16 Kaanyi katĩ na ĩnõõnõ kũrũk kuumuc,
ĩthõng katĩ ĩcĩn nẽ elianĩt cannĩ.”