1
1 Mɛr kɔ̃tɩn thɔna sɛbɛɛkɛ a ha Gayʋsɩɩkɛ mɩ-n nanɩ. Mɩ-n naarɛ na sobɔr.
2 Ɩ̃ kuunikɛ mɩ-n nanɩ, mɔ̃ mɩ-n ƴaalnɩ gɩ hana far dʋɔn, thɩ̃ɛ fɛʋ na-n jala far bɔɔ, fɩ 'lɛ tomɩ kheu, mɔ̃ afɩ thuda n jalnɩ bɔɔ.
3 Gɩ da marɛ haar ka, ɔbɔɔkɛ omɩna kɔɔ ɩnɩ a mɩɩ sobɔ so jɩɩr sobɔrraakɛ hanɩ afɩ pa, kɛ dɔnɩ mɔ̃ fɩ-n ɩɩrnɩ sobɔrra.
4 Ma hana daʋ dɩɩ kɔ̃tɩ̃ jɔ da ʋra', kɛ dɔnɩ mɔ̃ mɩ-n nɩɛnɩ dɩ ɩ̃ bɩsãsɔ n ɩɩrɛ sobɔrra.
5 Ɩ̃ kuunikɛ mɩ-n nanɩ, fɩ-n cʋʋrɛ bɔɔ gɩrɛraakɛ fɩ-n cʋʋnɩ omɩnana, narakɛ omɩnanaakɛ dɔnɩ kpakpala.
6 Wɩ mɩɩrɛ sobɔ so jɩɩr afɩ naʋra we gbɛbɩdaraa thɩ̃thɩɩn; ga bɔrɛ ado fɩ bul wi na fɩlɛɛkɛ na danɩ Thãgbara awɩ kpaar para.
7 Gɩdonɩ Jeju Kirisitii i dɔ nɔɔ wɩ thenɩ jal, sɩ wa-n tee thɩ̃ɛ ca kpalaa pa ga.
8 Gɛr gɩ sɛrɛ, sɩ teenanɛ sɩ tea wa tibil casɔɔle, a gbɛba kha thɔma na dɔ sobɔrra.
9 Mɩ kɔɔ kherere thɩmɩɩr gbe a ha we gbɛbɩdara, sɩ Diyotɩrɛfɩɩkɛ n ƴaalɛnɩ ɩnɩ-n dɔ war ƴɛ kʋl aa-n gba asɩda ga.
10 Gɛr gɩ ado mɩ pɔ, cʋʋ caalera a-n cʋʋnɩsɔ ma ɩɩrna gɛr, gɩdonɩ a-n mɩɩrɛ thɩmɩɩ puunə da-n pɛ sar, sɩ gelelakɛ ga-n nɩɩraa pa', sɩ ɔɔ thɛthɛ n yɩ, ɩna tee omɩna ga, dɩ wɩrɛ n ƴaalɛnɩ wa-n cʋʋ wo a-n pɩɛr wɛr, sɩ dɩ wee wɩ we gbɛbɩdaraa thɩ̃thɩɩn da-n faa.
11 Ɩ̃ kuunikɛ mɩ-n nanɩ, fa-n phɛl thɩ̃ puə', sɩ na phɛla thɩ̃ bʋɔ. Ʋrɛɛkɛ n cʋɛnɩ gɩrɛɛkɛ bʋɔnɔnɩ Thãgbaada a do, sɩ ʋrɛ n cʋɛnɩ gɩrɛ puurohi aa yɩ Thãgba ga.
12 Tɩbɩla fɛʋ na sobɔrɩ thɛthɛrakɛ n mɩɩrɛ so jɩ bʋɔ dɩ wa-n pɛ Demetiriynsira; sɛrɛ dakha sɩ-n mɩɩrɛ so jɩɩr dɩ sa-n pɩɛraa, dɩ fɩ jɩrɛ asɩ so jɩ dʋɔn sobɔr.
13 Mɩ hananɛ thɩ̃ɛ jɔɔ a na khere far, sɩ ma-n ƴaal ɩ̃ gba sɛbɛ khere nyʋɔn na sɛbɛ kheredaa ɩ̃ mɩɩna fa'.
14 Sɩ mɩ pɛrɛ haar kɩɛr na gbe ma yɩ fɛr sɩ mɩɩ kha ƴɛ biro.
15 Thãgba na-n hana fɩ ha ɩɩ. Asɩ kuunsɔ fʋɔr fɛr; fʋɔrɛ asɩ kuunsɔ fɛʋ bɩɛlbɩɛl na awɩ i.